“Хөх тавилан” кино Олон улсын наадамд шалгарчээ | News.MN

“Хөх тавилан” кино Олон улсын наадамд шалгарчээ

“Хөх тавилан” кино Олон улсын наадамд шалгарчээ

“Хөх тавилан” кино Олон улсын наадамд шалгарчээ

Төрийн шагналт зохиолч Д.Норовын “Хөх тавилан” туужаас сэдэвлэн бүтээсэн “Хөх тавилан” уран сайхны кино 41 дэх удаагийн Флоренцийн “Олон улсын эмэгтэй кино уран бүтээлчдийн наадам”-д албан ёсоор шалгарчээ.

Найруулагч Т.Алтантуяа хань В.Агартайгаа хамтран “Хөх тавилан” уран сайхны кино бүтээж, гол дүрд нь мисс А.Баярцэцэг Бадамцэцэг гэх бүсгүйн дүрд тоглосон юм. Киноны ерөнхий зураглаачаар Э.Очгэрэл, ерөнхий зураачаар Д.Батбилэг, дууны найруулагчаар О.Цэгмид, хөгжмийн зохиолчоор Д.Эрдэнэбат нар  ажиллаж, Говь-Алтай аймгийн Цогт сумын Ээж хайрхан ууланд зургийг авсан байна.

Мөн “Хөх тавилан” кинонд Монгол Улсын гавьяат жүжигчин А.Гүрсэд, Ш.Дэлгэржаргал гээд Монголын кино урлагийн ахмад уран бүтээлчдээс гадна, Улсын драмын эрдмийн театрын жүжигчин С.Болд-Эрдэнэ, залуу жүжигчин Б.Шинэбаяр зэрэг чадварлаг уран бүтээлчид тогложээ.

Мисс А.Баярцэцэгийн хувьд загвар өмсөхөөс гадна жүжиглэх авьяастай нэгэн. Тэрбээр 2016 оны "Дэлхийн мисс" тэмцээнд оролцож, шилдэг 11-т үлдэж томоохон амжилт гаргаснаар нь хүмүүс андахгүй. Түүний хувьд  2014 онд АНУ-ын “Netflix” компанийн  бүтээл Марко Поло кинонд тоглосон бол 2018 онд нээлтээ хийсэн Холливудын алдарт жүжигчин Стивен Сигалын ”Attrition” кинонд  ч мөн тоглосон.

А.СҮРЭН

Энэ мэдээнд өгөх таны сэтгэгдэл?
5
ТэнэглэлТэнэглэл
1
ЗөвЗөв
1
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

333 2019-09-18 103.14.38.144

монгол кино их ухаан зарсан , хүнлэг,сургаальтай бсан,үзээд үзээд уйдахгүй жнь: цогт тайж,гарьд магнай г,м, гэтэл одоо нохойтой хамт амьдардаг монгол ховор доо. хүний амьдралд байхгүй киногоор эх орноо муулж мөнгө олохоо больмоор юм.жигшүүртэй биш үү. байхгүй амьдрал харуулаад байдгаа болимоор юм. хайран хөрөнгө мөнгө, хайран зав , хайран цаг хугацаа, кино үзээд хүн чинь сэргэхийг боддог, сайхан явааг дурайхыг боддог, энэ нийгмийн аймшигт өвчинг үзүүлсэн, сургамжтай кино хиймээр юм. чадахгүй бол

Avatar

шар нохойн там ч гэнүү 2019-09-18 163.172.41.228

дандаа нэг ядар зовж зүдэрч байгаагаа хүнд хэтрүүлэн үзүүлж өвөрдүүлэх гэдэг юм уу хаашаа юм. сүүлийн жилүүдэд хараад байхад түмэн зовлон тохчихсон киногоор олон улсын тэмцээнд ороод өрөвдүүлж эх орноо муулах гэсэн заваан юм хийгээд байх юм.

Avatar

Baagii 2019-09-18 182.160.38.249

Yaag unen. Dandaa neg gunigiin kinonuudyg hiij olon uldyn kinony taizan deer gargaad terii n uzsen gadaaduud yamar setgegdel avhuu gheer Mongol gj heer noorhoi gert uilj unchirch uhej zovj tarchilsan heden group humuus bdgiim bn gsn anhny setgegdel l aviishdee. Hezee ch nuudelchin amidralyn hunii aj bdlyn negeehen heseg gj huleej avahguishd!!

NewsMN Гар утасны хувилбар Татах
NEWS.mn

Мэдээллийн эх сурвалж