Хотын дарга аа, орхигдсон дүүрэгтээ нэг ажиллаач! | News.MN

Хотын дарга аа, орхигдсон дүүрэгтээ нэг ажиллаач!

Хуучирсан мэдээ: 2019.10.02-нд нийтлэгдсэн

Хотын дарга аа, орхигдсон дүүрэгтээ нэг ажиллаач!

Хотын дарга аа, орхигдсон дүүрэгтээ нэг ажиллаач!

Нийслэлийн дүүргүүдээс хөгжлөөрөө хамгийн их хоцрогдсон нь Сонгинохайрхан болж хувирлаа. Хүн ам хамгийн ихтэй, хөдөөнөөс шилжин ирэгсэд олонтой энэ дүүрэгт өнгөрсөн гурван жилийн хугацаанд хийгдсэн бүтээн байгуулалтын ажлаас нэрлэ гэвэл УИХ-ын 2016 оны сонгуулийн жил эхэлж баригдсан Толгойт чиглэлийн авто зам, нэг жишиг нэгдсэн эмнэлгийн барилга баригдаж буйг эс тооцвол үзүүлье гэх ажил алга.

Хэдэн жил хэл ам таталсны хүчинд “Хилчин” хотхоныг төвлөрсөн дулааны шугам сүлжээнд холбох ажил саяхнаас эхэлсэн. Бусдаар бол гялтайх ажил алга.

Гэтэл бусад дүүрэг нь нүдэн дээр хөгжсөөр. Тухайлбал, Чингэлтэй дүүргийн гэр хорооллынхон орон сууцтай иргэдийн нэгэн адил орчин нөхцөлд амьдардаг болов.  Өвлийн сууцаа цахилгаанаар халаачихна, халуун ус гоожуулаад гэртээ усандаа орчихно, дотроо 00-той гээд “Хашаандаа тохилог амьдаръя” төслийн хүрээнд дэд бүтцийн асуудлыг шийдвэрлэснээр амьдрах орчин нөхцөл нь сайжирчээ.  Эхний удаад 300 орчим өрх энэ жишгээр амьдрах боломжтой болж, дэд бүтэц нь шийдэгдээд байгаа юм. Гэтэл хаяа дэрлэн байрлах Баянхошууныхан байдаггүй. Түлш түлэхээр сайжруулсан түлшний эрэлд гарцгаан, пийшингийнхээ үнс нурмыг буулган, өвлийн бэлтгэл хангаж сууна.  Адилхан л гэр хороололд амьдарч байгаа ч Чингэлтэй дүүргийнхэн нь түрүүлж хөгжиж байна.

Цаашилбал Сонгинохайрхан дүүргийг Хан-Уул дүүрэгтэй жиших юм бол бүр хол хаягдана. Өнөөх авто зам, барилгажуулалтаар гүйцэхээсээ өнгөрсөн. Ижилсэх зүйл нь автомашины түгжрэл болов уу. Гэхдээ л Сонгинохайрхан дүүргийнх илүү. Үдшийн 22.00 цаг өнгөрч байхад ч автомашины түгжрэл нь саараагүй, нэгдүгээр хорооллоос эхлээд Таван шар, Орбит, Толгойт, 21 дүгээр хороолол, Зүүн салаа, Баянхошуу руу чиглэх авто зам битүү  түгжрэл. Өглөө ажил эхлэх үеэр такси баръя гэхэд олдохгүй, автобусандаа сууя гэхэд багталцахгүй хаягдах хүн олон.

Хотын төв рүү ажил, сургууль, цэцэрлэгт хүрэхийн тулд 21 дүгээр хороололд амьдрагчид нийтийн тээврээр зорчих бол 07.00 цагт багтаж суусан байх ёстой.  Хэрвээ дээрх цагт багтаж, автобусанд сууж чадаагүй бол 09.00 цагт ажил, сургуульдаа очиж чадахгүй. Захын дүүрэгт амьдардаг иргэдийн хувьд ч түүнээс эрт цагт багтаж гарах шаардлагатай болно.

