“Босоо хөх монгол” ТББ-ын тэргүүн Г.Ганхуягийг өчигдөр /2019.09.25/ Увс аймгийн нутаг дэвсгэрээс дайчлан баривчилжээ. Тодруулбал, түүнийг трансжендер иргэдтэй холбоотой асуудлын талаар сошиалд бичиж, тэдний эрхэнд халдсан гэх үндэслэлээр 30 хоног цагдан хорих шүүхийн шийдвэр гарсан юм байна. Энэ дагуу ЦЕГ-ын хэвлэл мэдээллийн төвөөс тодруулахад “Г.Ганхуягийг баривчилсан нь үнэн” гэсэн мэдээллийг өглөө.

Сануулахад, олон нийтийн сүлжээнд "Босоо хөх монгол" бүлгэм трансжендер иргэдийг айлган, дарамталсан, биеэ үнэлж байхад нь баривчилсан гэх зураг, мэдээллийг тараагаад байсан билээ. Тэгвэл энэхүү хэргийг ЦЕГ шалгаж эхэлсэн тухай ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү 2019 оны есдүгээр сарын 9-ны өдөр мэдээлж байжээ.

Э.АРИУН