ОХУ-ын Онцгой байдлын яамны Хямралын удирдлага, зарлан мэдээлэх үндэсний төвийн төлөөлөгчид ОБЕГ-ын Гамшгийн шуурхай удирдлага, зарлан мэдээллийн төвд энэ сарын 24-28-ны өдрүүдэд айлчлал хийж байна.

Айлчлалын хүрээнд Гамшгийн шуурхай удирдлага, зарлан мэдээллийн төвийн үйл ажиллагаатай танилцаж, ОХУ-ын Чита муж, Буриад, Тува улсын Шуурхай удирдлага, зарлан мэдээллийн төвтэй шууд холбогдон цахим уулзалтыг зохион байгууллаа.

Энэ үеэр хоёр орны шуурхай удирдлагын төвүүдийг хооронд нь холбож, улсын хил дагуух хотуудын гамшгийн мэдээ, мэдээллийг богино хугацаанд солилцох, хариу арга хэмжээ авах боломжтойг онцолсон юм гэж Онцгой байдлын ерөнхий газраас мэдээллээ.