Өнгөрсөн хугацаанд тус дүүрэгт орон сууц олноор баригдсантай зэрэгцэн хүн ам олноор нэмэгдсэн ч дагаж авто замыг өргөтгөх, шинээр барих ажил хийгдээгүй нь түгжрэлийг улам нэмэгдүүлэх болсон тухай мэргэжилтнүүд хэлдэг. Гэвч түгжрэлийг сааруулах чиглэлээр наад захын ажил хийгдэхгүй байна. Тухайлбал, 21 дүгээр хороолол, нийслэлийн 67 дугаар сургуулийн орчимд орших авто зам дагуу “Бөмбөгөр” худалдааны төвийн орчимд тавьсны нэгэн адил гүүр байршуулахад автомашинууд саадгүй нэвтрэх боломжтой.  Нийслэлийн төсөв хэлэлцэх үед энэ асуудлаа дэвшүүлээд хэдэн төгрөг суулгачихад л явган хүний гарцтай холбоотойгоор үүсэж байгаа түгжрэлийг сааруулах боломж харагдаж байгаа юм. Гэтэл иргэд нь хүсэлт тавиад хэдэн жил өнгөрөхөд асуудал шийдэгдсэнгүй. Нийслэлийн Иргэдийн төлөөлөгчдийн хуралд Сонгинохайрхан дүүргийг төлөөлөн сонгогдсон гишүүд нь санаачлагагүй, УИХ-д сонгогдсон гишүүд нь мөн “унтаа” юу ч санаж сэддэггүй нь энэ дүүргийг бусдаасаа хөгжлөөр хоцорч, орхигдсон дүүрэг болгов.

Дүүргээс хийж байгаа ажил ч бас нүдэнд үзэгддэггүй. Ядаж л хог новшин дунд үйлчилгээ үзүүлж байгаа хэдэн ТҮЦ-ийг цэвэр орчинд үйл ажиллагаа эрхэл гэдэг шаардлагыг дүүргээс тавьж болно доо, байхгүй. "Драгон" авто вокзал, "Хар хорин" зах гээд түмэн бужигнасан газрын орчин нөхцөл авах юмгүй.  Хог, шороон дунд л амьдарцгааж байна.

Хотын дарга аа, орхигдсон энэ дүүрэгт нэг ажиллаад, амьдралтай нь танилцаад, дарга нарт нь үүрэг чиглэл өгөөд, нэг үзээч…

Г.ХОРОЛ

 

 

Энэ мэдээнд өгөх таны сэтгэгдэл?
8
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-10-02 66.181.185.19

Sandei plazadiin etm-ees mongo avsan huniig alaad mongiin n avsan hereg oroin 10 tsagt garch baisan teriig zuragtaar zarlahguigeer haigaad olsonuu ugui uu medehgui iim asuudald anhaarlaa handuulaach

Avatar

Зочин 2019-10-02 103.229.123.125

СХД ЖИЛ ТОЙРОН БИТҮҮ ШОРОО, ӨМХИЙ ҮНЭР, УТАА, ТООСОНЦОР, ТҮГЖРЭЛ ДУНД ЖИВЖ БАЙНА.

Avatar

зочин 2019-10-02 202.131.245.69

ус, дулаан, цахилгааны шугам солих ажил хийсний дараа буцаагаад хэвэнд нь тохижуулдаг хууль, дүрмээ ягштал баримтлах хэрэгтэй. Таван шар маш цэвэрхэн тав тухтай хороолол байсан. 2000 оноос хойш хийгдсэн шугам солих ажлын дараа бөмбөгдүүлсэн хот шиг л болсон. Эвдсэн эзэн нь тодорхой байна. тэр цахилгаан, дулаан, ус сувгийн, орон сууцны удирдах газрынхан хотод мэдээж тохижилтын мөнгөө шилжүүлсэн байж таарна. иймд хотоос зориуд энэ таван шарыг тохижуулж хуучин хэвэнд нь оруулах хэрэгтэй.

Avatar

Гомдогч 2019-10-02 202.55.191.205

Толгойтын уулзварыг шууд Сонсголонгийн замтай холбосон нүхэн гарч барих, Сутай барилгын материалын захыг төв зам дагуу ил юм зарж, нэгдүгээр эгнээнд түгжрэл үүсгэж байгааг багасгахад л баруун талын замын түгжрэл 40 хувь багасна даа уул нь. Хотын удирдлагуудад сэтгэл алга даа даанч…

Avatar

Зочин 2019-10-02 49.0.212.30

Зөв, СХД хөгжлөөр бүрэн сөнөсөн газар

Avatar

иргэн 2019-10-02 150.129.142.100

Онгорхой цоорхой хоосон газруудаа худалдаж мөнгө болгоод дэд бүтцээ гадагш нь өргөтгөвөл төв рүүгээ сийрэгжинэ дээ.

