Иранд хөлбөмбөгийн тоглолт үзсэнийхээ төлөө шүүхээр шийтгүүлэх болсон эмэгтэй өөрийгөө шатаан амиа алдсан хэрэг саяхан гарсан. Сахар Ходайяри гэх эмэгтэй эрэгтэй хувцас өмсөн цэнгэлдэх хүрээлэн рүү орох гэж байхдаа баривчлагдсан юм. Улмаар шоронд орохоос айсан бүсгүй эсэргүүцлээ илэрхийлэн шүүхийн байрны өмнө өөрийгөө шатаасан бөгөөд эмнэлэгт долоо хоноод шархаа дийлэлгүй амиа алдсан юм.

1979 оны Ираны хувьсгалаас хойш тус улсад эмэгтэйчүүдийн эрх гэж бараг байхаа больж, эрэгтэй хүмүүс тоглож буй цэнгэлдэх хүрээлэнд эмэгтэй хүн орохыг хориглосон билээ.

Бүсгүйн амь биеэ гаргуунд нь гарган тэмцсэн тэмцлийн үр дүнд ирэх аравдугаар сард болох ДАШТ-ий эрх авах тоглолтоос эхлээд иран эмэгтэйчүүд хөлбөмбөгийн тэмцээн үзэх эрхтэй болж байгаа аж. “FIFA”-ийн ерөнхийлөгч Жанни Инфантино Ираны эрх баригчидтай энэ асуудлаар хэлэлцсэний үндсэн дээр дээрх асуудлыг шийдвэрлэж чаджээ. Дээрх хэргээс үүдэн Ираныг “FIFA”-аас хасах тухай хүртэл яригдаж байсан юм.

Эх сурвалж: BBC