Улсаа нураах чимээ | News.MN
Улсаа нураах чимээ

"Ньюс" агентлаг өнгөрч буй долоо хоногт өрнөсөн онцлох үйл явдлыг тоймлож байна.


Эрх баригчид хариуцлагаас мултрахын тулд улсаа нураахаар шийдэв бололтой. Ерөнхийлөгчөөс санал болгож байсан УИХ-ыг тараах санаачлагыг спиекрээсээ эхлэн дэмжин сэвж гарав.

УИХ-ын дарга Г.Занданшатарын тайлбарласнаар УИХ-ыг тараах нь парламентын засаглалаа хамгаалж үлдэх боломж гэнэ. Хэн нь парламентыг тараахаар УИХ-аа авч үлддэг гээд “номлочихсон” юм, унасан бөхөд шалтаг мундахгүй гэдэг шиг л үйл явдал өрнөж байна.

Уг нь олон нийт эрх баригчдаас УИХ-ыг тараагаад, улсаа нураагаад өг гэж хүсээгүй. Жижиг, дунд үйлдвэрлэлийг хөгжүүлэх сан (ЖДҮХС)-гаас зээл авч, ардын боломжийг хулгайлсан гишүүддээ хариуцлага тооцооч гэдэг асуудлыг л хөндөж ирсэн, хөдлөөгүй. Гэтэл одоо УИХ-ыг тараах асуудлыг хөндөж эхэлсэн нь Ерөнхийлөгчийн засаглалтай болох заалтыг  Үндсэн хуульдаа тусгаж чадаагүй нь парламентыг тараах алхмыг хийхээс аргагүйд хүргэв үү гэх хардлага руу ч хөтөлж эхлээд байгаа юм.

Одоогоор хэдэн гишүүн УИХ-ын дарга Г.Занданшатарын парламентыг тараах санаачлагыг дэмжиж байгаа вэ гэдэг тодорхой бус ч 51-д хүргэж чадахгүй байгаа тухай мэдээлэл бий. Хуульд зааснаар УИХ-ын гишүүдээс 51 нь дэмжиж байж, парламент хугацаанаасаа өмнө тарах боломжтой болно.

Хэрэв парламент хугацаанаасаа өмнө тарвал улс төрийн тогтворгүй байдал үүсэх эрсдэлтэй.

Ерөнхийлөгч Ерөнхий сайдын ажлыг хийж өгч байна

УИХ-ын дарга парламентаа, Ерөнхий сайд намаа, засгаа “базаж” чадахгүй түүртэх завсар Ерөнхийлөгч Х.Баттулга Энэтхэг улсад төрийн айлчлал хийж амжлаа. Айлчлал есдүгээр сарын 19-23-нийг хүртэл үргэлжилнэ.

Энэ удаагийн айлчлал нь төрийн тэргүүний хувьд стратегийн түншлэлийн харилцаатай гурав дахь оронд зочилсон айлчлал болж байна. Монгол Улс нь Орос, Хятад, Энэтхэг, Япон, БНСУ-тай стратегийн харилцаатай. Ерөнхийлөгчөөр сонгогдсон даруйдаа ОХУ-д, айлчилсан бол өнгөрсөн хавар Хятадад төрийн айлчлал хийсэн юм.

Энэтхэг улсад хийсэн төрийн айлчлалтай хамт хэд, хэдэн баримт бичигт хоёр тал гарын үсэг зурсан нь хөдөө аж ахуй, шинжлэх ухаан, соёлын салбарт хамтрах ирээдүйн төлөвлөгөө туслаа.  Газрын тос боловсруулах үйлдвэрт нэмэлтээр 236 сая ам.доллар гаргахаар шийдвэрлэлээ.

Мөн энэ сарын эхээр ОХУ-ын Ерөнхийлөгч В.Путин Монгол Улсад албан ёсны айлчлал хийх үеэр хоёр улсын Засгийн газрын сайд нар төмөр замыг шинэчлэх, уул уурхайн салбарт хамтрах зэрэг баримт бичгүүдийг зурсан нь нэг ёсны Ерөнхийлөгч Ерөнхий сайдын ажлыг хийж өгсөн явдал болсон билээ.

