Саудын Арабын хүсэлтээр АНУ тус улсад зенит-пуужингийн “Patriot” цогцолборын батарей, дөрвөн радар байрлуулж, тэдгээрийг ажиллуулах 200 цэргийн албан хаагчийг илгээхээр болжээ.

АНУ-ын Батлан хамгаалахын яамны албан ёсны төлөөлөгч Жонатан Хоффман “Энэ нь Саудын Арабын агаарын болон пуужингийн довтолгооноос хамгаалах чадамжийг нэмэгдүүлэхэд чиглэгдэж байгаа бөгөөд Ойрхи дорнод дахь АНУ-ын зэвсэгт хүчний аюулгүй байдлыг бэхжүүлэх юм” хэмээн мэдэгдсэн байна.

АНУ-ын Батлан хамгаалахын сайд Марк Эспер Саудын Араб руу нэмж хоёр “Patriot” цогцолборын батарей, пуужингаас хамгаалах “THAAD” систем илгээхийг дэмжсэн ч эцсийн шийд гараагүй байгаа аж.

Б.ЖАРГАЛ
Эх сурвалж: CNN