Г.Занданшатар иргэдтэйгээ хамтарч авлигатай тэмцэнэ | News.MN

Г.Занданшатар иргэдтэйгээ хамтарч авлигатай тэмцэнэ

Г.Занданшатар иргэдтэйгээ хамтарч авлигатай тэмцэнэ

Г.Занданшатар иргэдтэйгээ хамтарч авлигатай тэмцэнэ

Монгол Улс саарал жагсаалтад ороход тун ойрхон ирээд буй. Олон улсын байгууллагуудаас Монгол Улсад авлига хэт өндөр, мөнгө угаах явдал их байгаа учраас энэ чиглэлээр тодорхой арга хэмжээ авч, хууль эрх зүйн орчноо сайжруулахыг удаа дараа шаардаж буй. ФАТФ-ын Ази, номхон далайн бүсийн байгууллагаас анхааруулга удаа дараа өгч буй өнөөдрийг хүртэл дорвитой үзүүлэлтүүд харагдахгүй байна.

Монгол Улсыг саарал жагсаалт рүү хөтөлж буй хамгийн том зүйлийн нэг нь авлига. Бид жил бүр авлигын индексээ бууруулж чадахгүй, жилээс жилд авлига, хээл хахуулж улам далд хэлбэрт шилжиж, авлигаа оймс, малгайндаа нууж байгаа “эртний” бичлэгүүд ч олон нийтийг бухимдуулаад буй. Түүгээр ч зогсохгүй АТГ-ын мэдэгдсэнээр бичлэгт дурдсан авлигын асуудал буурахгүй, удаа дараагийн давтамжтай байгааг ч сануулж буй. Гэвч хуулийн байгууллага авлигыг бууруулах, авлигын индексийн урагшлуулах чиглэлээр дорвитой арга хэмжээ авахгүй, авч байгаа ч аль нэг хуулийн байгууллага дээр очоод гацдаг, эцэс сүүлдээ хөөн хэлэлцэх хугацаагаар хэрэг нь хэрэгсэхгүй болж буй жишээ МХЕГ-ын байцаагчдын тэрбумын авлигыг хэрэг бий. Энэ мэтчилэн авлигатай тэмцэгчид нь хуулийн өмнө хүчин мөхөсдөж, авлига авагчдын арга заль улам нарийсч, далд хэлбэрт шилжиж байгаа нь нууц биш ээ.

Тэгвэл энэ чиглэлээр УИХ юу хийж байна вэ. Авлигын эсрэг тэмцлийг хүчтэй болгох, иргэд, төрийн бус байгууллагуудын санаачилга, нийтийн оролцоо, идэвхийг дэмжин урамшуулах, авлигыг илчлэхэд эдийн засгийн хөшүүрэг хэрэглэх зорилгоор УИХ-ын дарга Г.Занданшатар авлигыг бууруулах зорилгоор нэгэн хууль санаачилжээ. Энэ хууль нь авлигатай тэмцэхийн тулд авлигыг илчилсэн хүнд нийт дүнгийн 10 хувийг олгох төсөл өргөн барьсан юм. Хуульд тусгаснаар авлигын асуудлаар иргэн, байгууллагаас ирүүлсэн мэдээлэл хуульд заасан журмаар шалгагдан, тогтоогдсон бол тухайн асуудлыг мэдээлсэн этгээдэд Авлигатай тэмцэх газарт хураагдсан бэлэн мөнгө болон эд хөрөнгийн нийт үнийн дүнгийн 10 хувьтай тэнцэх хэмжээний мөнгөн урамшууллыг Засгийн газраас тогтоосон журмын дагуу олгож байхаар уг хуулийн төсөлд тусгажээ. Урамшуулалд улсын төсвөөс нэмэлт зардал гарахгүй бөгөөд улсын орлого болгон хураасан хөрөнгөөс санхүүжүүлэх аж. Хэдийгээр энэ хууль матаачдыг нэмэгдүүлж байгаа мэт боловч нийгэмд шүгэл үлээгчдийг нэмэгдүүлэх, авлига өгөх гэж байгаа, авах гэж байгаа хүмүүст том анхааруулга, сануулга болох боломжтой.

