"Бүтээн байгуулалтын ажлуудыг зогсоох гэсэн явуулга хийж байна" | News.MN

"Бүтээн байгуулалтын ажлуудыг зогсоох гэсэн явуулга хийж байна"

Хуучирсан мэдээ: 2019.10.01-нд нийтлэгдсэн

Live"Бүтээн байгуулалтын ажлуудыг зогсоох гэсэн явуулга хийж байна"

17 : 43
2019-10-1

Х.Баатарбилэг: Бүтээн байгуулалтын ажлуудыг зогсоох гэсэн явуулга хийж байгаа

0360f5f1-a7d7-4985-9bce-83bc319fe85a

УИХ-ын 2019 оны ээлжит бус чуулганы үдээс хойших нэгдсэн хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” УИХ-ын тогтоолын төслийн анхны хэлэлцүүлгийг баталснаар хоёрдох хэлэлцүүлэгт бэлтгүүлэхээр холбогдох байнгын хороонд шилжүүллээ.

Нэгдсэн төсвийн гүйцэтгэлийн тайланд улсын төсвийн 31 ерөнхийлөн захирагчийн 828 төсөвт байгууллага, нийслэл, дүүргүүд болон 21 аймгийн 4439 төсөвт байгууллагад, Ирээдүйн өв сан, Тогтворжуулалтын сан, Нийгмийн даатгалын сан, Эрүүл мэндийн даатгалын сангийн төсвийн гүйцэтгэлийг хамруулжээ. Тогтоолын төсөлд Монгол Улсын 2018 оны төсвийн гүйцэтгэлийн тэнцвэржүүлсэн орлогыг 6.8 их наяд, зарлагыг 7.1 их наяд төгрөг байхаар тусгасныг Сангийн сайд Ч.Хүрэлбаатар тодотгосон.

Мөн онд гадаад худалдааны нийт бараа эргэлт 2018 онд 12.9 тэрбум ам доллар болж, 2017 онынхоос 22.5 хувиар өсчээ. Гадаад худалдааны тэнцэл 1.1 тэрбум ам долларын ашигтай гарчээ.

Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэлж байна.

УИХ-ын гишүүн Д.Оюунхорол:

2018 онд Монгол Улсын эдийн засгийн өсөлт 6,9% хүрч, төлөвлөсөн түвшингээс өссөн дүнтэй гарчээ. Үүнд Засгийн газар, санхүү эдийн засгийн байгууллага сайн ажилласан байна. Энэ өсөлт иргэдийн амьдралд хэрхэн мэдрэгдэх вэ? ААН, Иргэдийн орлого буурсан тухай уулзалтуудад иргэд ярьж байна. Ажлын байрыг нэмэгдүүлэх, хүү багатай, урт хугацаатай зээлийг нэмэгдүүлэх, орлого нэмэгдүүлэх чиглэлд тодорхой ажил хийгдэхгүй байгаа тухай хэлсээр байна. Тендерийн хууль өөрчлөгдсөн. 2018 оны төсвийг харахад эрүүл мэнд, боловсролын салбарын хөрөнгө оруулалт нэлээд их хэмжээгээр татагдсан. Энэ бол Сангийн яам ч биш төсвийн төлөвлөлтөд бид дутуу анхаарсан асуудал байна. Нэгдсэн төсвийг зохиохдоо нийслэлийн асуудлыг дутуу тооцдог. Газар чөлөөлөлт хийгдэх төсвийг тооцохгүй учраас сургууль цэцэрлэгийн бүтээн байгуулалтад саад үүсч, төсөв татагдах эрсдэл байна. Үүнийг хэрхэн засах вэ. Худалдан авах ажиллагааг буруу зохион байгуулсан төрийн албан хаагчидтай хэрхэн хариуцлага тооцох вэ. Хязгаарлалттай дүгнэлт авсан ААН-д гэж гаргадаг. Хариуцлагагүй, илэрхий хууль зөрчсөн ААН-тэй хэрхэн хариуцлага тооцож байна вэ. Сангийн тоог цөөлөх нь зөв.

