Хятадын эрх баригчид террорист, экстремист үзэл суртал гаргасан нэрийдлээр уйгур болон бусад үндэстний цөөнхүүдийг олноор нь баривчлан хорьж, хүчээр ухуулга суртал хийдэг гэх мэдээ ихээр гардаг билээ.

Энэ удаа “Youtube” сүлжээнд Хятадууд нүдийг нь боож, гарыг нь гавлан, үсийг нь хуссан уйгур болон бусад үндэстний цөөнх иргэдийг галт тэргээр зөөж буй нууц бичлэг тавигдсан байна.

Уг бичлэгийг дроноор авсан гэх бөгөөд Австралийн Стратегийн бодлогын институтын Олон улсын кибер бодлогын төвийн шинжээч Натан Расер бичлэг дээр гарч буй газрын ойр орчмыг шинжилж үзээд өнгөрсөн оны наймдугаар сарын үед Шинжааны Корла хотын өртөөн дээр болсон үйл явдал хэмээн дүгнэжээ.

Эх сурвалж: Guardian