Эх орны хөрсөнд ургуулсан шинэхэн ногоо, жимс, жимсгэнийг нэг дороос, хямд үнээр авах боломжийг “Намрын ногоон өдөр” үзэсгэлэн худалдаа танд олгож байна.

“Намрын ногоон өдрүүд” есдүгээр сарын 18-24-нд “Мишээл экспо” төвд болох юм. Энэхүү арга хэмжээ “Эрүүл хүнс – Эрүүл Монгол хүн” уриан дор Монгол улсад Атар газар эзэмшсэний 60 жилийн хүрээнд зохион байгуулж байгаа гэдгээрээ онцлог аж. Тус арга хэмжээнд нийслэл, 21 аймгаас шилдэг бүтээгдэхүүн үйлдвэрлэгчид, тариаланчид, ногоочид оролцож байна.

“Намрын ногоон өдрүүд”-ийн хүрээнд энэ сарын 20-нд “Баяжуулсан хүнс”, 21-нд “Атар-60 жил” болон “Үндэсний хоол”,  22-нд  “Мах сүүний анхдугаар аян”, 23-нд  “Алсыг харъя, Органикийг сонгоё” өдөрлөгүүдийг зохион байгуулах аж.