"Үхэл ч салгаж чадаагүй хайр" | News.MN

"Үхэл ч салгаж чадаагүй хайр"

Хуучирсан мэдээ: 2019.09.10-нд нийтлэгдсэн

"Үхэл ч салгаж чадаагүй хайр"

"Үхэл ч салгаж чадаагүй хайр"

 Хэлж ирдэггүй хийсч ирдэг  өвчин зовлон залуухан хосын гэрэл гэгээтэй амьдралд дайрч, сүүдэр татуулсан юм. Гэхдээ үхэл ч тэдний хайрыг салгаж чадаагүй билээ. Магадгүй үрийн заяа түшсэнийх биз ээ. Б.Батзориг эхнэр гурван хүүхдийн хамт амьдардаг. Түүний гэргийг А.Мөнхзаяа гэдэг. Дорнод аймгийн уугуул тэд эгэл жирийн залуу хосын л төлөөлөл. Бусдын л адил орон сууцны зээлд хамрагдаж, амьжиргаагаа залгуулж яваа энэ гэр бүл элэг бүтэн амьдралыг мөрөөддөг. Үүний төлөө ч бас өдий олон саад, бэрхшээлийг туулж хагацлын өмнө нэг бус удаа толгой гудайж үзсэн ч итгэл найдвараа огт алдаагүй байна.


Бид энэ удаа монголын мянга мянган залуу хос, гэр бүлийн төлөөлөл болсон Б.Батзоригийнд зочиллоо.  Тэрбээр мужаан мэргэжилтэй, хувиараа бизнес эрхлэгч, өрх гэрийн тэргүүн, гурван хүүхдийн аав билээ.  Үүдээр нь ороход л бяцхан хүүхдүүдийнх нь цангинасан инээд өөр хоорондоо хөөцөлдөж тоглох нь энэ айлын аз жаргалтай уур амьсгалыг илтгэнэ. Багачуулын нүдэнд оч гялалзаж, ээжээсээ алхам ч холдохгүй эрхлэх нь энэ гэр бүлийн аз жаргал оршиж буйн шалтгаан юм.  Ууган хүү Төрболд нь энэ жил нэгдүгээр ангид элсэн орсон бол дунд охин Анударь, бага хүү Улсболд нар цэцэрлэгийн насных  аж.

Айл гэрийн хос багана болсон Б.Батзориг, А.Мөнхзаяа нар туурга тусгаарлаад долоон жил болж буй. Тэд 2012 онд айлын хашаанд анхны цалингаараа гэрээ  худалдан авч амьдралаа холбосон түүхтэй. Ирэх жилээс нь хашаа байшинтай, үр хүүхдүүдтэй болж бусдын адил сэтгэл тэнэгэр амьдарч байсан ч нэг л өдөр  Б.Батзоригийн эхнэр хүнд өвджээ.  Одоогоос хоёр жилийн өмнө буюу 2017 оны намар бөөр нуруу нь өвдөж эхэлснээр бие нь өдрөөс өдөрт дордож эхэлсэн аж.  Тэдний хувьд уулзаж үзээгүй эмч, татаж үзээгүй эмнэлгийн хаалга гэж үгүй болсон гэхэд хилсдэхгүй. Уулзсан эмч бүр өөр өөрийн арга барил, тогтоосон онош, өвчний зовиурт тулгуурлан эмчилгээ хийсэн ч онош нь тодрохгүй, бүхий л эмчилгээ нэмэр болохоос илүү нэрмээс болох их байжээ.

 Учир нь А.Мөнхзаяагийн бие улам муудаж, нэг бус удаа сэхээн амьдруулах тасагт хэвтэж байсан юм. Түүнийг эмч нар “найдваргүй, эцсийн эмчилгээг хийж, бүхий л хийх ёстой арга хэмжээгээ авсан”  хэмээж  ах дүү, гэр бүлтэй нь салах ёс хийлгэхийг нөхөрт нь дамжуулсан байна. Харин эмч нарын хэлсэн эл үгэнд Б.Батзориг итгэхийг хүссэнгүй, эхнэрээ хөл дээрээ босно гэдэгт итгэж байжээ.

