Алга болсон уулчин Алтай Таванбогдод авирах зөвшөөрөлгүй байжээ | News.MN

Алга болсон уулчин Алтай Таванбогдод авирах зөвшөөрөлгүй байжээ

Алга болсон уулчин Алтай Таванбогдод авирах зөвшөөрөлгүй байжээ

Алга болсон уулчин Алтай Таванбогдод авирах зөвшөөрөлгүй байжээ

АНУ-ын харьяат 40 настай уулчин энэ сарын 18-ны өдөр Алтай Таванбогдод авиралт хийх явцдаа алга болсон талаар бид өмнө мэдээлсэн. Тэрбээр  есдүгээр сарын 20-ны өдөр буцаж ирэх байсан ч одоог хүртэл ор сураггүй байгаа юм.
Энэ талаарх мэдээллийг анх Баян-Өлгий аймагт үйл ажиллагаа явуулдаг “Алтай тоур” аялал жуулчлалын компанийн ажилтан есдүгээр сарын 21-ний 22:11 цагт аймгийн Онцгой байдлын газарт мэдэгджээ. Мэдээллийн дагуу тус аймгийн Онцгой байдлын газрын Эрэн хайх, аврах бүлгийн есөн алба хаагч нэг автомашинтай Алтай Таванбогд уулыг зорьж, есдүгээр сарын 23-наас “Хоног толгой” гэх газраас “Вест кэмп” хүртэл 12 км газарт явганаар эрэн хайх ажиллагааг хийж байна.

АНУ-ЫН ХАРЬЯАТ ИРГЭН ГАНЦААРАА УУЛАНД АВИРАХААР ЯВСАН

Сураггүй болсон АНУ-ын харьяат иргэнийг эрэн хайх ажиллагааны талаар Баян-Өлгий аймгийн Онцгой байдлын газрын хошууч н.Ургацаас мэдээлэл авлаа. Тэрбээр “Баян-Өлгий аймгийн Цэнгэл сумын Цагаан гол багийн Алтай Таванбогд ууланд /аймгийн төвөөс зүүн хойд зүгт 250 км-т, сумын төвөөс зүүн хойд зүгт 180 км-т/ АНУ-ын харьяат уулчин товлосон хугацаандаа бууж ирээгүй тул эрэн хайх ажиллагааг үргэлжлүүлж байна” гэв.

Алтай Таванбогд уул руу “Алтай тоур” аялал жуулчлалын машинд аймгаас зургаан жуулчин сууж явсны нэг нь АНУ-ын уулчин П байжээ. Тухайн иргэний хувьд бусад таван жуулчнаас тусдаа явсан бөгөөд ганцаараа авиралт хийхээр  явсан байна. Түүний араас бусад таван жуулчин нь очиход байхгүй байсан талаар тус аймгийн Онцгой байдлын газраас мэдээллээ. Түүнтэй хамт явс ан таван жуулчин Алтай Таванбогдод авирах албан ёсны зөвшөөрөлтэй байжээ. Харин алга болсон жуулчин зөвшөөрөлгүй байсан бололтой. Тус уул нь Монгол Улсын хилийн бүсэд хамаарах тул Өлгий хотод байрлах хилийн цэргийн ангиас /Улаанбаатар хотоос ирэх хүмүүс Хил хамгаалах ерөнхий газраас/ хилийн бүс нэвтрэх зөвшөөрөл /үнэгүй/, Монгол Алтайн нурууны улсын тусгай хамгаалалттай газрын хамгаалалтын захиргаанаас тусгай хамгаалалттай газар нутагт нэг удаа нэвтрэх тасалбар /3000 төгрөг/ авсан байх шаардлагатай аж.

