Хугацаа нь дууссан дуулиант хэргүүд | News.MN

Хугацаа нь дууссан дуулиант хэргүүд

Хугацаа нь дууссан дуулиант хэргүүд

Хугацаа нь дууссан дуулиант хэргүүд

Хоёр жилийн өмнө буюу 2017 онд Мэргэжлийн хяналтын Ерөнхий газрын Экспорт, импортын хилийн хорио цээрийн хяналтын газрын дарга Э.Аззаяа, Хэлтсийн дарга Н.Баярсайхан нарын байцаагчид улсын хилээр түргэн муудах хүнсний зүйл оруулж ирдэг иргэд, аж ахуйн нэгжүүдийг дарамталж, 700 гаруй сая төгрөгийн авлига авсан гэх хэрэг гарч байлаа.

Энэ бол нотлох баримт хангалттай, үйлдэл дээрээ баригдсан авлигын том хэрэг байлаа. Гэтэл хэргийг мөрдөн байцаалтын шатанд шалгаж байна, яллах дүгнэлттэйгээр прокурорт шилжүүллээ, нэ­мэлт мөрдөн байцаалтад буцаалаа гэх мэтээр хугацаа хожиж явсаар, анхны шатны шүүхэд очсон ч хэргийг хөөн хэлэлцэх хугацаа дууссан гэх үндэслэлээр хэрэгсэхгүй болгох шийдвэр гарч байсан. Сануулахад, Улсын Дээд шүүхээс 2016-2018 онд хөөн хэлэлцэх хугацаа дууссан үндэслэлээр хэрэгсэхгүй болгосон гэмт хэргийн талаар судалгаа хийжээ.Тухайлбал, анхан шатны шүүхүүд эрх мэдэл, албан тушаалын байдлаа урвуулан ашиглах, хахууль авах өгөх гэмт хэргүүдийг хэлэлцээд дээрх үндэслэлээр 29 хүнийг цагаатгасан аж.

Үүнээс 10 хүнийг гэмт хэргийн бүрэлдэхүүнгүй үндэслэлээр, найман хүнийг өршөөл үзүүлэх тухай хуулиар, нэг хүнийг нэмэлт нотлох баримтыг цуглуулах ажиллагааг хийсэн боловч гэмт хэрэг үйлдсэн нь нотлогдоогүй гэсэн үндэслэлээр хэргийг хэрэгсэхгүй болгож, эрүүгийн хариуцлагаас чөлөөлсөн байдаг.

"ЖАСТ"-ЫН Ш.БАТХҮҮГИЙН ХЭРЭГ ШҮҮХЭД ШИЛЖИВ

"Эрдэнэт" үйлдвэрийн 51 хувийг гаднын банкны барьцаанд тавьж, их хэмжээний зээл авсан хэргээр "Жаст"-ын Ш.Батхүүг яллагдагчаар татан шалгаж байгаа билээ. Түүнчлэн "Жаст"-ын Ш.Батхүүгийн "Стандарт" банкнаас 2009-2012 оны хооронд авсан нийт 160.1 сая ам.долларын зээлд "Эрдэнэт" үйлдвэрийг баталгаа гаргасан гэж үздэг.
Тухайлбал, “Жаст групп” ХХК-ийн захирал Ш.Батхүү нарт холбогдох хэргийн мөрдөн шалгах ажиллагааг дуусгаж 2019 оны нэгдүгээр сарын 7-ны өдөр шүүхэд шилжүүлэх саналтайгаар НПГ-т шилжүүлсэн. НПГ-аас 2019 оны нэгдүгээр сарын 14-ний өдөр Хан-Уул дүүргийн эрүүгийн хэргийн анхан шатны шүүхэд шилжүүлсэн. ХУД-ийн эрүүгийн хэргийн анхан шатны шүүх 2019 оны гуравдугаар сарын 5-ны өдөр хэргийг нэмэлт мөрдөн байцаалтад буцаасныг НПГ-аас эс зөвшөөрч эсэргүүцэл бичсэнийг Нийслэлийн эрүүгийн хэргийн давж заалдах шатны шүүх 2019 оны тавдугаар сарын 30-ны өдөр хэлэлцээд эсэргүүцлийг хэрэгсэхгүй болгож, анхан шатны шүүхийн шийдвэрийг хэвээр үлдээсэн. Давж заалдах шатны шүүхийн магадлалыг албажуулан 2019 оны зургаадугаар сарын 18-ны өдөр НПГ-т ирүүлсэн. Ш.Батхүү нь 2019 оны долдугаар сарын 10-ны өдөр Дээд шүүхэд хяналтын журмаар гомдол гаргасныг хүлээн аваад 2019 оны наймдугаар сарын 17-ны өдөр шүүхэд хүргүүлсэн байна.