Avatar

buural 2019-10-02 24.12.0.213

bitgyy kutsssa bi tiiim duureg mdq yum bn, kaana bdgyyyy

Avatar

Зочин 2019-10-02 24.12.0.213

tiim duureg kaana bdgii bas, bitgyyy kuutsaaraai bi tiim duureg mdq!!

Avatar

mgl 2019-10-02 202.9.43.188

zasag darga, tangiin gazar, irgediin tuluulugch geed amisgaa nar baiga biz dee. hen ta nariig tiim novshnuudiig songo gesen yum ve?

Avatar

хотын даргад 2019-10-02 202.131.245.69

яг үнэн. СХд-ийн Засаг дарга, 18-р хорооны Засаг дарга нар ажил хийе гэж огт сэтгэдэггүй, боддоггүй, хийдэггүй НАМын ажил горьдсон хүмүүс гэдэг нь байгаа байдлаар нь нотлогдоно. Хан-Уул Ганхуяг даргын үеэс эрс сайжирсан. СБ, Чингэлтэй дээр үеийн Бүдрагчаа, Нармандах дарга нар нь л юм хийдэг байсан. Баянзүрх бас СХД-ын өрөөсөн дугуй.

Avatar

Зочин 2019-10-02 103.229.121.245

hotiin dargaa avtobus niitiin teevriin changa hogjmyydiig horiglooch.hogjiltei ornuudiin jishgeer hogjimgyii amar taivan yavdag bolgooch.

Avatar

Хохь чинь. Сонгосон сонголтондоо гомд. 2019-10-02 202.126.88.134

Хошногоо өмхий гээд тайрдаггүйгээс хойш одоо яая гэхэв дээ. Сонгосон сонголтондоо гомдоцгоо. Танай дүүргээс дандаа Тэрбишдагва, Гарамжав, Ундармаа, Сүхбат, Учрал гээд дандаа тэрбумтангууд сонгогдсон. Тэд нараасаа гуй. Танай дүүргийг хөгжүүлэх мөнгө бол тэдэнд задгай мөнгө л гэсэн үг.

Avatar

Иргэн 2019-10-02 103.26.194.143

Төмөр замын гарамыг нь дээгүүр доогуур машин явдаг болгохгүй бол түгжрэл буурахгүй дээ. Хар Хорин зах орчим гэж гадаа худалдаа, наймаа хийсэн заваан газар байна. Тоочоод байвал дуусахгүй дээ

Avatar

zochin 2019-10-02 192.82.66.43

zamiin boglorloo shiideech. turiin undsen uureg ni zohicuulah ajil biz dee. zorigtoi ajillahgui bn. bid songoh ajlaa hiisen. ta nar odoo ajlaa hii. boglorliin talaar deer bolson boloogui turshilt hiigeed baidag baisan. odoo bur guluuchjee

Avatar

Зочин 2019-10-02 103.229.120.46

Нээрээ л Я бүсүүд жагсаалтаас гарлаа. Шөнийн 11, 12 гэхэд хэдэн замын цагдаа хацраа түмбэлзүүлээд л дохиод зогсож байна.өглөө 7д автобусанд суугаад ч хичээл сургууль,ажилдаа цагтаа хүрэхгүй ээ.21р хороолол, ханын материалд зам дагуу шороонд хэдэн сандал тавьсан, хүмүүс зөндөө сууж амарч байдаг. Замын шороо, тоосыг нь хаагаад хэдэн мод тарьчихмаар байгаан.

Avatar

иргэн 2019-10-02 139.5.219.41

НААДАХ ЧИНЬ ТЭГЭХГҮЙ ЭЭ.ХАМАГ ЮМАА НАЛАЙХАД Л ГЭЖ УХААН ТАВЬЖ БАЙГАА. ТЭНДЭЭС СОНГОГДОХ ГЭЖ ЗҮҮДЭЛЖ БАЙГАА ХҮН.

NewsMN Гар утасны хувилбар Татах
NEWS.mn

Мэдээллийн эх сурвалж