Казахстанд болж буй "Нур-Султан 2019" чөлөөт бөхийн ДАШТ үргэлжилж байна. Өнөөдөр /2019.09.20/  эрэгтэйчүүдийн 57, 65, эмэгтэйчүүдийн 62, 68 кг-ын жингийн дагах болон шигшээ барилдаанууд боллоо.  Монгол Улсын тамирчин, Хөдөлмөрийн баатар С.Батцэцэг Францын дэлхийн хос медальт Кумба Ларроктой дагах барилдаанд хүч үзэж, 12:2 оноогоор цэвэр ялж "Токио 2020" олимпийн эрхтэй болсон. Тэгвэл хүрэл медалийн төлөө Украины Алла Черкасова барилдаж ялалт байгуулсан юм. Тодруулбал,  2018 оны дэлхийн аварга, 2010 ДАШТ-ий хүрэл медальт, 2019 оны Европын аварга Украины Алла Черкасоваг ялж хүрэл медаль хүртсэнээр  С.Батцэцэг ДАШТ-ий хос алт, мөнгө, хос хүрэл медальтай боллоо.

Б.БАТ