Хойд Солонгос шинэ үеийн цөмийн шумбагч бүтээж байна гэсэн мэдээлэл сүүлийн үед гарах болсон билээ. Тэгвэл Японы NHK сувгийн мэдээлснээр Хойд Солонгос пуужин тээвэрлэгч шумбагч хөлөг далайд гаргахаар бэлдэж байгаа аж. Энэхүү мэдээллийг тус улсын зүүн эрэг дээрх бэлтгэл ажлыг харуулсан хиймэл дагуулын гэрэл зургууд баталж байгаа гэнэ.

АНУ-ын “Middlebury” олон улсын судалгааны хүрээлэнгийн шинжээчдийн үзэж буйгаар хиймэл дагуулын зураг дээр байгаа шинэхэн байгууламж нь тус улсын зэвсэгт хүчинд байгаа хөлөг онгоцуудаас хамаагүй том хэмжээний онгоц байрлуулах хэмжээтэй байгууламж болсон учир дээрх дүгнэлтэд хүрчээ.

Эх сурвалж: NHK