Б.ГАРАМГАЙБААТАРТ ХОЛБОГДОХ ХЭРГИЙГ ХЭРЭГСЭХГҮЙ БОЛГОЖЭЭ

УИХ-ын гишүүн асан Б.Гарамгайбаатарт холбогдох эрүүгийн хэргийг 2018 оны есдүгээр сард шүүхэд шилжүүлэх саналтайгаар шилжүүлсэн ч хөөн хэлэлцэх хугацаа дууссан үндэслэлээр хэрэгсэхгүй болгожээ. Эрүүгийн зарим хэргүүд ч энэ мэтээр хэрэгсэхгүй болох магадлалтай талаар АТГ-аас мэдээллээ.
Н.Батбаярын хувьд АН эрх барих үед Эдийн засгийн хөгжлийн сайдаар ажиллаж, “Чингис”, "Самурай” бондын мөнгийг захиран зарцуулахдаа албан тушаалын байдлаа урвуулан ашигласан гэх хэрэгт буруутгагдан шалгагдсан юм. Харин Б.Гарамгайбаатарын хувьд бондын мөнгөнөөс их хэмжээний зээл авч өөрийн компани руугаа оруулсан, зээлээ эргэн төлөөгүй гэсэн хэрэгт холбогдсон юм.

Р.ОНОНД ХОЛБОГДОХ ХЭРГИЙН ХӨӨН ХЭЛЭЛЦЭХ ХУГАЦАА ДУУСЧЭЭ

Зам тээврийн яамны газрын дарга Р.Ононд холбогдох хэрэг Эрүүгийн хуульд заасан хөөн хэлэлцэх хугацаа дууссан үндэслэлээр хэрэгсэхгүй болжээ. Гэхдээ прокурорын байгууллагатай хамтран Авлигын эсрэг хуулийг үндэслэн шүүхэд хүсэлт гаргасаны үр дүнд Р.Ононгийн үндэслэлгүйгээр хөрөнгөжин эзэмшиж байсан 644 сая төгрөгийн үнэлгээтэй орон сууцыг улсын орлого болгох шийдвэрийг шүүхээс гаргасан байна.

Тодруулбал, Зам тээврийн хөгжлийн яамны Авто замын бодлогын хэрэгжилтийг зохицуулах газрын даргаар ажиллаж байсан Р.Ононг нийтийн алба хаших үедээ хууль ёсны орлогоос гадна онц их хэмжээний эд хөрөнгө, орлого олж, хууль бусаар хөрөнгөжсөн гэмт хэрэгт холбогдуулан мөрдөн байцаалтын ажиллагаа явуулж байсан билээ.

Ингэхдээ одоогоос гурван жилийн өмнө АТГ-аас Р.Ононыг Эрүүгийн хуулийн 270 дугаар зүйлийн 270.2-т зааснаар яллагдагчаар татсан байдаг. Энэхүү хуулийн заалт нь нийтийн албан тушаалтан хууль ёсны орлогоосоо гадна онц их хэмжээгээр эд хөрөнгө, орлого олсон нь тогтоогдсон бол тодорхой албан тушаал эрхлэх, үйл ажиллагаа явуулах эрхийг таваас дээш арван жил хүртэл хугацаагаар хасаж, хөдөлмөрийн хөлсний доод хэмжээг хоёр зуун тавин нэгээс таван зуу дахин нэмэгдүүлсэнтэй тэнцэх хэмжээний төгрөгөөр торгох, эсхүл гурваас дээш найман жил хүртэл хугацаагаар хорих ял шийтгэнэ гэж заажээ.

