Хонконгийн засаг захиргааны тэргүүн Кэрри Лам өчигдөр /2019.09.10/ хийсэн мэдэгдэлдээ “Хонконгийн дотоод хэрэгт өөр бусад улс орны Засгийн газар хөндлөнгөөс оролцох нь маш зохисгүй, байж боломгүй үйлдэл юм. Гадаадын парламентууд манай дотоод хэрэгт хууль тогтоомжоор дамжуулан оролцож буйг Хонконгийн засаг захиргаа эрс эсэргүүцэж, гүнээ харамсаж байна” гэж дурджээ.

Хонгконгийн тэмцэгчид өнгөрсөн долоо хоногт Хонконг дахь АНУ-ын Консулын газрын гадна олноороо жагсаж, АНУ-ын Ерөнхийлөгчөөс тусламж хүссэн юм. АНУ-ын төрийн далбааг барьж, төрийн дууллыг нь дуулсан жагсагчид “Ерөнхийлөгч Трамп, Хонгконгийг чөлөөлж өгөөч” гэсэн уриа лоозон барин жагссан билээ.

Эх сурвалж: CNN