Улаанбаатар хотын төрийн өмчийн сургууль, цэцэрлэг эрүүл мэндийн салбарын үйлчилгээний ажилтны боловсон хүчний дутагдал асуудал үүсгэж байна. 280 хүүхдийн хоол хийж, 500-600 мянган төгрөгийн цалин авдаг тогооч байхгүй ээ. Энэ чиглэлд анхаараарай.

УИХ-ын гишүүн Л.Болд:

Сүүлийн үед театр, музейн барилыг нурааж шинээр барина гэх боллоо. Энэ бүхэнд хэдэн төгрөгийн төсөв байгаа юм бэ. Үнэхээр дээрх барилгуудыг нураах шаардлага бий болсон юм уу. Түүхийн дурсгалуудаа сөнөөх гээд байгаа юм уу.

БСШУС-ын сайд Х.Баатарбилэг:

МАН-ын 2016-2020 оны мөрийн хөтөлбөрт музей, соёлын барилга, байгууламжуудыг шинээр барьж байгуулах талаар тусгасан. Мөн Засгийн газрын үйл ажиллагааны мөрийн хөтөлбөрт соёл, урлагийн байгууллагуудад үнэлгээ хийж, ашиглалтыг нь шалгаж, музейн хадгалах шаардлагыг нэмэгдүүлж, стандартыг сайжруулж, олон улсын түвшинд хүргэнэ гэж тусгасан. Засгийн газраас “Соён гэгээрүүлэх” аяны хүрээнд соёл, урлагийн байгууллагууд болох ялангуяа томоохон театр, музейн өнөөгийн ашиглалтын байдал, орчин нөхцөл зэргийг судлахаар ажлын хэсэг урт хугацаанд ажилласан. Үндэсний урлагийн их театр байгуулах, байгалийн түүхийн музейг шинээр байгуулах зэрэг бүтээн байгуулалтын ажлууд хийгдэнэ. 1990 оноос хойш нэг ч музей шинээр баригдаагүй. Музейн барилга ашиглалтын шаардлага хангахгүй болсон гэдгийг 2000 оноос хойш мэргэжлийн байгууллагууд нь дүгнэж, орчин нөхцөл нь болохгүй болсон гэдгийг яамд ярьж, хэлсээр ирсэн. Энэ дагуу шалгахад Үндэсний номын сангийн подвалд чийгтэй, галын аюултай маш эмзэг нөхцөлд Монголын төр алдартай, нэн ховор түүх дурсгалын бүтээлүүд хадгалдагдаж байгаа.

Богд хааны музейн мөн подвалд маш эрсдэлтэй нөхцөлд хосгүй үнэт бүтээлүүд хадгалдагдаж байна. Музейн стандартыг орчин үеийн шаардлагад нь нийцүүлсэн барилга барих шаардлага зүй ёсоор тулгарсан. Мөн нурах аюулд тун ойртсон, ан цав үүсч жижигхэн доргилт, байгалийн үзэгдэлд нурах ийм байдалтай байхад төр төрийнхөө үйлчилгээнүүдийг хөрөнгө оруулалтаар засч, сайжруулах үүрэгтэй. Хэрэв дээрх барилга, байгууламжуудад эрсдэл учирвал одоо эсэргүүцэж, хашхирч байгаа хүмүүс хариуцлага хүлээхгүй бүгд зугтана гэдэгт би итгэлтэй байна. Төр мэргэжлийн байгууллагуудын дүгнэлтэд тулгуурлан шийдвэрээ гаргасан. Засгийн газраас хийж буй хөрөнгө оруулалтын ажлуудыг улстөржүүлж бүтээн байгуулалтын ажлуудыг зогсоох гэсэн явуулга хийж байна гэж үзэж байна.

Үүгээр чуулганы хуралдааныг хаалаа.

15 : 39
2019-10-1

"Ирээдүйн өв санд 313 тэрбум төгрөг хуримтлагдсан"

Chuulgan hurelbaatar

УИХ-ын намрын чуулганы үдээс хойших хуралдаан эхэллээ. Хуралдаанаар 2018 оны төсвийн гүйцэтгэлийг батлах тухай УИХ-ын тогтоолын төслийн анхны хэлэлцүүлгийг хийнэ.

Тогтоолын төслийн илтгэлийг Сангийн сайд Ч.Хүрэлбаатар танилцууллаа.