Эмнэлгийн орон дээр эхнэрийнх нь бие халуу шататлаа халуурч үг хэлж чадахгүй болсон тэр үед  эмнэлгээс хүүхдүүдтэй нь салах ёс хийлгэсэн үе бол 2018 он. Гэхдээ энэ уулзалт эцсийнх биш эргээд эх үрс уулзаж инээд хөөрөөр бялхах өнөөдрийн ерөөлт өдрийг бэлгэдсэн гэж хэн ч таамаглахгүй бизээ. Хүүхдүүдтэй нь салах ёс хийлгэсэн тэр өдрийн шөнө Б.Батзориг эхнэртээ “Хайрт минь энэ шөнө л тэсчих. Тэгээд удахгүй эдгэнэ, чи минь хөл дээрээ босно” гэж хэлжээ.  Харин маргааш өглөөний  мандах нарнаар гайхамшиг тохиож А.Мөнхзаяа амьдралд эргэн иржээ. Энэ талаар Б.Батзориг ийнхүү ярьсан юм.

                           БИДНИЙГ ХҮҮХДҮҮДИЙН МИНЬ ЗАЯА ТҮШСЭН БАЙХ

Б.Батзориг "Хань минь +60 хэм хүртэл халуурч, шүд нь зуураастай амнаас нь хөөс сахарч байсан. Бие дээгүүр ус шиг зүйл туурч, нэг л зүйл хэлэх гээд л хэлж чадахгүй байхыг харахад сэтгэл минь өмөрч, дотор минь харанхуйлж байлаа. Хоол идэж чадахгүй, сүвээрээ уургийн тэжээл авч байсан юм.

Хүүхдүүдтэйгээ салах ёс хийж байсан тэр мөч бидний амьдралын маш хүнд үе, хар бараан дурсамж.  Хэн ч хайртай хүнээ нүдэн дээрээ алдахыг, явуулахыг хүсэхгүй.  Ханийгаа шөнө нь сахиж байхдаа “Хайрт минь энэ шөнө л тэсчих. Тэгээд удахгүй эдгэнэ, чи минь хөл дээрээ босно “ гэж хэлсэн. Тэр үед бурхан биднийг дээрээс харсан уу, хүүхдүүдийн минь заяа түшсэн үү миний хань тэр шөнийг тэсч хоноод маргааш өдрөөс алгуурхнаар бие нь сайжирч эхэлсэн дээ.

Эмч нар бидэнд “залуу хүн тулдаа л тэсч, амьд үлдлээ, хурдан гадагшаа явж эмчлүүл” гэж зөвлөсөн юм. Эхнэрийгээ ухаан орсон маргааш өдрөөс нь эхлээд л өөрт байгаа бүхий л зүйлээ зарж мөнгө болгоод гадагшаа эмчилгээ хийлгэхээр эрс шийдсэн юм. Зуслангийн хашаа, багаж тоног төхөөрөмж зэргээ зарж найм гаруй сая төгрөгтэй болоод арга ядахдаа фэйсбүүкийн нүүр номоороо дамжуулан эхнэрт минь туслахыг хүсч хандив гуйсан. Гэтэл маш олон хүмүүст миний пост хүрч, олны сайхан сэтгэлийн дэм буянаар 30 орчим сая төгрөг цугларсан.  Ингээд л Бээжин рүү нисч, Найрамдал эмнэлэгт эмчлүүлэхээр болсон. Тэнд онош нь тодроогүй ч эхнэр минь хөл дээрээ босч, алхдаг болсон. Тэндэхийн эмч нар бөөрний судал хүчилд хордсон гэж эцсийн онош хэлсэн. Хэдийгээр хамгийн сайн орчуулагч олсон ч эмчтэйгээ ойлголцох гэж хоёр хоносон. Эмч бидэнд онош тодруулахын тулд маш их цаг хугацаа, эм тариа, хөрөнгө зарцуулах шаардлагатай учраас Монголд очиж бөөрөө эмчлүүлэхийг зөвлөсөн. Бид бээжинд очихдоо элэг нь буруу эм тарианаас болж хатсан, артерын судасны бөглөрөлтэй, ходоод суналттай, их хордлоготой байсан. Тэнд 20 гаруй хоног эмчлүүлэхэд эхнэр маань нүдэн дээр сайжирч, алхдаг болж бид хоёр Монголдоо ирсэн. Одоо бол эхнэрээ хөл дээр нь босгосон болохоор одоогийн өвчин зовлон хүнд санагдахгүй байна, удахгүй эдгэнэ” гэлээ.

