Шилдэг багшийг 100,000,000 төгрөгөөр урамшуулна | News.MN

Шилдэг багшийг 100,000,000 төгрөгөөр урамшуулна

Хуучирсан мэдээ: 2019.10.02-нд нийтлэгдсэн

Шилдэг багшийг 100,000,000 төгрөгөөр урамшуулна

Шилдэг багшийг 100,000,000 төгрөгөөр урамшуулна

Ардыг гэгээрүүлэх яам нэртэйгээр анх байгуулагдсан боловсролын салбарын 95 жилийн ой энэ онд тохиож, багш нарт чиглэсэн олон ажлууд хийгдэж байна. Үүний нэг нь Боловсрол, Соёл, Шинжлэх Ухаан, Спортын Яам, “Боловсрол”телевизийн хамтран хэрэгжүүлж буй “Би багш” төсөл нэвтрүүлэг юм. Өнгөрөгч 4-р сард зохион байгуулагдсан Монголын багш нарын VII их хурлын үеэр төслийн удирдамжийг танилцуулсан бөгөөд 2 шатны шалгаруулалт орон даяар зохион байгуулагдсан юм. Төслийн эхний шатанд багш нар “Миний хэрэгжүүлсэн бичил төсөл” ерөнхий сэдвээр 2 минутын видео бичлэг хийж илгээсэн бөгөөд аймаг, дүүрэг тус бүрт 3 багш, нийт 90 багшийг шалгаруулсан. Харин дараагийн шатыг Завхан, Өвөрхангай, Орхон, Хэнтий аймаг, Улаанбаатар хот гэсэн 5 бүсэд хуваарилан зохион байгуулж, мэргэжилтэн, уран бүтээлчдийн баг очиж шалгаруулснаас нэвтрүүлэгт оролцох шилдэг 30 багш тодроод байна.

Төслийн хүрээнд нийт 24 дугаар нэвтрүүлэг бэлтгэн үзэгчдэд хүргэх юм. Дугаар бүрт багш нар тодорхой сэдвийн хүрээнд салбартаа манлайлагч эрхмүүдийн мастеркласс сургалтад хамрагдаж, олон талын ур чадвар сорьсон сонирхолтой даалгавруудыг гүйцэтгэнэ. Ийнхүү өрсөлдсөөр финалын шатанд шилдэг 4 багш үлдэх бөгөөд шүүгчдийн үнэлгээ, олон нийтийн санал асуулгаар шилдгийн шилдэг болон шалгарсан цорын ганц ялагч зуун сая төгрөгийн мөнгөн шагналын эзэн болохоос гадна АНЭУ-ын Дубай хотноо жил бүр зохион байгуулагддаг Дэлхийн багш нарын ур чадварын уралдаанд улсаа төлөөлөн оролцох эрхийг авах юм.

Үзэгчид, тэр дундаа бага боловсролын багш, сурагч, эцэг эх гээд хэн бүхэн хамтдаа бүхий л талаар суралцаж, хөгжихөд туслах “Би багш” нэвтрүүлгийн эхний дугаар 10-р сарын 5-нд буюу багш нарын баярын өдөр үзэгчдийн хүртээл болно.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-10-02 66.181.161.125

neg huniig tiimikh mungeer shagnaj baihaar olonbagshid hurteemjtei shanal baikh talaas ny anhaaraach, been hel am daguulna daa, absolut gants shildeg bagsh gej baih esgui

Avatar

bagsh 2019-10-02 202.21.116.12

neg huniig shagnaj eldev heruul am daguulj baisnaas bagsh narin tsalin nemeh heregtei

Avatar

mgl 2019-10-02 202.179.11.230

utgagui yum. buun hel am daguulna.

NewsMN Гар утасны хувилбар Татах
NEWS.mn

Мэдээллийн эх сурвалж