Мөн Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгдсэн тайлангийн талаарх аудитын талаарх дүгнэлтийг Ерөнхий аудитор Д.Занданбат танилцуулав.

Аудитын дүгнэлттэй холбогдуулан гишүүд асуулт асууж байна.

УИХ-ын гишүүн Б.Баттөмөр:

Эдийн засагт эерэг хандлагууд бий болж эхэлсэн.Монгол Улсын төсөв анх удаагаа ашигтай гарлаа. Өнгөрсөн 10 жил төсөв ашигтай гарч байсан бол өнөөгийн эдийн засгийн нөхцөл байдал ахиж, ард түмний амьдрал ахуй тэр хэрээр дээрдэх байсан. Төсвийн тогтворжуулалтын санд 207 тэрбум төгрөг нийлүүлсэн байна. Энэ бүхнийг аваад үзвэл төсвийн гүйцэтгэлийг боломжийн гэж дүгнэхээр байна. Төлбөрийн тэнцэл 141.7 сая ам.долларын алдагдалтай гарсан бол урсгал дансны алдагдал 2.2 тэрбум ам.доллараар нэмэгдэж 2017 оныхоос 91 хувиар нэмэгджээ. Энэ нь банкууд дансны үлдэгдлээ гадагш шилжүүлсэнтэй холбоотой юу. Шалтгааныг нь тодруулмаар байна. Гадаад худалдаа 1.1 тэрбум ам.долларын ашигтай гарч, экспорт 7 тэрбум ам.доллар, импорт 5.9 тэрбум ам.доллар байна. 7 тэрбум ам.доллараас Монголд бодитой орж ирсэн нь хэд юм бэ. Мөн худалдааны бодлогыг талаарх мэдээллийг сонсъё. НӨАТ-ыг улам боловсонгүй болгох чиглэлд юу хийж байна вэ?

Сангийн сайд Ч.Хүрэлбаатар:

2018 оны санхүүгийн гүйцэтгэлээр тогтворжуулалтын сан 110 тэрбум төгрөг, Ирээдүйн өв сангийн хуримтлалд 620 тэрбум төгрөг хуваарилагдсан. Гэхдээ энэ хоёр сангийн аль, аль алдагдалтай байсан учраас өмнө нь хуримтлагдсан өрүүд төлөхөд зарцуулагдсан. Нийтдээ 1.2 их наяд төгрөгийн өр төлж, одоогоос Ирээдүйн өв санд хуримтлал бий болж эхэлсэн. Одоогоор тус санд 313 тэрбум төгрөг хуримтлагдсан. Цаашид нэмнэ. Энэ мөнгийг зарцуулалтыг зохицуулах корпорациа байгуулах учиртай. Сангийн хуримтлалын мөнгийг  2033 оноос зарцуулан гэж үзвэл тэр хүртэл хамгийн эрсдэлгүй газар байршуулж, мөн корпораци менежментийг нь хийнэ гэж төлөвлөвөл 2019 оноос үргүй зардал гарна гэж тооцоолсон. Тийм учраас ирэх төсөвтэй хамтатган холбогдох хуулиудад нь өөрчлөлт оруулж байгаа. Өөрөөр хэлбэл корпораци байгуулах шаардлагагүйгээр сангийн мөнгийг олон улсын үнэт цаас дээр байршуулаад явж байгаа. Хамгийн энгийн хэлбэрээр зохицуулалт хийж болох холбогдох хуулийг өргөн барьсан. Энэ ондоо багтаад сангийн хуримтлалд нэмж 600 тэрбум гаруй төгрөг, ирэх жил 900 тэрбум төгрөгийг нийтдээ 1.5 их наяд төгрөгийг 2021 оны төгсгөлд хуримтлуулна гэж төлөвлөгөөтэй байна. 2018 онд экспортын бараа бүтээгдэхүүний үнэ тооцоолж байснаас харьцангуй сайн байсан. Гадаад худалдааны орлогын зарцуулалт голдуу импортын хэрэгцээг хангах мөн гадаад зээлийн өрийн төлбөрүүдэд зарцуулагдаж байгаа.