Хосууд эмчилгээний зардалд ойролцоогоор 100 орчим сая төгрөг зарцуулжээ.  Өдгөө 29 настай Б.Батзориг өнгөрсөн хугацаанд эхнэрээ эмнэлэгт үзүүлэхээр авч явахдаа үргэлж үүрч, заримдаа түшиж явдаг байсан юм. Харин Бээжинд очиж эмчлүүлснээр эхнэр нь хөл дээрээ босч алхдаг болжээ.

Одоо 24 настай А.Мөнхзаяа өөрөө алхдаг болсон ч бие нь бүрэн тэнхрээгүй байгаа юм. Гэхдээ тэр удахгүй эдгэнэ гэсэн итгэл, тэвчээрээр гол гогдом өвдөлт, хүнд өвчнөө даван туулж одоо өдрийн эмчилгээндээ явж буй. Түүний хувьд бяцхан үрсийнхээ өсөж торнихыг, тэднийхээ шулганахыг сонсч буй нь л ямар ч эм тарианаас илүү эмчилгээ болдог аж.

"ЭХ ХҮНД ҮХЭХ ЭРХ БАЙХГҮЙ"

Залуу ээж А.Мөнхзаяагийн сэтгэгдлийг сонссон юм.

-Хүүхдүүд маань ээжээ зүгээр үү гэж үргэлж надаас асууна. Ээжээ та маргааш эмнэлэг орох уу, та зүгээр болсон уу гэнэ. Эмнэлэг явна гэхээр л хамт явна гэнэ.  Хүн гэртээ байхдаа илүү их аз жаргалтай. Хүүхдүүдийнхээ шулганахыг сонсч бужигналдаж хамт байх шиг аз жаргал гэж хаана байх билээ. Анх өвдөж эхлэхдээ өөрийгөө хэвтэрт ортлоо хүнд өвдөнө гэж төсөөлөө ч үгүй. Жирэмсэн байхад хөл гарны шөрмөс татаж, булчин сулардаг л байсан.  Тухайн үед л кали дутагдаж эхэлснийг дараа нь мэдсэн. Хяналтад байхад кали уу гэж эмч нар маань ч зөвлөж хэлж байгаагүй болохоор анзаараагүй юм. Отгон хүүгээ төрүүлснийхээ дараа удалгүй бие өвдөж эхэлсэн. Хүү маань дөрвөн кг 300 гр жинтэй төрсөн.  Эмч нар төрөлтөөс болж бас өвдсөн байх магадлалтай гэдгийг хэлсэн. Эмч нарын оноштой санал нийлэх үе,  санал нийлэхгүй ч үе байлаа. Уушгины артерын судас бөглөөтэй гэж оношлоход нь би итгээгүй. Энэ өвчин бол амь насаа ч алдах аюултай юм билээ. Гэхдээ зургаар нь харагдсан.

