АНУ-ын ерөнхийлөгч Дональд Трамп Хойд Солонгосын удирдагч Ким Жон Ун нар дахин уулзаж, зогсонги байдалд ороод байсан цөмийн хөтөлбөрийн талаарх яриа хэлэлцээгээ үргэлжлүүлж магадгүй талаар хэвлэлүүд мэдээлжээ. Тэдний яриа хэлэлцээр зургадугаар сард хоёр Солонгосын зэвсэггүй бүсэд болсон уулзалтаас хойш мухардалд ороод байгаа юм.

Дональд Трамп Хойд Солонгосыг цөмийн зэвсгээс бүр мөсөн ангижруулахыг эрмэлзэж байгаа бол Ким Жон Ун эдийн засгийн хоригуудыг цуцлуулахыг хүсч байгаа билээ. АНУ-д анхааруулга өгөх зорилгоор хэд хэдэн удаа пуужин харвасан ч АНУ-ын зүгээс үүнд ач холбогдол өгөхгүй хэвээр байгаа юм.

Эх сурвалж: CNBC