ОХУ-ын Екатеринбург хотноо болж буй сонирхогчдын боксын ДАШТ-ий жин тус бүрийн шөвгийн 8-д өрсөлдөх боксчид тодорлоо. Манай улсаас өчигдөр 3 тамирчин рингэнд гарснаас Азийн наадам болон ААШТ-ий аварга Э.Цэндбаатар өрсөлдөгч Нидерландын боксчин Роланд Галосыг 5-0 харьцаатай ялж шөвгийн 8-д шалгараад байна. Өнөөдөр (9 сарын 18) хагас шигшээд үлдэх эрхийн төлөө Ирландын боксчин Курт Волкертой тулалдана. Хэрвээ өрсөлдөгчөө ялж чадвал медалийн болзол хангах учиртай.

Тэгвэл өчигдөр рингэнд гарч тулалдсан Б.Чинзориг болон Г.Баярхүү нар өрсөлдөгч нартаа хожигдож тэмцээнээ өндөрлүүлээд байна. ОУХМ Б.Чинзориг тэмцээний 3-р шатанд Хамтын Нөхөрлөлийн орнуудын наадмын мөнгөн медальт Энэтхэгийн Маниш Каушикт хожигдсон бол Г.Баяхүү Йорданы Зейд Еашашд хожигдон тэмцээнээ өндөрлүүлэв.

Б.БЯМБАБАЯР