УИХ-ын гишүүн Ц.Гарамжав:

"Өнгөрсөн 2018 онд эдийн засаг сүүлийн 4 жилийн хугацаанд 6,9%-ийн өсөлттэй байсан. Мөн инфляц ч зорилтот түвшинд байна. Ажилгүйдлийн түвшин буурч, экспорт нэмэгдсэн байна. 2018 оны Улсын төсвийн хөрөнгө оруулалтаар хийгдсэн ажлыг өмнөх онуудтай харьцуулахад 86,3% байна. Энэ хөрөнгө оруулалтын ажлууд нь аль салбар давамгайлсан бэ? Сүүлийн 4 жилд нийгэм, ард иргэдэд нэн чухал ямар хөрөнгө оруулалт хийгдсэн бэ?

Цэвэрлэх байгууламжийн хөрөнгө оруулалт, ажлын явц ямар байна вэ? Нефть боловсруулах үйлдвэрийн хөрөнгө оруулалт Энэтхэгийн зээлээр хийгдэж байгаа. Энэ зээл нийт зээлийн аль ангилалд хамаарч байна вэ? Эдгээр томоохон төслүүдийн явцын хяналт хэрхэн хийгдэж байгаа вэ? Олон улсын экспертийн байгууллага хянаж байна уу? Томоохон бүтээн байгуулалтын ажлын явцын хяналт маш чухал юм. Үүнийг анхаараарай. Одоогоор хэчнээн сан байгаа вэ? сангуудын үр өгөөж ямар байна вэ. Сангаас зээл авахыг хүссэн иргэд олон байна. Зээл олгох хүнд суртал арилсан уу? Сангийн яам хяналт тавьж байна уу.Тэтгэврийн зээлийн хүүг бууруулсан. Гэтэл зарим газар үйлчилгээний хүү буурахгүй байна гэж иргэд хэлээд байна. Энэ ямар учиртай вэ.

Сангийн сайд Ч.Хүрэлбаатар:

Хөрөнгө оруулалтын гүйцэтгэл 84.9 хувьтай байгаа. Үүнээс концессын гүйцэтгэл 95 хувьтай байна. Төсөв батлахдаа 100 хувийн гүйцэтгэлтэй гэдэг. Газартай холбоотой, тендертэй холбоотой уддаг асуудал гардаг. Хуульд өөрчлөлт оруулсан. Хөрөнгө оруулалтад Барилгын хөгжлийн газар хяналт тавьдаг. Засгийн газрын тусгай 29 санд шалгалт явуулсан. Нэлээд зөрчил гарсан. 29 сангаа 22 болгож цөөрүүлэх, үйл ажиллагааг нь нээлттэй болгох зорилгоор төсөвтэй хамт хуулийн төсөл өргөн мэдүүлсэн байгаа. Тусгай сангуудаа цөөлж, ил тод болгоно. 

УИХ-ын гишүүн Ж.Бат-Эрдэнэ:

Гол нь бид төсвийн гүйцэтгэлд дүгнэлт хийх нь чухал. Аудитын байгууллагаас гаргасан дүгнэлттэй танилцлаа. Эндээс анхаарах хэд хэдэн зүйл байна. Ялангуяа төсвийн байгууллагуудад гарсан алдаанууд, аудитын шалгалтаар хязгаарлагдмал дүн авсан дөрвөн ч байгууллага байна. Эдгээр байгууллагууд, албан тушаалтнууд, төрийн албан хаагчдын сахилга бат, тэдний боловсрол мэдлэг, чадварт нь цаашид анхаарах шаардлагатай байна. Хоёрдугаарт, төлөвлөлтийн асуудалд бид жил болгон алддаг. Гүйцэтгэл, төлөвлөлт хоёр нь байнга зөрдөг. Энэ тал дээр гоц анхаарах хэрэгтэй. 2018 оны гүйцэтгэл сүүлийн 10 гаруй жил байгаагүй амжилтыг үзүүлж, 27 тэрбум төгрөгийн ашигтай гарсанд Сангийн сайд болон Засгийн газрын гавьяа. Санхүүгийн сахилга батаа сайжруулж чадсаных. Гэхдээ хөрөнгө оруулалтын гүйцэтгэлд мөн анхаарах шаардлагатай. Тендерийг орон нутагт шилжүүлэх нь зөв үү. ТӨБЗГ-ын, яамдуудад хийгдэж байгаа тендерийн гүйцэтгэлүүдийн тоо баримтуудыг хэлж өгөөч. Өнөөг хүртэл зарим газарт тендер нь зарлагдаагүй байгаа. Энэ нь нэг талдаа зохион байгуулалтын алдаа, нөгөө талдаа боловсон хүчний алдаа байгаа шүү. Ядуурал нэг хувиар буурсан. Ядуурлын бууруулахад ажлын байр л чухал. Үүнд ямар ахицууд гарсан бэ.

