Авлигатай тэмцэх газраас “Эрдэнэс Монгол” ХХК дэд захирал С.Эрдэнэбулганыг авлига авсан гэх асуудлаар саатуулжээ. Эх сурвалжийн мэдээлж буйгаар, АТГ-аас өчигдөр /2019.09.25/ орой гүйцэтгэх ажиллагаа явуулж, нэр бүхий албан тушаалтаныг албан өрөөнд нэгжлэг хийж, саатуулсан аж. Саатуулагдсан албан тушаалтан нь “Эрдэнэс Монгол ” компанийн тэргүүн дэд захирал С.Эрдэнэбулган бөгөөд түүнийг ШШГЕГ-ын харьяа Урьдчилан хорих 461-р ангид саатуулаад байгаа аж. Тэрбээр 2016 онд уг албан тушаалд томилогдон ажилласан нэгэн юм.
СУМЪЯАГИЙН ЭРДЭНЭБУЛГАН
Боловсрол:
- 1983-1993 он 10 жилийн 69-р дунд сургууль
- 1994-1999 он Техникийн Их Сургуулийн Барилгын их сургууль, Барилгын инженер
- 2007-2009 он Удирдлагын академи, Бизнесийн удирдлага
Мэргэшил:
- 2008 он ССХОБЗА, Чанарын удирдлагын тогтолцоо
- 2009 он БХТ, Мэргэшсэн инженер
- 2010 он ССХОБЗА, Барилга байгууламжийн захиалагч инженер
- Ажлын туршлага:
- 2006-2010 он БЗААлба, Инженер,
- 2010-2012 он ССХОБЗАлба, Хэлтсийн дарга, инженер
- 2012-2013 он БХТөв, Хэлтсийн дарга
- 2016- оноос “Эрдэнэс Монгол” ХХК Тэргүүн Дэд захирал
Ш.ЧИМЭГ