Ардчилсан нам болон Ардын намын найман сарын хамтын ажиллагаа МАН-ын зургаан сайдыг засгаас явуулснаар дуусгавар болж байна.  Ардчилсан нам болон Ардын нам мөн хоёр Э-гийн хослон тоглолт хол явахгүй гэдгийг  Н.Алтанхуяг сайн мэдэж байсан бололтой. Тэрбээр  гурван сарын өмнө Төрийн байгуулалтын байнгын хороон дээр хэлсэн “Гүйх нохой гүйхгүй нохойд саад гэгчээр, эртхэн зайгаа тавьж өгсөн нь дээр” гэдгийг хатуухан сануулсныг зарим хүмүүс Н.Алтанхуяг “ванга” байжээ хэмээн  хошигнож байгаа бололтой. Жил хүрэхгүй хугацаанд зам, замаа хөөж байгаа хоёр уг нь аль эрт асуудлаа шийдчихсэн бол газар, тариалан ургац хураалт гээд улс орны чухал үед хэрэлдээд, хэлэлцээд суухгүй байсан шүү дээ.

 Б.БОЛД