ЖУУЛЧНЫ КОМПАНИЙН МАШИНД ДАЙГДАН СУУЖ ЯВСАН

Баян-Өлгийд үйл ажиллагаа явуулдаг “Алтай тоур” компанийн удирдлагатай утсаар холбогдоход “Алтай Таванбогд ууланд авиралт хийж, сураггүй болсон АНУ-ын харьяат иргэн П нь манай компанид албан ёсоор бүртгүүлээгүй.  Хувиараа Монголд ирсэн юм билээ. Тухайн үед манай компанийн жуулчны машинд дайгдаж явсан гэсэн. Яг тухайн үед юу болсныг сайн мэдэхгүй байна. Манай компанийн жуулчдад үйлчилсэн жолооч хөдөө явсан байгаа. Өнөөдөр /2019.09.24/ аймагт ирнэ. Жолоочийг ирэхээр аймгийн Цагдаагийн газраас байцаалт авна гэж хэлсэн” гэлээ.

Цаг агаарын хувьд Алтай Таванбогд ууланд авиралт хийхэд тохиромжтой байсан гэдгийг аймгийн Онцгой байдлын газраас мэдээлсэн юм. Монгол орны хамгийн баруун захад орших Алтай Таванбогд уул нь Хүйтэн, Найрамдал, Бүргэд, Малчин, Өлгий зэрэг олон мөнх цаст оргилуудтай. Улаанбаатар хотоос 1821 км зайтай. Баян-Өлгий аймгийн төв Өлгий хотоос 185 км зайд тус аймгийн Цэнгэл, Улаанхус сумдыг заагт оршдог.

А.СҮРЭН

"Болор дуран"-аар шалгав.
Энэ мэдээнд өгөх таны сэтгэгдэл?
9
ХарамсалтайХарамсалтай
6
ТэнэглэлТэнэглэл
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

uhsen bhoo 2019-09-24 98.253.30.34

tuhain oron nutagiin tsagdaa n barij avaad boogood altsan baihoo. hodoonii tsagdaa nar chin eren shuud boogood alaad alaad yavchdag boltsiin bishuu.

Avatar

HM 2019-09-24 84.51.161.8

Алмастай таарсан юм болвуу?

Avatar

Зочин 2019-09-24 64.119.19.154

Хүний амь нас эрүүл мэнд яригдаж байхад Зөвшөөрөлгүй гэж ярих юм. News.mn бол хүн чанар ёс суртахуунгүй байгууллага

Avatar

Зочин 2019-09-24 193.91.98.156

yagaad hiliin bused zovshoorolgui hun yavj baidag bilee Juulchin horongo oruulagch tuslamjiin baiguulaga neriin dor yu hiij baigaag medej bna uu darga naraa

Avatar

zochin 2019-09-24 59.153.115.202

3 улсын хил орчмын бүс учраас зөвшөөрөлгүй гаднын тэнүүлчдийг ойртуулж болохгүйшд.

Avatar

зочин 2019-09-24 66.181.181.27

Эрхэм нөхөд өө?монголчууд аа?Би нэг зүйл хэлье,буруу бол уучлаарай,намайг залуу байхад,насныхаа ихэнхийг төрд зориулан зүтгэхэд ийм зах замбараагүй юм дуулддаггүй байсан санагдах юм,юу?гэнэ вэ?саяхан монгол шарын даваанд 4 хятад дураараа явж байгаад баригдлаа л гэх,энэ алга болсон гэх америк иргэн замын машинд дайгдаж баруун хязгаарт очсон л гэх,юу?болж байнаа,энэ улс оронд чинь хууль ёс-хяналт шалгалт гэж ер нь байна уу?тус тусынхаа ажлыг хийцгээх юм биш үү?

Avatar

Зочин 2019-09-24 112.72.15.50

Уг нь вест кэмп (нутгийнхан тэгж буруу нэрлээд сурчихсан) биш base camp-аас хоног толгой хүртэл явмаар юм

Avatar

Zochin 2019-09-24 66.181.161.107

zevsheerelgui geed daraa ny torgoj amjih biz, hunee oloochee. uhlee naad hun chin

Avatar

Setgegdel orohoo baichij 2019-09-24 202.131.246.42

Ene site setgegdel orohoo baichij

Avatar

иргэн 2019-09-24 139.5.216.128

Монгол орны бүх хэсэгт хүн ард нь жаахан учиртай баймаар юм. Яг эзэнгүй айл шиг хэн дуртай хүн орж гарч юу дуртайгаа хийдэг, хийлгэдэг байгааг болиулаачээ. Засаг төр минь үүнд хатуу анхаараачээ? Эзэн байна уу…

