Сэлэнгэ аймгийн Онцгой байдлын газрын  хамт олон  “Нэг сар-нэг бүтээлч ажил” аяныг  өрнүүлж, албаны бэлтгэл бэлэн байдлыг хангах, алба хаагчдын үүрэг гүйцэтгэх, бэлтгэл, дадлага сургуулилтын орчин нөхцлийг сайжруулахад онцгой анхаарч,  60 гаруй төрлийн бүтээлч ажлуудыг үе шаттайгаар хийж гүйцэтгэж байна.

Тухайлбал, алба хаагчдын өрөө, тасалгаа, хурлын болон сургалтын танхим, “Шуурхай удирдлага, зарлан мэдээллэх төв”, автомашины тавиулан, байгууллагын гадна хашааг шинэчлэн засварлаж, тохижууллаа.

Мөн алба хаагчдын мэргэжлийн ур чадварыг нэмэгдүүлэх, эрүүл мэндийг дэмжих зорилгоор “Усны сургалтын бааз”, амралт сувиллын газрууд болон байгууллагын гадна ногоон орчныг нэмэгдүүлэх, хашаа хайс болон автомашины граж, хүнсний ногооны зоорь шинээр барих зэрэг ажлуудыг эхлүүлээд байгаа юм.

Дээрх бүтээн байгуулалт, тохижилтын ажлуудыг  алба хаагчид өөрсдийн хүч, дотоод нөөц бололцоонд тулгуурлан гүйцэтгэж байна гэж Сэлэнгэ аймгийн Онцгой байдлын газраас мэдээллээ.