Сарьдагийн хийдийн нууцыг бүхлээр нь харуулна | News.MN

Сарьдагийн хийдийн нууцыг бүхлээр нь харуулна

Сарьдагийн хийдийн нууцыг бүхлээр нь харуулна

Сарьдагийн хийдийн нууцыг бүхлээр нь харуулна

Өндөр гэгээн Занабазарын уран бүтээлийн ордон гэгддэг Сарьдагийн хийдийн нууцыг дэлгэсэн үзэсгэлэн маргааш буюу есдүгээр сарын 27-нд Монголын үндэсний музейд болох гэж байна.

ШУА-ийн Түүх, угсаатны зүйн хүрээлэнгийн захирал, академич С.Чулуунаар ахлуулсан эрдэмтэн судлаачдын Үндэсний шинжилгээний баг 2013-2018 онд буюу зургаан жилийн турш Өндөр гэгээн Занабазарын байгуулсан Сарьдагийн хийдэд хээрийн малтлага судалгаа хийжээ.

Судалгааны үр дүнд Сарьдагийн хийдийн гол цогчин дуганы хоймор хэсгээс язгуурын таван бурхан 3000 орчим, мөн шавраар урласан том хэмжээний бурхан 10, үлэмж хэмжээтэй бурхдын хэсэг, шавар сац, сүншигийн эд зүйлс гэх мэт олон олдвор илрүүлсэн байна. Энэхүү олдворуудыг тоолж бүртгэн, сэргээн засварлан Түүх, угсаатны зүйн хүрээлэнгийнхээ сан хөмрөгт шилжүүлжээ. Тус хүрээлэнгийн судлаачдын баг Өндөр гэгээний Сарьдагийн хийдэд хийсэн зургаан жилийн малтлага судалгааны ажлаа цогц үзэсгэлэнгээр тайлагнах гэж байгаа нь энэ аж.

Үүний тулд орчин үеийнхэнд XVII зууны Монгол сүм хийдийг үзүүлэхээр зэхэж Сарьдагийн хийг багасган бариулсан байна. Түүнчлэн Сарьдагийн хийдийн бүтээн байгуулалтыг харуулсан 3D анимэйшн, малтлага судалгааг харуулсан баримтат кино, зураг дүрсний слайд шоуг үзүүлэх гэнэ. Мөн баримтат кино, холограм зураг үзүүлэх зэрэг технологийн дэвшлүүдийг ашиглах гэнэ. Үүнээс гадна олон нийтэд зориулж “Өндөр гэгээн болон түүний өв” сэдэвт цуврал лекцийг эрдэмтэн судлаачид унших, хүүхэд багачууд үзэгчдэд зориулсан шашны урлагийн боловсролын хөтөлбөрийг хуваарийн дагуу явуулах юм байна.

Үзэсгэлэнд Монголын үндэсний музейн сан хөмрөгт хадгалагдаж буй Өндөр гэгээний холбоотой дурсгалуудыг сонирхуулахаас гадна Европт хэрэглэж байсан нарны цаг, оросын буу, Энэтхэгт оршиж байсан Моголын эзэнт улсын худалдааны зоос, Балба зоос, Мин улсын язгууртны шаазан эдлэлүүдийг дэлгэх аж.

"Болор дуран"-аар шалгав.
Энэ мэдээнд өгөх таны сэтгэгдэл?
4
ЗөвЗөв
3
ХарамсалтайХарамсалтай
2
ХахаХаха
1
ХөөрхөнХөөрхөн
1
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

тэнэгтэх хүнд газар бундахгүй юм даа 2019-09-26 199.249.230.88

Наад шавар барималууд чинь угаас тангудын булшнаас олдсон юм билээ? тэгээд хятадуудын хийсэн шаварнуудыг Монголчуудад зарах гэж Монголчуудын мөнгөөр худалдаж авч хадгалж байсан л зүйл нэг их гайхаад байх юууч байхгүй шавар шүтээд дээшилсэн улс дэлхий дээр байхгүй. Наадах чинь мөнгө, цагийн гарз. Хятадууд цэргүүдийн дүрийг ингээд янз янзаар шавраар улрачихсан байдаг юм билээ. Урьд зүгийн юм Монгол хүнд таарахгүй.

Avatar

иргэн 2019-09-26 64.119.21.246

Сарьдагийн хийд гэж хаана байсан юм бол,

Avatar

зочи 2019-09-26 59.153.115.138

тэрэлж туулын эхээд байдаг байх

Avatar

Зочин 2019-09-26 103.229.176.130

Засгийн газрын ордны баруун талын хуучнаар бол Хувьсгалын музей л байлгүй дээ . харин маргааш 9 сарын 27-нд ганцхан өдөр л болох юм уу , эсвэл үргэлжлээд үзүүлэх юм болов уу ?

Avatar

СУРАГЧ 2019-09-26 66.181.181.144

ҮНДЭСНИЙ МУЗЕЙ ГЭЖ БАЙДАГ ЮМУУ БАЙДАГ БОЛ ХААНА БАЙНАА ОЧИЖ ҮЗМЭЭР БАЙНА

NewsMN Гар утасны хувилбар Татах
NEWS.mn

Мэдээллийн эх сурвалж