Avatar

Зочин 2019-09-24 66.181.161.104

Монгол орны хамгийн баруун захад орших Алтай таван богд гэж нэг бичээд л, аймгийн төвөөс зүүн хойд зүгт 250 км-т орших Алтай таван богд гээд л байх юм. Мэдээ нийтлэхээсээ өмнө ядаж газрын зураг харчихаж болдоггүй юм уу энэ Сүрэн. news.mn бас шалгадаггүй юм уу. /өчигдрийн мэдээнд бас ингэж бичсэн байсан/

Avatar

Зочин 2019-09-24 66.181.161.102

Баян-Өлгий аймгийн төвөөс зүүн хойд зүгт 250 км-т гэвэл Цэнгэл сум, Алтай Таванбогд уултай огт хамаагүй, Увс аймгийн аль нэг сумын нутаг дэвсгэр болж таарах гээд байна.

Avatar

Зочин 2019-09-24 202.126.89.144

Одоо зөвшөөрөтэй, зөвшөөрөогүй нь ямар хамаа байнаа. Хүнээ олох л хэрэгтэй. 3000 төгрөг төлөөгүй гээд хаях гэж байгаа юм шиг юм бичих юм.

Avatar

Zochin 2019-09-24 36.11.225.219

Uhvel uhne l biz de. Ene uulchid gej shal demii hiih yumaa olj ydsan yumnuud. Benzin tos, hun huch garzdaad. Ene teneguudiin toloo tatwar tologchdiin mongo ursaj bna

Avatar

Зочин 2019-09-24 66.181.187.244

Mongol amitan hoino iim l yum bichne dee. Hun bish shd

Avatar

Монгол хүн 2019-09-24 218.101.231.199

Чи монгол хүн биш үү?, монгол хүн ямар байх ёстой юм бэ? Татвар төлөгчдийн мөнгө,улсын хөрөнгийг үрэх юм бол дөлчийсөн,хэнэггүй,монголчуудыг хүн гэж үзэхгүй байгаа,засаг төр,хууль журмыг нь үл тоогчдоос гаргуулах хэрэгтэй шдээ.

Avatar

Зочин 2019-09-24 202.131.246.42

Yag unen. Durandaa uhel ruugee zutgesen humuus bol uhvel taarna. Ugaasaa uulchdiin muruudul chin uulandaa uheh baidag gee biz dee. Tiim uchraas erj haij hun huch, tsag hugatsaa zarlagadaad yahav zugeer haya. Ter hun chin uulandaa noirsood jargaltai baigaa.

Avatar

Зочин 2019-09-24 202.179.26.56

Юун вест кемп вэ сэтгүүлчээ.Base camp үндсэн отог

Avatar

Зочин 2019-09-24 24.12.0.213

um sain amgalan boltugai, manaikan uursdu nuukaad tavisn ch bj mdsh, Arkangain sarlaguudyg martchij blkguuuu

Avatar

ZOCHIN 2019-09-24 202.179.22.117

Алтай Таван Богд уулын Хүйтний оргил явах үндсэн зам дагуу нилээн олон ангалуудтай. Ганцаараа, анх удаа явж байгаа хүний хувьд ангал руу унахад гарах магадлал багатай, дээр нь эргээд цасаар хучигдаж харагдахгүй болно.

Avatar

Зочин 2019-09-24 122.201.17.118

Ene gadaaduudiig uul ruu gargahaa boli

Avatar

Зочин 2019-09-24 202.55.188.89

tagnuul biz

Avatar

Зочин 2019-09-24 203.169.49.103

Уулчин нэрээр ирсэн тагнуул монгол улс д шингэх зорилготой байж ч магад.

Avatar

Зочин 2019-09-24 182.160.38.223

heden maltai gej tagnah uu ha ha

Avatar

Зочин 2019-09-24 202.131.229.34

Олдоосой билээ

NewsMN Гар утасны хувилбар Татах
NEWS.mn

Мэдээллийн эх сурвалж