Увс аймгийн Эрүүл мэндийн байгууллагад БНСУ-аас дөрвөн ширхэг яаралтай түргэн тусламжийн иж бүрэн тоноглосон машин хүлээлгэн өгчээ. Өнгөрсөн хавар тус аймгийн Засаг дарга Д.Батсайхан БНСУ-ын Пусан хотод айлчлах  үеэр “Сайхан хүмүүс” олон нийтийн байгууллагаас автомашин, шаардлагатай эмнэлгийн орчин үеийн тоног төхөөрөмжийг үе шаттайгаар нийлүүлэхээр шийдвэрлэсэн.

Энэ дагуу эхний ээлжийн дөрвөн машиныг аймгийн Нэгдсэн эмнэлэг болон Өндөрхангай, Зүүнхангай, Завхан сумдад ийнхүү хүлээлгэн өгсөн байна. Ингэснээр алслагдсан сумын ард иргэдэд эмнэлгийн тусламж үйлчилгээг цаг алдалгүй, түргэн шуурхай хүргэх юм.