Э.АРИУН

"Болор дуран"-аар шалгав.
Энэ мэдээнд өгөх таны сэтгэгдэл?
8
ТэнэглэлТэнэглэл
2
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ядуусаа бидэнтэй битгий барьц 2019-09-11 66.181.184.61

Ингэж хэргээс мултардаг юм. Гэтэл ядуус та бүхэн хэдхэн төгрөг гулгуулах гэж байгаад хэдэн жил суудаг биз дээ. Бид бол хэдэн тэрбумаар нь хармаалсан ч ингээд л мултарч байгаа биз дээ. Үнэндээ хуулийг бидний эрх ашигт зохицуулж гаргадаг юм шүү дээ.

Avatar

Иргэн 2019-09-11 202.126.88.67

Элбэгдоржийн Асем яасан бэ

Avatar

Иргэн 2019-09-11 75.70.239.182

Хөөн хэлэлцэх хугацаа гэдэг хууль завшуулдаг зүйлийг хуулиас авч хаях хэрэгтэй. Хэрэг хуучрахгүй гэдэг байсан. Хариуцлагын үүрүүлээд явах газар нь явуулах хэрэгтэй.

Avatar

Зочин 2019-09-11 202.131.245.243

Элбэгхулхийн томилсон хонгилын тэрбумтан шүүгч нар ийм л ажил хийнэ дээ. Ингэж л баяждаг юм байна.

Avatar

Зочин 2019-09-11 103.9.89.18

Гэмт хэрэгтнүүдийг шүүхийнхэн хаацайлж ял завшуулаад байвал Ард түмэн өөрсдөө Чингис хааны их засаг хуулийг үндэслэн шийтгэхээс өөр замгүй л болж байна. даа

Avatar

Mongolin shyyh 2019-09-11 174.236.5.44

Hoorhii zailuul orovdoltei amitad sain shaasan baisan tegehdee orshooyo zasarah biz zailuul

Avatar

зочин 2019-09-11 192.82.64.190

Шүүх нь шүүж чдахгүй байвал ард түмэн нь шүүчихвэл яасан юм бэ?

Avatar

зочин 2019-09-11 64.119.17.57

Монголын хууль ч ёстой гууль юмаа.Айлын хотноос 20-30 аар нь мал туугаад төхөөрөөд худалдчихад эрүүгийн хэрэг биш гээд цөөн хэдэн төгрөгөөр торгоод өнгөрдөг,улсын хэдэн арван тербум төгрөг идчихээд ийш тийшээ салбаганаж гүйж байгаад хугацаа дуусахаар хөөн хэлэлцэх хугацаа дууссан гээд хүчингүй болгодог.Тэгсэн мөртөөаргагүйн эрхэнд 10000 төгрөг нууж аваад хүүхдээ хоололчихсон эмэгтэйг 5 жилээр ялалдаг ийм улс,ийм хууль гэж байдаг юмуу.Нөгөө их мэдэгч Нямдорж юу гэж айлдах болоо

Avatar

Сүрэн 2019-09-11 122.201.26.172

Энэ балиар хуулиа шинэчилээч санаачилсан хүмүүсийг нь ашиг сонирхолын хуулиар шийтгэ заваан юм. Хугацаагаа хүлээгээд суучихдаг амар зүгээр новшнуудаа нэг л өдөр биш болно шүү

Avatar

СЭРЭМЖИЛ 2019-09-11 182.160.37.34

гарамгайбаатар фортуна нар шүүгчдэд ривер гарденд тэрбумын байр өгөөд л дуусаа. одоо батүүл чулуудай сайханбалаг нар бас ингээд л үлгэр жаргалаа. тарвагадоржийн шүүгчид монголыг алж дууслаа шүү.

Avatar

Зочин 2019-09-11 103.229.121.188

Ерөнхийлөгчийн засаглал нь л дээр юм байна даа

Avatar

Зочин 2019-09-11 202.131.225.197

БИТГИЙ х**. ЖОНХУУ ЛАВ БИШ ШҮҮ

NewsMN Гар утасны хувилбар Татах
NEWS.mn

Мэдээллийн эх сурвалж