Замын цагдаагийн гүүрэн замыг нээв

БНХАУ-аас авсан хөнгөлөлттэй зээлээр Замын цагдаагийн орчимд гүүрэн зам барих ажлыг хоёр жилийн өмнө эхлүүлсэн. Уг ажлын эхний хэсэг дуусаж, өнгөрсөн даваа гаригт ашиглалтад орууллаа. Энэ гүүр 477 м урттай, 42.38 сая ам.долларын төсөвт өртөгтэй юм. Төслийн ажлын гүйцэтгэгчээр “Хятадын төмөр замын 20 дугаар товчоо” групп, зөвлөхөөр “Ростов” ХХК ажилласан. Гүйцэтгэгчийн зүгээс гүүрэн замд 100 жилийн чанарын баталгаа өгсөн юм.

Анх уг замын барилгын ажлыг эхлүүлэхэд албаныхан Улаанбаатар хотын автомашины түгжрэлийг 40 орчим хувиар бууруулна гэж тайлбарлаж байсан ч одоогоор тухайн хэсгийнхээ түгжрэлийг ч бууруулж чадахгүй байгаа юм. Үүнтэй холбоотойгоор “Home plaza” –г нураая гэх санаачлага ч гарч амжив.

“Найрамдал” зуслангийн газрыг буцаан авч чадсан уу?  

Хэдэн сарын өмнө Ерөнхий сайд У.Хүрэлсүх “Найрамдал” зуслангийн газраас хулгай хийсэн томчуудын газрыг буцаан ав гэдэг даалгаврыг холбогдох газруудад үүрэг болгосон ч хагас дутуу биелэсэн сураг гарч байна. Учир нь “Найрамдал” орчмын газраас газар авсан иргэд нь зөвшөөрөлтэй, нөгөө талдаа обьект барьсан байсан тул цуцалж чадаагүй аж.

Нийслэлээс өгсөн мэдээгээр 24 байршлын газар эзэмших гэрчилгээ, захирамжийг хүчингүй болгожээ.

Харин Улаанбаатар хотын хэмжээнд иргэдийн эрүүл, аюулгүй орчинд амьдрах эрхийг ханган газар ашиглалтыг сайжруулах, явган хүний зам талбайн хүрэлцээ хангамжийг нэмэгдүүлэх, авто замын түгжрэлийг бууруулах болон тохижилтын ажил гүйцэтгэх боломжийг бүрдүүлэх зорилгоор 263 байршилд 449 обьект чөлөөлжээ. Ингэснээр хашаа, хайс 346, өргөтгөл найм, ТҮЦ 32, гараж, контейнер 63-ыг буулгаж тус тус газар чөлөөлсөн байна. Газар чөлөөлөх ажил хийгдсэнээр хорооллын дундах авто замын 87 байршилд орц, гарц нээгдэж, нийтийн эзэмшлийн 31 байршлын 4151 ам метр газар, явган хүний зам хаагдсан 56 байршилд 10189 ам метр талбай чөлөөлөгдсөнөөр тохижилт хийх, газар ашиглалтыг сайжруулах арга хэмжээ авах боломжтой болжээ.

Г.ХОРОЛ

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
8
ХахаХаха
4
БурууБуруу
1
ЗөвЗөв
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-09-22 115.65.93.30

Энэ гүүрний зөвхөн 1 метрийгнь 235-237 сая төгрөгөөр барьсан хэрэг үү? 1 метр гүүрний өртөг 235-237 сая төгрөг үү?

Avatar

ХУЛГАЙЧУУДАА ЗАЙЛУУЛААД ӨГ Л ГЭСЭН ШД 2019-09-22 202.179.24.58

УГ НЬ ХУЛГАЙЧУУДАА … ЗАЙЛААД ӨГ Л ГЭСЭН ШД. ТЭГЭНГҮҮТ ҮНДСЭН ХУУЛИА ӨӨРЧЛӨЕ ГЭЖ СОЛИОРСОН. ЗАНДАНШАТАР ЛҮНДЭЭЖАНЦАН НАР НЭГ ЮМ ДУУЛНАА… ЁСТОЙ МЭДРЭЛ НОВШНУУД.

Avatar

Зочин 2019-09-22 73.92.12.67

Суулийн уед ернеж байгаа уйл явдлуудыг хараад байхад УИХ – ын гишууд нь Жээнко Зийкаа нартайгаа нийлж парламентийн засаглалаа нураах ажилд шамдан орсон мэт сэтгэгдэл теруулж байна. Ард тумэнд нэр хундээ алдсан ЖДY чин авилгач хулгайч нар Мие мэтийн ухэж байсан шалчгар ноедын ивээл найдваргуй болсныг мэдрээд , Путин гэгч том гарын дэмжлэгтэй урвагчийн ивээл дор, лууйвраар олсон херенгее авж улдэн ххамгаалуулах ухсэн нохойн зам сонгож!!!!! Хамтдаа чадарцгаана даа та нар !!!!!!