Одоо эдгэнэ гэдэгтээ өөртөө итгэлтэй байна. Тэр хүнд үеүүдийг давж гарсан болохоор одоогийн зовиур, өвчин шаналалыг ч бас давж чадна. Хөл дээрээ босно гэдэгтээ өөртөө итгэлтэй байна.  Эмнэлэгт байхдаа гэр лүүгээ л их яарна. Манай өрөөнийхөн гэртээ яархаас илүү биеэ л бод гэж зөвлөнө. Ийм жаахнаасаа өвдөөд гэж уулга алдана. Залуу хүн гэхээр л өвдөх эрхгүй гэсэн  үг биш.

Өвчин хэлж ирдэггүй хийсч ирдэг болохоор залуу хөгшин ялгарахгүй. Хүмүүс манай хүнийг хараад их магтана. “Хүн чанар муудсан ийм цаг үед чам шиг нөхөртэй хүн ховор шүү. Өвдөж зовсон хүнд хэцүү цагт хамт байх эрэгтэй хүн их ховор болсон. Чи их сайн хүнтэй сууж, сайн хань заяажээ” гэж хэлнэ. Энэ бүхэнд ч би их баярлана. Би нөхрийнхөө үнэнч зан чанар, сайхан сэтгэлд нь дурлаж татагдсан. Миний хань яриа хөөрөө сайтай, их цайлган сэтгэлтэй хүн” гэнэ. Үргэлж дэргэд минь байдаг ханиараа л их бахархдаг. Ер нь эмнэлэгт хэвтэх их хэцүү. Дуу чимээтэй, нөхөр хүүхдүүдээ их үгүйлнэ.

Гэртээ хүүхдүүдээ харж баясах нь надад эм тарианаас ч илүү эмчилгээ болдог. Одоо эм тарианаас ч хаширч айж байна. Гэхдээ эх хүн чинь үхэх эрхгүй. Одоо өдрийн эмчилгээнд явж байгаа болохоор эм уухгүй, калигаа хэрэглэж байгаа.

Өдрийн эмчилгээндээ явсны  дараа нэгдүгээр эмнэлэгт хэвтэнэ.  Өвдсөн үед сэтгэл санаа их хямарна, онош тодрохгүй бол сэтгэлээр унаах үе цөөнгүй.  Арга ядаад лам бөөгөөр явж үзсэн. Би итгэдэггүй. Олон хүн өөр өөр зүйл ярина. Бөөд үзүүлэхээр аавын талаас чинь онгод сахиустай болохоор удмаа дагаж сахиус ав гэнэ. Үүнд нь би итгээгүй. Одоо бол бие маань сайжирч өмнөхөөсөө илүү эрүүл болсон.  Өнгөрсөн хугацаанд хүнд өвчин, тэсвэрлэшгүй өвдөлт бүхнийг даван туулсан.

Өвдөж, тариа хийлгэж дусал залгуулж эмчилгээ хийлгэх бүрт юуны өмнө хүүхдүүд минь л нүдэнд харагдаж сэтгэлд бодогдох бүрт өөртөө “Хань ижил гурван хүүхдийнхээ төлөө би хөл дээрээ босч, эрүүл болно ” гэж амладаг байсан минь биелэлээ олж би хөл дээрээ бослоо, одоо элэг бүтэн аз жаргалтай байна. Эх хүн хүүхдийнхээ төлөө үхэх эрхгүй шүү дээ. Сайн хань алтан гартай эмч нарынхаа ачаар л би хөл дээрээ босч,  алхдаг болсон гэж боддог гэлээ.

