Азтай хүмүүс ухаалаг төрдөг гэдэг. Гэхдээ дандаа тийм байна гэж үгүй. Ухаантай байх нь өвлөгдсөн, бас "олдмол" байж болно. Мэргэжилтнүүдийн хэлснээр, хүрээлэн буй орчин таны тархины чадвар, аливааг бодоход нөлөөлдөг. Юутай ч ухаалаг хүмүүсийн дунд нийтлэг байдаг зан байдал бий. Үүнд:

1. Өөрийн л ажлыг хийдэг

Бусдыг шүүмжлэх, бусдын талаар ярих нь ухаалаг хүмүүсийн хийдэг зүйл биш. Саяхны судалгаагаар ухаалаг хүмүүс ганцаараа байхдаа хамгийн аз жаргалтай байдгийг тогтоожээ. Тэд зожигдоо биш, зүгээр л юманд сатаарахгүй байх нь тэдний бүтээмжийг өндөр болгодог байна.

2. Хошин шогийн мэдрэмжтэй

Эргэн тойронд байгаа хүмүүсээ инээлгэдэг, жижиг зүйлийг ч хөгжилтэй болгож чаддаг хүн ухаантай байх нь гарцаагүй. Хүн инээлгэнэ гэдэг хүнээс бүтээлч сэтгэлгээ шаарддаг.

3. Өөртэйгөө ярьдаг

Дэлхийн хамгийн гоц ухаантай хүн Альберт Эйнштейн ч өөртэйгөө ярьдаг байсан гэдгийг мэдэх үү? Өөртэйгөө ярих нь хүний тархийг хурцалж, бодлуудыг эмхэлдэг байна.

4. Хөгжим их сонсдог

Хүн болгон л хөгжим сонсдог. Гэхдээ хөгжим их сонсдог хүн ухаантай байдаг аж. Үг сонсохоос илүү хэмнэлд дуртай бол та ухаантан.

5. Их ажилладаггүй

Ухаантай хүмүүс их ажил хийдэггүй. Үнэндээ тэд залхуу байдаг. Ямар нэгэн ажлыг амар аргаар, гэхдээ өө сэвгүй хийх аргыг дандаа олдог.

6. Байнга хариулт хайдаг

Ухаантай тархи сониуч байдаг. Байнга мэдэхгүйгээ мэдэх гэж хичээдэг. Тэд бас ном их уншиж, тэмдэглэл хөтлөх дуртай байдаг.

7. Буруугаа хүлээдэг

Хүн болгон төгс биш. Ухаалаг хүмүүс алдаа гаргасан бол тэр дор нь ухаарч алдаанаасаа суралцдаг.

8. Шоколад иддэг

Та хэрвээ шоколад тогтмол иддэг бол ухаантай юм. Шоколад иддэг хүний тархи илүү ухаантай, хурц болдог байна.

9. Их ярьдаггүй

Тэд жижиг сажиг хов живэнд орооцолддоггүй. Мэргэжилтнүүдийн олж мэдсэнээр, тэд хов ярьснаас өөрт хэрэгтэй зүйлээ хийхийг илүүд үздэг ба өөрсдөд нь хэрэг болохгүй зүйл байвал ярихаа зогсоодог.

Б.ПҮРЭВЗОЛ
Эх сурвалж: brightside.me