Avatar

МОНГОЛЫГ ЯЛСАН ТӨВД ЖАНХУУГ ОГЦРУУЛЬЯ ! 2019-09-22 122.201.21.16

Туурга тусгаар энэ улс өмхий төвд тайрдас жанхуугийн атганд бүрэн оржээ. Ардчилсан намын Ерөнхийлөгч Жанхууг ард түмний 30 хувь нь л дэмжсэн. Үлдсэн 20 хувийн санал нь хадам ахын хакер ажиллагаа. Жанхуу бол үймээн самуун дэгдээж байгаад Ерөнхийлөгчийн засаглал тогтоох ганцхан хүсэлтэй. Шоронд орохгүй байх цорын ганц зам нь ердөө энэ .Түүнд өөр сонголт үгүй. Самарч байж л шоронгоос зугтана. Жанхууг үндсэн хуулийг зөрчсөн, улс эх орны тусгаар тогтнолд аюул учруулсан хэргээр нэн даруй огцруулж шоро

Avatar

Зочин 2019-09-22 202.126.89.9

Orkuud svrjignej baij ulsaa nuraah nee!

Avatar

Зочин 2019-09-22 202.126.88.47

Shalhereggyi yum bich yum ,yum hiij bgaa hynee demjeech

Avatar

Иргэн 2019-09-22 139.5.217.239

ЖДҮчид 60 тэрбумын луйварчид Энхтүвшин Энхболд нарын урваач өвгөдөөр дүүрсэн Их хурлыг даруй тараах нь шударга ёсонд нийцнээ

Avatar

Зочин 2019-09-22 66.181.180.86

Хурэлсух Женкод юугаар барьцаалагдсан бэ гэдэг асуудал цаашдын улс торийн том сэдэв байх болно. Оорийн ганц найз монгоо хуртэл хувааж явсан Цэнгэлээ МТЗ-ын даргаас чолоолж Женкод оорийн хунээ тавих боломж гаргаж огч байгаа нь улс орныг хувийн сонирхлоор хувааж захирах бодлого уу

Avatar

Зочин 2019-09-22 66.181.179.142

Найрамлын бүсд баригдсан байшингуудаас найрамдал өндөр түрээс авах хэрэгтэй

Avatar

Зочин 2019-09-22 182.160.38.247

АН-ы хөлсний сайт аа? улсаа нураахгүй АН-ы хулгайч нарыг нураах чимээ.

Avatar

Зочин 2019-09-22 202.126.89.246

ХОРОЛ ГЭЖ ТАРВАГЫН ХООЛНЫ ХАЯГДАЛ ДОЛООГЧ БАЙНАА !!! ТАРВАГА ЧИНЬ УДАХГҮЙ НАРСАНД СУУНА ДАА !!! ХА ХА ХА!!!

Avatar

Зочин 2019-09-22 139.5.216.142

Намаа бутарган байж Ерөнхий сайд болсон, насан багын найзаа мөргөн байж Намын дарга болсон Хүрэлсүх ичиг ичиг. Өөрийн сандал ширээгээ хамгаалах үүднээс өөрийг нь дагаж далдганасан 30-аад хүнд бодлогтойгоор ЖДҮ-гийн мөнгө тэрбум тэрбумаар нь олгож бидний итгэл ирээдүй боломжийг хулгайлсан хүн бол Хүрэлсүх. Овоо гэж бодсон биш ээ. Сайхан ярих юм. Тэгсэн байж жинхэнэ луйварчдаа яаж чадахгүй хулчийна. Том том дуугарах боловч ам нь шүдгүй ийм л нэг хуучны МАХН-ын драп төр толгойлж монголыг алж байна

Avatar

Зочин 2019-09-22 202.9.42.114

яг үнэн, шүдгүй арслан монголд хэрэггүй. сүржин ярьдаг шигээ хариуцлага тооцдоггүй ийм дүр үзүүлсэн дуракуудыг өөрсдийг нь төрөөс зайлуулъя

NewsMN Гар утасны хувилбар Татах
NEWS.mn

Мэдээллийн эх сурвалж