Нийслэл хотод сүүлийн үед үргэлжлэн орж буй борооны улмаас Сүхбаатар дүүргийн гэр хорооллын зарим гудамжууд үерт автах эрсдэлтэй байгаа.

Иймд дүүргийн Онцгой комисс, ажил хариуцсан мэргэжилтнүүд байнгын бэлэн байдалд ажиллаж, дээрх гудамжуудад шуурхай арга хэмжээ аван Засаг даргын нөөцөөс хөрөнгийг нь шийдвэрлэн хуучин далан суваг, шуудууг сэргээн засварлах, цэвэрлэх, шинээр ухах, тогтсон усыг соруулж, цаг агаарын урьдчилан сэргийлэх, үер усны аюулын үед хэрхэн ажиллах тухай мэдээллийг тогтмол хүргэж байна.

Тухайлбал: 13 хороо Рашааны 11, 12 дугаар гудамж, 15 дугаар хорооны Дамбадаржаагийн 83, 84 дүгээр гудамж, 17 дугаар хорооны 52, 53 гудамжуудад үерийн усыг зайлуулах, хамгаалах ажлууд хийгдлээ.

СҮХБААТАР ДҮҮРГИЙН ЗАСАГ ДАРГЫН ТАМГЫН ГАЗАР