Д.Сүхбаатарын талбайд өчигдар эхэлсэн уламжлалт, Үндэсний номын баяр энэ ням гарагт буюу өнөөдөр ч үргэлжилнэ. 26 дахь удаагаа тэмдэглэж буй энэ удаагийн номын баярт 120 гаруй байгууллага бүртгүүлэн оролцож байна.

Номын баярт жил бүр оролцдог орчуулагч, сэтгүүлч Ж.Нэргүйтэй уулзвал, “Миний хувьд жилдээ хоёр удаа болдог номынхоо баярт уншигчдадаа 1-2 шинэ номтой ирэхийг боддог. Энэ удаа “1820-1821 оны Монгол орон” гэсэн Оросын нийтлэлч, дипломатч Егорь Тимковскийн бичсэн номыг гаргаад байна. Энэ баяраар зохиолч, уншигчдын халуун сайхан уулзалт болдог” гэж байлаа.