Сангийн сайд Ч.Хүрэлбаатар:

Орон нутагт тендерийг шилжүүлсэн нь зөв гэж харж байгаа. Яагаад гэвэл өдийд хөрөнгө оруулалтын гүйцэтгэлийн ажил 20-30 хувьтай байдаг байсан бол долоо хоногийн өмнөх мэдээллээр улсын төсвийн хөрөнгө оруулалтын гүйцэтгэл 30 гаруй хувьтай, нийлбэр дүнгээр 38.5 хувьтай байна. 40 хувьтай байна гэдэг бол өмнөх жилүүдтэй харьцуулахад сайн үзүүлэлт. Хэрэв бүх тендерийг нийслэлд зохион байгуулсан бол 2019 онд тавигдсан энэ их хөрөнгө оруулалтын ажлуудын тендертэй нь зууралдсаар байгаад л дуусах байсан болов уу. Ядуурлыг бууруулах чиглэлд үндсэндээ аялал жуулчлал, хүнс, хөдөө аж ахуйн чиглэлд анхаарах шаардлагатай. 2018 онд төсвийн орлого бүх сум, аймаг, бүх салбарт давж биелсэн. Нийтдээ  11 мянга 127 ААН-ээр татвар төлөгчдийн тоо нэмэгдсэн. Мөн ашигтай ажилласан ААН 9182 болсон нь эдийн засгийн идэвхжиж, ААН-үүд ашигтай ажиллах хэрээр татварт төлөлт нэмэгдсэн. Мөн өмнөх жилүүдэд хуримтлагдсан татварын өрүүдээ ААН-үүд төлсөн. 166 тэрбум төгрөгийн татварын өр төлөгдсөн. Эдийн засгийн өсөлт ажлын байр нэмэгдүүлж байна.

Энэ мэдээнд өгөх таны сэтгэгдэл?
1
ЗөвЗөв
1
ХахаХаха
1
ХарамсалтайХарамсалтай
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

446666 2019-10-01 49.0.137.6

МАНгарын сайдууд МАНгасууд болсон. Жишээ нь "Хотгор шанага" хочит сангийн сайдтай, "10 хувь " хочит Эрчим хүчний сайдтай гээд бодохоор л аймаар шүү, бас " 14 тэрбум" аар каинодсон Ерөнхий сайд, Их хурлын даргатай, 17 чингэлэг спиртын Ерөнхийлөгчтэй.

Avatar

Зочин 2019-10-01 202.179.26.171

HEN TEGHEW DEE. OOROO CHADAHGUI BGAMU

Avatar

Зочин 2019-10-01 202.131.233.214

MAN-garuudiig dahij songohgui, Bas AN-usiig ch gesen songohgui ee. Odoo uur huchin songono

Avatar

Зочин 2019-10-01 139.5.216.103

ХОТЫН ХҮНЭЭР НЭГДЛИЙН ДАРГА ХИЙЛГЭЭД ҮЗЭЭЧ. ЯМАР ХУГАЦААНД ЯАЖ ДАМПУУЛАХ НЬ УУ ТӨСӨӨЛӨӨЧ.

Avatar

Зочин 2019-10-01 139.5.216.103

ХӨДӨӨНИЙ НӨХӨД МЭДЭХГҮЙ ЮМААРАА ХАМААГҮЙ БИТГИЙ ОРОЛД.ЗАСАЖ САЙЖРУУЛАХ НЬ ЗӨВӨӨ.ЮУГ ЯАЖ ГЭДГЭЭ МЭДДЭГ ХҮМҮҮСЭЭС НЬ АСУУ.ЭНЭ ХОТОД ОЛОН СЭХЭЭТЭН БИЙ.БААТАРБИЛЭГЭЭ МИНИЙ ЦЭЦЭРЛЭГ ХОТООРОО САЙН МЭДНЭ ШҮҮ ДЭЭ.

