Хятадад гахайн махны хомсдол үүсэж, зарим хотууд хөлдөөж хадгалсан гахайн махаа идэж эхэлжээ. Махны үнийн өсөлтийг бууруулахын тулд 130 сая хүнтэй дөрвөн хот хөлдөөсөн гахайн махаа ашиглаж эхэлсэн байна.

Өнгөрсөн жилийн хувьд 100 сая гахай мялзан өвчнөөр өвчилсөн, мөн фермерүүд нөөцөө нэмэгдүүлэхгүй байгаагаас болж гахайн махны эрэлт ихэсчээ. Гахайн махны нөөц бага байгаагийн улмаас энэ жил үнэ нь 50 хувиар нэмэгдсэн байна.

Хятад улс 1970-аад оноос эхлэн гахайн мах нөөцөлжээ. Тэд яг хэдэн тонн гахайн мах хадгалдгаа мэдэгддэггүй аж. Тус улсын Аюулгүй байдлын шинжээч Чэн Вэн хэлэхдээ нөөцийн хэмжээ хэдэн 100 тонноор хэмжигдэнэ гэжээ.

Албаны хүмүүс 3,2 тэрбум юаньтай тэнцэх мөнгөн тусламжийг гахайн махны одоогийн үнийг дийлэхгүй байгаа, бага цалинтай гэр бүлүүдэд хүргүүлжээ. Гахайн мялзан өвчний улмаас Хятадад Филиппинээс оруулж ирдэг гахайн махны импортыг өнгөрсөн Лхагва гаригаас зогсоосон байна. Өнгөрсөн сард Словакаас оруулж ирдэг импортын гахайн махыг мөн адил шалтгаанаар зогсоожээ.

Б.ПҮРЭВЗОЛ
Эх сурвалж: CNN