Б.Сэр-Од тэргүүтэй 4 тамирчин дэлхийн аваргад оролцож байна | News.MN

Б.Сэр-Од тэргүүтэй 4 тамирчин дэлхийн аваргад оролцож байна

Б.Сэр-Од тэргүүтэй 4 тамирчин дэлхийн аваргад оролцож байна

Б.Сэр-Од тэргүүтэй 4 тамирчин дэлхийн аваргад оролцож байна

Дэлхийн спортын хатан хаан гэгддэг хөнгөн атлетикийн 2019 оны дэлхийн аварга шалгаруулах тэмцээн өнөөдөр (2019.09.27) Катар улсын Доха хотноо эхэлж байна. 17 дахь удаагаа зохион байгуулагдаж буй хөнгөн атлетикийн ДАШТ энэ сарын 27-ны өдрөөс ирэх аравдугаар сарын 6-ны өдрүүдэд болох бөгөөд 209 орны баг, тамирчид оролцоно.

Монгол Улсаас марафон гүйлтийн төрөлд МУГТ, 2013 оны ААШТ-ий алтан медальт Б.Сэр-Од, Ц.Бямбажав, Б.Мөнхзаяа болон Г.Хишигсайхан нарын тамирчид дасгалжуулагч Б.Доржпалам, О.Оюунтуяа нарын удирдлага дор оролцож байна.

МУГТ Б.Сэр-Одын хувьд 9 дэх дэлхийн аваргадаа оролцож байгаа бөгөөд 2011 оны дэлхийн аваргад 20-р байранд шалгарч байсан. Түүний хувийн дээд амжилт нь 2 цаг 08 мин 50 сек байдаг юм. Энэ бол олимп, дэлхийн аваргуудын үзүүлдэг амжилттай дүйнэ.

Дэлхийн аваргын эмэгтэй марафон төрлийн уралдаан өнөөдөр буюу тэмцээний эхний өдөр болно. Энэ өдөр манай улсаас Б.Мөнхзаяа, Г.Хишигсайхан нар уралдах бол эрэгтэй марафоны тамирчид 29-ний ням гарагт уралдана.

Б.БЯМБАБАЯР

Энэ мэдээнд өгөх таны сэтгэгдэл?
9
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

болдоо 2019-09-27 202.126.89.200

залуустаа амжилт хүсье ….

NewsMN Гар утасны хувилбар Татах
NEWS.mn

Мэдээллийн эх сурвалж