Avatar

Зочин 2019-10-01 66.181.181.144

4 ЖИЛИЙН НАСТАЙ ЗАСАГ ОЛОН САН БАЙГУУЛААД ХЭРЭГГҮЙ БАЙХОО ИДЭЖ УУХЫН ЭХ ҮҮСВЭР ШҮҮ ДЭЭ

Avatar

Зочин 2019-10-01 205.155.65.226

Жижин дунд үйлдвэрээ дэмжээч ээ. Барилга байшин чинь хөрөнгө бий болнохгүй шүү дээ. Хэдэн жилийн дараа засвар үйлчилгээ гээд үнэ нь талийж өгнө шүү дээ. Жижиш дунд үйлдвэрлэл чинь баялаг бүтээнэ аяандаа барилгаа өөрсдөө барина шүү дээ

Avatar

Зочин 2019-10-01 103.212.119.121

Uran barilga geheer deedsiin yum baih estoim bish niitiin oron suuts hurtel

Avatar

Uvsiinhan 2019-10-01 66.181.182.162

B.Battumur gej neg nydendee davhraa hiilgej arisaa tatuulsan dyrced uvgun,Tes petroliumiin ezen guai boli doo

Avatar

зочин 2019-10-01 66.181.161.23

Ай мэдэхгүй … Миний хэтэвч улам л нимгэрээд байх юм ….Приусээ ч унаж хүчрэхгүй л болоод байна шүү …

Avatar

Зочин 2019-10-01 107.181.177.131

Байгалийн түүхийн музейн барилгаа янзлаад байгалийн түүхийн музей болго. Харин Динозаврын музейгээ их тэнгэрийн амандаа барь. Юун Чингисийн музей вэ. Монгол улсад Чингис хаантай холбоотой олдвор тун цөөхөн. Алтан ургын хаадын хөрөг Тайваны музейд байна, Алтан ордны хаадын олвдор Эрмитажд байна. Хэдэн дээл, шар тостой ваарнаас өөр юу байна. Хархорины музей гэж байгаа биздээ.

Avatar

Зочин 2019-10-01 107.181.177.131

Чингисийн музейгээ цэргүүдээр бариулах уу хаха

Avatar

нийслэл хүү 2019-10-01 202.21.108.201

шинэ газар л барина биздээ энэ тэнэг хулгайчууд нийслэл хотыг минь түүх дурсгалгүй болгох санаатай бол АЛАН ШҮҮ!!!!

Avatar

Даанч дээ 2019-10-01 103.57.93.220

Энэ ардын намынхан нээрээ яачихсан юм вэ. Байшин байхад засаж өөд татаж ч чадахгүй сэтгэлгүй дургүйд хүчгүйн илрэл. Идэх уух өнцгийг eрөөс андахгүй. Дарга очоод ажлыг өөд татдаг байсан бол одоо дарга очоод нурааж үгүйрүүлж сүйрүүлж тэгээд эзэн нь үнэгүйдсэн юмыг нь зүгээр л авчихна. Энэ барилгууд хүний хэл мэддэг хөл гартайсан бол аль хэдийн сарруу ч юмуу зугтаах байсан даа. Даанч

Avatar

И.Норовжав 2019-10-01 59.153.115.44

шаварлага нь ховорч хөндийрсэн байхад ашиглагч байгууллага нь түүнийг үтэр түргэн засдаг үүрэг хүлээдэггүй хачин тогтолцоо тогтоод удаж байна . Ийм байдлаар 30 -40 жил болсон барилга бүрийг нураагаад байвал асар их хохиролтой , түүхийн олон барилгагүй болох ойрхон байна. Төрийн өмчийн хороо, барилгын яамнаас Барилгын ашиглалтын дүрэм , их засвар , урсгал засвар үйлчилгээний журам, нормыг тогтоох арга хэмжээ авах цаг болжээ.