УИХ-ын дарга Г.Занданшатар өнгөрсөн наймдугаар сарын 2-нд төрөөс авлига, албан тушаалын гэмт хэрэгтэй тэмцэхэд баримталж буй ялын бодлого, хөөн хэлэлцэх хугацаатай холбоотой УИХ-ын гишүүд, хуулийн байгууллагын удирдлагуудаас бүрдсэн ажлын хэсэг байгуулсан. Мөн авлига, албан тушаалын гэмт хэрэг, үндэслэлгүйгээр хөрөнгөжиж гэмт хэрэг үйлдсэн этгээдүүдэд ял завших боломжийг олгож, хэт хөнгөн ял оногдуулж хуулийг буруу хэрэглэснийг дахин хянахыг шаардсан бичгийг хуулийн байгууллагын удирдлагад хүргүүлж байв.

Ийнхүү УИХ-ын дарга иргэдтэйгээ, шүгэл үлээгчидтэй хамтарч, авлигатай тэмцэхээр болжээ.  Түүний тэмцэлд харин хуулийн байгууллага ташуур өгч чадах эсэхийг харах л үлдлээ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
2
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-09-17 24.12.0.213

songuuli oirtsony tod jish eee

Avatar

Fu 2019-09-17 139.5.219.171

Irgediin setgeleer ch mon toglokh yum aa! Ordon dyyren tom Avilgachidaa yakhiin be? 100k $ iin tsag zyygeed , torol ariljaad, daam garchikhsan nyyrsnii khulgaich jurmiin nokhroo ooroo ilchilchikhvel nasaaraa ideed barakhgyi bayan bolokh ni dee? Martsanaas Savings banknii 14 terbum togrog yu bolson be?

Avatar

хуульчла 2019-09-17 66.181.177.51

авилагатай тэмцвэл үндсэн хуульд : тѳртйн ажилтан авилага авах тѳрд хохирол учруулах хуурамч гэрээ хийж улсыг хохироох.тѳрийн нууц задаруулах .тагнуулын байгуулагад туслах . гм гэмт хэрэг үйлдвэл 3 үеээр нь тѳрд ажил хийлгэхгүй бх заалт оруулбал авилагчдад цохилт болно.чингис шихүхутагийг нууцаар зѳвлѳлдсѳн яриаг дайсандаа санамсаргүй хэлсэнээс болж олзлогдогсодыг устгах гэхэд урдаас бэлтгэж тэмцэж хохироосон учраас дахин зѳвлѳгѳѳнд оруулахыг хориглож бсан

Avatar

зочин 2019-09-17 64.119.18.110

монголын хуулийн байгууллагыг 22 жил толгойлсон нямдорж сайд байгаа цагт авила буурахгүй ээ. тэр хүн ямар нэг бадлаар авилгачдыг хамгаалж өөгшүүлж байгаа учраас улам цэцэглээд байгаа. нямдоржийн хувьд Монгол улс аль муухай байх, тусам сэтгэл нь ханаж, баярлаж явдаг байх. энэ хүн монголд яагаад ийм хонзонтойг гайхаал олохгүй юм. бодвол цаана нь монголчуудаас сайн ард түмэн монголоос сайхан эх орон байдаг юм байлгүй дээ

Avatar

Зочин 2019-09-17 96.2.71.72

Ойрдуудын олон жил зуусан өс хонзон

Avatar

Зочин 2019-09-17 107.77.173.1

Өөрийнхөө 60 тэрбумчингууд,ЖИДҮҮ-чингүүдээ яаж ч чадахгүй хэвтэж бас авилгатай тэмцэнэ гэнэ үү…арай үгүй байлгүй дээ…

Avatar

Зочин 2019-09-17 103.229.121.183

Өөртэйгээ тэмцэж харагдаач,

Avatar

Иргэн 2019-09-17 64.119.23.247

Авилга өгсөниыг нь шийтгэхээ өольчихвол авилга багасна

Avatar

zuv 2019-09-17 103.9.90.53

zuv sain ajilla

Avatar

Зочин 2019-09-17 103.26.195.95

өөрөө өөртэйгээ л тэмцэх хэрэг гарах нь дээ

Avatar

Зочин 2019-09-17 188.63.166.135

Bitgiii shaaa Hadgalamj banknii hulgaichaaa

NewsMN Гар утасны хувилбар Татах
NEWS.mn

Мэдээллийн эх сурвалж