А.Мөнхзаяад хүнд өвдсөн үеүүд нь түүний амьдралын хар бараан дурсамж юм. Гэхдээ ханийнхаа тухай ам нээх бүрийд л харц нь гэрэлтэж аз жаргалтай болох аж. Түүний хувьд одоогоор бөөр, нуруу нь өвддөг зовиуртай байгаа тул физик эмчилгээнд явж буй. Хосуудад оношоо тодруулах нь л хамгаас чухал юм. Тэрбээр, эмч нарын хэлсэн шинжилгээг өгөх бүрт хариу  нь эрүүл гэсэн оноштой атал бие нь өвддөг байжээ. Улмаар 2018 оны  цагаан сараар Дорнодод очсон хойно бие нь муудаж сэхээн амьдруулах тасаг руу шилжиж байж. Үүнээс 10 хоногийн дараа биеийн байдал нь дээрдмэгц нөхөртэйгээ Шастины нэрэмжит III эмнэлэгт очиж хэвтэн эмчлүүлсэн байна. Эмнэлгээс түүнийг уушгины артерын судасны бөглөрөлтэй, бүлэн хайлуулах эмчилгээ хийсэн ч үр дүнгүй болно хэмээн оношилж, эмчилгээг явуулжээ. Золоор эмчилгээ амжилттай болсон байна. Эмнэлгээс биеийн байдал нь дээрдмэгц дүүргийн эмнэлэг рүү шилжүүлсэн байна. Гэтэл дүүргийн эмнэлэгт хэвтэн эмчлүүлж байх хугацаанд бие нь муудаж сэхээн амьдруулах тасагт шилжиж эмч нар “найдваргүй” гэсэн онош хэлж байсан ч тэр амьдралд эргэн ирсэн нь энэ билээ.

Б.Батзоригийн хувьд зав чөлөө гэж үгүй. Тэрбээр өглөөнөөс үд хүртэл эхнэртэйгээ эмнэлгээр явж, эмчилгээг нь хийлгэсний дараа нь хувиараараа хөдөлмөр эрхэлнэ. Заримдаа гэртээ хонохгүй үе байх тул хоногт ихдээ л зургаан цаг унтаж амардаг байна. Энэ тухай тэрбээр “Эхнэрээ өвдсөн байхад нь ажил хийх хэцүү. Гэхдээ эхнэрийнхээ эмчилгээний зардал, байрны зээл, хүүхдүүдээ өлсгөхгүй энэ гэр бүлийг хоолтой байлгахын тулд ажил хийж мөнгө олохоос өөр аргаүй” хэмээж  байв. Гэхдээ хосууд амьдралд үргэлж боломж байдаг гэдэгт итгэдэг тул өнөөдрийн тэрхүү аз жаргалтай элэг бүтэн амьдралыг цогцлоосон ч байж болох юм.

ГЭРЭЛ ЗУРГИЙГ Г.БИЛГҮҮН

Энэ мэдээнд өгөх таны сэтгэгдэл?
173
ЗөвЗөв
22
ХөөрхөнХөөрхөн
8
ГайхмаарГайхмаар
8
ХарамсалтайХарамсалтай
8
БурууБуруу
3
ХахаХаха
3
ТэнэглэлТэнэглэл
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-09-10 66.181.160.66

Бидний сүүлийн үед тусаад байгаа өвчнүүд бид нараас өөрсдөөс болж бгаам шүү. Агаар, хөрс, хоол хүнс, ус эдлэж хэрэглэж бгаа эд зүйлс, амьдралын хэв маяг гээд бүгд асуудалтай учраас ингээд б. Энэ чигээрээ ганц хотод чихээд байвал бүгд өвчний үүр болоод дуусна шүү, хүмүүсээ!

Avatar

zzz 2019-09-10 203.91.115.45

Zaaval edgeneee,itgelee hezee ch bitgii aldaarai.Iim sain hani,saihan huuhduudteigee az jargaltai ,eruul enh udaan amidrahiin tuluu temtsene shuu!

Avatar

Зочин 2019-09-10 66.181.161.12

Evii evii Byrxan tysaljee eleg bvten bn gdg yugaar ch solij bolomgui gaixamshig

Avatar

sdfds 2019-09-10 99.241.37.76

bi bas 4 huuhedtei aav hun. Amdraliin tuluu hani ijil, ur huuhdee geed eces tugsgugui temcej yavdag iim humuusig hundetgeh setgel mash ih hudulj baina. Zuv yavbal zuulun zuulun zambuulin gej baidag sdhe. Sain baina, jinhene er hun baina, saihan ger bul baina. Burhan ta nariig iveej yavag. Ur huuhdiin cin zayaa tushnee.

