Б.Даваасүрэн аваргын төлөө барилдана

Хуучирсан мэдээ: 2010.07.23-нд нийтлэгдсэн

Б.Даваасүрэн аваргын төлөө барилдана

Б.Даваасүрэн аваргын төлөө барилдана
Унгарын нийслэл Будапешт хотноо бөхийн чөлөөт барилдааны залуучуудын дэлхийн аварга шалгаруулах тэмцээний эмэгтэйчүүдийн 48 кг-ын жинд хүч сорьж буй манай тамирчин Б.Даваасүрэн аваргын төлөө барилдах эрхтэй болжээ. Дэлхийн аварга шалгаруулах тэмцээн өнгөрөгч мягмар гаригт эхэлсэн бөгөөд өнөөдөр тэмцээний хуваарийн дагуу эмэгтэйчүүдийн чөлөөт бөхийн 48, 55, 63 болон 72 кг-ын жингийн барилдаан болж байгаа юм.

Эх орноо төлөөлөн дэлхийн аваргын дэвжээнд зодоглосон Б.Даваасүрэн эхний тойрогтоо хийлж, улмаар хэсгийн барилдаанууддаа Болгар, Беларуссийн тамирчдыг илт давуу илүүрхэн буулган авснаар хэсгийн аваргын төлөө ОХУ-ын бөх Татьяна Самковатай хүч тэнцүүхэн өрсөлдөж, ялалт байгуулснаар дэлхийн аваргын алтан медалийн төлөө өрсөлдөх эрхтэй болжээ. Харин манай тамирчны өрсөлдөгч нь АНУ-ын бөх Виктория Энтони байх юм.

Мөн өнөөдөр Унгарын дэвжээнд гарч барилдсан манай бусад гурван тамирчны тухайд 55 кг-ын жинд Б.Номин-Эрдэнэ Тайланд, Польшийн тамирчдыг дараалан ялсан ч Испанийн бөхөд ялагдсанаар тэмцээнээ дуусгасан бол Ш.Түмэнцэцэг /63 кг/, Б.Наранчимэг /72 кг/ нар эхний барилдаандаа ялагдсанаар энэ удаагийн дэлхийн аваргыг орхисон юм.

Дашрамд сануулахад, медалийн төлөөх барилдаанууд Монголын цагаар 00.30 цагаас эхэлнэ.

С.ЦЭЛМЭГ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж