Онгоцоор олон цаг нисэхэд хажууд нялх хүүхэд уйлж, сахилгагүйтэх нь маш олон хүнийг бухимдуулдаг. Японы “Japan Airlines”, “All Nippon Airways” зэрэг компаниуд нялх хүүхэдтэй зорчигч хаана суух гэж байгааг урьдчилан харуулж, суудлаа сонгох боломжтой онлайн систем нэвтрүүлжээ.

Энэхүү систем нь тийз захиалж буй зорчигчид найм хоногтойгоос хоёр хүртэлх насны хүүхэдтэй хүн сууж буй суудлыг хүүхдийн дүрстэй тэмдэглэгээгээр ялган харуулах юм. Гэхдээ суудал захиалахдаа гуравдагч этгээдээр дамжуулсан бол, олуулаа нэгдсэн журмаар суудал захиалсан бол нислэгийн цагийг тулгаж суудал өөрчлөгдсөн бол энэ тэмдэглэгээ харагдахгүйг анхааруулжээ.

Эх сурвалж: CNN