Avatar

irgen 2019-09-10 66.181.179.47

odoo tdat iim hun chanarai ehner huuhed amidralaa hairladag zaluu hovorddon Ene zaluugiin husel muruudolalaar b** boloodoi.Hudulmurch huniig burhan hezee orhigui Sain saihniig husey

Avatar

зочин 2019-09-10 202.179.27.12

Аз жаргал эрүүл энхийг хүсье. Баруун 4 зам Зүүн 4 зам хоёрт байдаг Серажем гэдэг массажны оронд яваад үзээрэй. 14 хоног үнэгүй явж болдог юм билээ. Бөөрөнд их сайн юм байналээ шүү.

Avatar

Иргэн 2019-09-10 202.179.26.85

Хурдан эдгээрэй. Гэр бүлд нь эрүүл энх аз жаргал хамгийн сайн сайхан бүхнийг хүсэн ерөөе.

Avatar

зочин 2019-09-10 93.243.81.87

Энэ хүү, охины Facebook хаяг нь байна уу.

Avatar

Зочин 2019-09-10 45.117.32.6

batzorig bold

Avatar

B 2019-09-10 103.10.21.110

Эрүүл энхийг хүсье. Мундаг залуу байна.

Avatar

Зочин 2019-09-10 124.158.94.88

гайхамшиг тохиожээ. үг үнэхээр хүчтэй юм шүү, нөхрийн тэр үг л эхнэрийн сэтгэлийг засаж амьдрах эрч хүчийг өгсөн бна.

Avatar

ГАНБОЛД 2019-09-10 202.55.191.130

Аз жаргал, эрүүл энхийг ерөөе

Avatar

Зочин 2019-09-10 122.201.19.99

Би эмч хүн онош нь нэг л ойлгомжгүй монголд аль эмнэлэгт эмчлүүлж байсан юм бэ? Бээжин явах чадалтай байсан байна энэдээ эмчилж болох байсан юм биш үү?

Avatar

Зочин 2019-09-10 120.16.122.239

Сайн унш

Avatar

зочин 2019-09-10 66.181.190.155

Батзоригоо чамаар бахархаж байна. Жинхэнэ хань, аав, түшигтэй гэрийн эзэн.
Ийм залуугаас үлгэр аваасай. Гэтэл цоо эрүүл байж огт ажил хийхгүй, хийхийг ч хүсэхгүй,
архи ууж, амьдралаа дордуулж, үр хүүхдээ айлгаж, царай алдуулж яваа эрчүүд олон байна.
Танай гэр бүлд аз жаргал, Мөнхзаяад эрүүл энхийг хүсье.

Avatar

Зочин 2019-09-10 202.131.236.170

Хамгийн сайн сайханыг хүсье.

Avatar

Dulguunchuud uguuchee!!! 2019-09-10 103.26.195.118

Dulguunchuud 1.5 terbum tsugluulj avaad or tas alga bolloo doo. Iimerhuu humuust uguusei dee.

Avatar

Мөнх 2019-09-10 64.119.25.94

Оросын ОРТ суваг нэг сан байгуулсан байдаг юм. Энэ санг ОРОС САН ч билүү. Тэнд өвчтөй зовлонтой бүх хүмүүст зориулж хандив цуглуулдаг. Тэгээд хүмүүст өгдөг, авсан хүмүүс нь мөнгөө яаж зарцуулсанаа тайлан тавьж баримтаа өгдөг. Илүү гарсан мөнгөө буцааж өгдөг. Саяхан Оросын дуучин Жанна Фриске нас барсан , эцэг эх нь зарцуулаагүй үлдсэн 15 сая рублийг тэр санд буцааж өгсөн. Тэгэхээр тэр сан шиг маш хариуцлагатай багаар удирдуулсан нэг сан л Монголд хэрэгтэй байна даа.