Avatar

И.Норовжав 2019-10-01 59.153.115.44

Барилгын ашиглалтын хугацааг дууссныг ямар аргаар , ямар хэмжих хэрэгслэлээр туршин шалгаж тогтоож байдаг юм бол . Байшингийн шавардлага , хагарч нурсан зэргийг хараад ийм дүгнэлт гаргаж хэрхэвч болохгүй ,зүйл юм. Дээр үед барилгын урсгал засвараар юуг хийх их засвараар юуг хийж засварлах тухай норм хэмжээг тогтоодог журам байдгийг одоо мэддэг хүн алга болжээ. Барилга бүрд жил тутам хийдэг засвар үйлчилгээг хийдэггүйгээс бороо , цасны ус нэвжидэг , барилгын дээвэр дээр өвс шарилгаж ургадаг

Avatar

И.Норовжав 2019-10-01 59.153.115.44

сүүлийн жилүүдэд үл хөдлөх хөрөнгө буюу хуучин барилгын ашиглагдах хугацаа дууссан нурааж оронд нь шинэ барилга барих шаарлагатай болсон тухай их ярих болжээ.Барилга байгууламжийн ашиглагдах хугацаа гэдэг нь хөрөнгө оруулалт их засварын хөрөнгийг бүрдүүлэхийн тулд хугацааг тогтоон түүний дагуу их засварын фондыг байгуулдаг юм. үе үе дахин үнэлгээ хийж дахин хугацааг тогтоодог журамтай билээ, Мэргэжлийн хяналтын газрынхан барилгын ашиглалтын хугацаа дууссан гэдэг шийдвэрийг их гаргадаг болжээ

Avatar

иргэн 2019-10-01 103.26.193.249

Талбай дээр хийгээд байдаг өдөрлөг бол шоудсан ажил шиг санагддаг. Тэр хавиар байдаг улсууд л үздэг хардаг байх.

Avatar

зочин 2019-10-01 103.26.193.249

МАН, МАХН өөрчлөлт шинэчлэлийг нэг их хийж чадахгүй. Шинэчлэл хийхэд осолтой л доо. АН бол хийх гээд байдаг.

Avatar

2020 2019-10-01 64.119.21.25

2020 он хурдан болж МАНгарууд зайлаасай. Худлаа хуцахаас нь үнэхээр залхаж байна шүү

Avatar

МАН гас болоо юу 2019-10-01 103.57.93.220

МАН гарууд мангарууд биш юмаа МАН гасууд болсон аятай. 60 тэрбумын мангасууд ждү ш****г мангасууд барилга байшин газар залгидаг мангасууд концэсс хармаалдаг мангасууд авлигын нцэг эхчүүд болсон авлигын мөнгийг оймсолдог гуталддаг малгайлддаг пааранд шургуулдаг Эрдэнэтийн 51 ийг шуусан мангасууд гээд хөвөрч өгөх болтой

Avatar

Зочин 2019-10-01 66.181.181.74

МАН-ынхан попрох шоудахаа больж хөрсөн дээрээ буугаачээ

Avatar

Зочин 2019-10-01 64.119.24.117

МАН -ЫХААН ХУРЭЛБААТАР АА ОДОО БОЛЬЖ УЗ. 2 ИХ НАЯДЫН АЛДАГДАЛТАЙ ТОСОВ БАТЛААД 1.8 ИХ НАЯДЫН АЛДАГДАЛТАЙ ГАРАНГУУТ 2О7 ТЭРБУМЫН ТОСОВ АШИГТАЙ ГАРЛАА ГЭЖ ШОУДАХАА БОЛИОЧ. НААД ХУДЛАА ЯРИА АРД ТУМНИЙГ ТЭНЭГ ГЭДЭГ СЭТГЭХУЙГ ЧИНЬ ТЭНЭГУУД ЧИНЬ ЗАХААСАА ОЙЛГОДОГ БОЛСОН ШУУ

Avatar

Зочин 2019-10-01 202.179.31.19

үнэн болов уу МАН -д итгэхгүй байна Дандаа худлаа мэдээлэл цацаж, худлаа статистак тоо хэлдэг МАН хан иргэдийн толгойг угаахдаа гаршсан шүү

NewsMN Гар утасны хувилбар Татах
NEWS.mn

Мэдээллийн эх сурвалж