Украйны үзэсгэлэнт бүсгүй Дарья Белодед энэ долоо хоногт Испанид амарч байна. 18 настай жүдоч бүсгүй өнгөрөгч наймдугаар сард Японы  Токио хотод болсон ДАШТ-д түрүүлж, дэлхийн хошой аварга болсон. “Токио 2020” олимпийн наадмын өмнөх том сорилго болсон ДАШТ-д өөрийгөө дахин харуулж чадсан Дарья энэ жилийн амралтаа ийнхүү авчээ. Тэрбээр Испанид амарч байгаа зургаа инстаграм хуудсандаа оруулж, шүтэн бишрэгчдэдээ бэлэг барьсан байна. Мэдээж түүний энэхүү зурганд фэнүүд нь харамгүй лайк дарж, өнөөдрийн байдлаар 36 мянгад хүрч талархлын сэтгэгдлийг харамгүй бичсээр байна.

Жүдогийн татамид шилдэг тоглолтуудыг үзүүлж, 18 насандаа дэлхийн хошой аварга болсон Дарья Белодед 48 кг-ын жинд барилддаг. Тэрбээр Токиогийн ДАШТ-д хагас шигшээд Гавьяат тамирчин М.Уранцэцэгийг, финалын барилдаанд Японы Фүна Тонакиг ялж алтан медаль хүртсэн юм.

Ч.ШАРХҮҮ