Ослын үеийн удирдлагын системийг нэвтрүүлэх аргазүйд суралцана

Хуучирсан мэдээ: 2019.09.11-нд нийтлэгдсэн

Ослын үеийн удирдлагын системийг нэвтрүүлэх аргазүйд суралцана

Ослын үеийн удирдлагын системийг нэвтрүүлэх аргазүйд суралцана

Онцгой байдлын ерөнхий газраас АНУ-аас Монгол Улсад суугаа Элчин сайдын яам, Ази, Номхон далайн цэргийн командлалтай хамтран Дорноговь аймагт зохион байгуулж байгаа “Говийн чоно-2019” олон улсын сургалт, дадлага сургууль “Ослын үеийн удирдлагын систем” сургалтаар үргэлжилж байна.

Сургалтад ОБЕГ, Үндэсний аврах бригад, НОБГ болон Дорноговь аймгийн Засаг даргын тамгын газар, Онцгой байдлын газар, Мэргэжлийн хяналтын газар, Эрүүл мэндийн газар,  Авто тээврийн төв, Тагнуул, Газрын харилцаа барилга хот байгуулалтын газрын удирдах албан тушаалтнууд болон сумдын Засаг дарга нар оролцож байна.

АНУ болон Ази номхон далайн зарим улс оронд түгээмэл ашиглагдаж байгаа ослын үеийн удирдлагын системийг Монгол орны онцлогт нийцүүлэх, гамшиг, ослын хор уршгийг арилгах үйл ажиллагааны үед  холбогдох төрийн болон төрийн бус байгууллагууд, гамшгаас хамгаалах улсын албад, олон улсын байгууллагуудын хоорондын уялдаа холбоог хангах чиглэлээр энэ удаагийн сургалтыг зохион байгуулж байгаагаараа онцлог юм.

Энэ сарын 13-ныг хүртэл үргэлжлэх тус сургалтаар ослын үеийн удирдлагын системийн онцлог зарчмууд, салбар хоорондын зохицуулалт, харилцан ажиллагаа сэдвийн хүрээнд онолын болон танхимын дадлагууд зохион байгуулагдана гэж Онцгой байдлын ерөнхий газраас мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж