М.Анхцэцэг дэлхийн аваргын хошой хүрэл медальтан болов | News.MN

М.Анхцэцэг дэлхийн аваргын хошой хүрэл медальтан болов

Хуучирсан мэдээ: 2019.09.26-нд нийтлэгдсэн

М.Анхцэцэг дэлхийн аваргын хошой хүрэл медальтан болов

М.Анхцэцэг дэлхийн аваргын хошой хүрэл медальтан болов

Тайланд улсын Паттаяа хотноо болж буй 2019 оны хүндийн өргөлтийн дэлхийн аварга шалгаруулах тэмцээнээс ОУХМ Мөнхжанцангийн Анхцэцэг эмэгтэйчүүдийн 81 кг-н жинд өрсөлдөж, огцом өргөлтийн төрөлд хүрэл медаль хүртлээ. Ингэснээр ОУХМ М.Анхцэцэг дэлхийн аварга шалгаруулах тэмцээнээс хошой хүрэл медаль хүртэв.

Жиндээ В группт багтсан ОУХМ М.Анхцэцэг огцом өргөлтөөр 110 кг өргөхдөө Монгол улсынхаа рекордыг шинэчлээд зогсохгүй тус төрөлдөө хүрэл медалийн болзол хангасан юм. Огцом өргөлтийн төрөлд БНСУ-ын тамирчин Ли Жи-Ен 111 кг өргөж, алтан медаль хүртсэн бол мөн БНСУ-ын тамирчин Ким Су-хён 111 кг өргөсөн амжилтаар мөнгөн медаль хүртжээ.

Харин энэ жинд нийлбэр дүнгээр Бээжингийн олимпийн мөнгөн медальт, 2017 оны дэлхийн аваргын алтан медальт Колумби улсын тамирчин Л.Солис 247 өргөж, алтан медаль, АНУ-ын тамирчин Ж.Артур 245 кг өргөж, мөнгө, Испаний Л.Валентин 246 кг өргөснөөр хүрэл медаль хүртжээ. Манай тамирчин М.Анхцэцэгийн хувьд огцом өргөлтөөр 110 кг өргөсөн бол түлхэлттэй өргөлтөөр 127 кг, нийлбэр дүнгээр 237 кг-г өргөж жиндээ 8-р байранд оржээ.

Дэлхийн аваргын хошой хүрэл медальт М.Анхцэцэгийн хувьд 2017 оны ДАШТ-д мөн огцом өргөлтөөр хүрэл медаль хүртэж, Монгол Улсын анхны хүндийн өргөлтийн дэлхийн аваргын медальтан болж байснаас гадна 2016 оны Залуучуудын ДАШТ болон ААШТ-д түрүүлсэн анхдагч Монгол туйванч болж байсан юм. Тэрээр өнгөрсөн жил ээж болоод анхны үрээ өлгийдөн аваад байсан ОУХМ М.Анхцэцэг гурван сарын дараа энэ 2019 оны  гурадугаар сард их спортдоо эргэн ирсэн.

Б.БЯМБАБАЯР

Энэ мэдээнд өгөх таны сэтгэгдэл?
14
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-09-26 202.55.188.36

Монтоко бол монтоко шүү дээ.

Avatar

Зочин 2019-09-26 203.91.115.45

Олимпоос медаль хүртэж Монголынхоо төрийн дууллыг эгшиглүүлж ард олон биднийгээ баярлуулна байх гэж харж байгаа шүү

Avatar

Zochin 2019-09-26 202.21.112.37

Зөвхөн огцомоор өргөлтөөр медал хүртсэн байна. Нийлбэрээр /огцом, түлхэлт/ бол сураггүй юм билээ. Олимпийн наадамд зөвхөн нийлбэрээр медал гардуулдаг шүү. Ялгаж салгаж бичиж бай сэтгүүлчээ.

Avatar

s 2019-09-26 103.26.194.41

Saihan buhnii deediig husie. Tur hundetgel uzuuleh biz ee gej naidnam.

Avatar

Н 2019-09-26 203.91.112.162

Үнэхээр мундаг тамирчин юм, сайхан ч эмэгтэй юм.

Avatar

Зочин 2019-09-26 202.131.227.114

Энэ охин хүндйин өргөлтөөр Монголын нэрийг дэлхийд гаргаж явна. Одоо гавъяат өгөх хэрэгтэй. Эрчүүдийн үзүүлээгүй амжилтыг энэ охин үзүүлж байна. Бахархаж байна. Гайхалтай.

Avatar

ЗОЧИН 2019-09-26 202.21.126.30

ЭНЭ ТАМИРЧИН ГАВЪЯАТЫН БОЛЗОЛ ХАНГАЖЭЭ. МӨН ЧӨЛӨӨТИЙН ШООВДОР БАС ХАНГАЖ. БАТАЛГА МИНЬ ОНЫ СҮҮЛЭЭР ГАРГАХ ЗАРЛИГААРАА ӨГӨЧ ҮЗЭЭРЭЙ.

Avatar

Зочин 2019-09-26 202.179.2.250

Мундаг охин. Олимдийн медальтан болоорой.

Avatar

Зочин 2019-09-26 202.21.112.37

Олимпийн наадамд зөвхөн нийлбэрээр медал олгодог /огцом+түлхэлттэй/. Дэлхийн аваргад зөвхөн огцомоор медал аваад байгаа буюу нийлбэрээр сураггүй юм билээ. Энийг ялгаж, салгаж бичмээр юм. Чанарын хувьд асар их ялгаатай медал шүү мэддэг хүмүүст.

Avatar

Зүс таних 2019-09-26 202.131.244.210

Атаархаж явдаг бололтой чамд амжилт хүсье. Харамсалтай нь чи сураггүй хэн ч биш юмдаа.

NewsMN Гар утасны хувилбар Татах
NEWS.mn

Мэдээллийн эх сурвалж