Жил бүр зохион байгуулагддаг Үндэсний номын баяр энэ сарын 14-15-ны өдрүүдэд Д.Сүхбаатарын талбайд 09:00 цагт зохион байгуулагдах юм байна. Уг арга хэмжээнд зохиолчид болон аж ахуй нэгжүүд оролцож, өөрсдийн зохиол бүтээлийг уншигчиддаа хямдралтай үнээр хүргэх гэнэ.

Энэ удаа Үндэсний номын баярт нийт 120 орчим оролцогчид бүртгүүлжээ. Тухайлбал, Г.Мөнгөний “Хадгаламж өлсөхөөс эхэлнэ”, “Лантуун дохио” ТББ-ын тэргүүн Ч.Ганжавхлан “Ид шидтэй ах, эгч хэрхэн болох вэ”, Амай буюу Ж.Золбаярын “Монгол бадарчин” төслийн үлдсэн гурван боть зэрэг бүтээлүүд тавигдах юм байна. Номын баярын өдөр автомашингүй өдөр тохиож байгаа юм.