Avatar

зочин 2019-09-10 64.119.20.204

ДӨЛГӨӨН нас барсан шүү дээ. Ясыг нь бүү өндөлзүүлээрэй.

Avatar

Harin tiim uchraas butsaaj uguh heregtei 2019-09-10 103.212.118.169

Harin nas baraad ter 1.5 terbumiig hereglej chadaagui uldsen uchraas iimerhuu uchin zovlondoo shanalj yavaa humuust uguh heregtei. Tegehgui etseg eh ni ter chigtee avaad tag alga bolj bolohgui. Tegvel harin humuusiin har tsagaan hel am ideed huugiinh ni yas ni undulzuj taivan noirsoj chadahgui.

Avatar

guy 2019-09-10 202.179.24.135

chaavaas daa jijighen ch yum daa Ooroo heden tsaas ogson yum bol doo Handiv ogson hymyys butsaaj nehej bulaigaa chirehgyi baihaa

Avatar

Chi Dulguunii etseg ehuu 2019-09-10 122.201.24.86

Chi yag Dulguunii etseg eh baih shig bn, ted nar ingej helsen humuusiig chi hediig ugsiin, chamd hamaagui ch geh shig heleed l nyatsaagaad, 1.5 terbumaa ter chigtee avaad zugtaah sanaatai. Mungu hel amtai nehel hatuutai baidgiim shuu!

2 1
Avatar

Зочин 2019-09-10 103.80.211.234

Зориглоод зүтгээд байгаарай 2 сайхан залуу хосууд минь, 3 үр нь амьдрал та 2-ын хайр, зүтгэл, тэвчээрийг шагнанаа.
Аз жаргал хүсье

Avatar

МОНГОЛ ХҮҮ 2019-09-10 103.206.194.6

Энэ сүүлийн үеийн сэтгүүлчдийн бичлэг уянгын халил нь хэтрээд 60хэм энэ тэр гээд бичээ биз дээ… Тэрнээс биш амьдралын төлөө зүтгэж яваа гэр бүлийнхэндээ сайн сайхан эрүүл энхийг ерөөе.

Avatar

bat 2019-09-10 192.82.65.182

lam,boo nart bitgii itgeerei,duu nar mini.sain saihnig husie.

Avatar

Зочин 2019-09-10 119.40.103.37

60 хэм хүртэл халуурна гэж байхуу сэтгүүлчээ, 60 хэмийг юугаар хэмждэг вэ

Avatar

Биеийн хэм 2019-09-10 64.119.25.94

Самая высокая температура тела – 46,5 градусов Цельсия, зафиксирована 30 лет назад в сша (1980г.)
Самая высокая и самая низкая температура тела • Наука
samogoo.net›samaya-vyisokaya-i-samaya-nizkaya-temperatura-tela.html

Avatar

Равдан 2019-09-10 202.9.42.187

Энэ мундаг залуус байна. Үрийн заяа нь түшиж хурдан эдгээсэй. Ийм л хүмүүст монголчуудын нөгөө цуглуулаад байдаг хандив тусламж хэрэгтэй дээ. Хэрвээ данс нээвэл жоохон ч гэсэн мөнгө өгөх юмсан. Ийм үед нөгөө муу хэлээд байдаг хэдэн бор юм л хэрэг болдог юм шүү дээ.

Avatar

зочин 2019-09-10 64.119.17.57

Ямар сайхан хүнлэг,хүн чанартай хань вэ.Та хоёртоо эрүүл энх аз жаргалтай байхыг хүсье.Сэтгэлийн тэвчээр,дээр нь үр хүүхдийн чинь ээжийгээ хайрласан хайр та хоёрыг минь аз жаргалтай болгоноо

Avatar

Зочин 2019-09-10 180.149.93.14

edgenee..itgel setgel biyeiig emvhilne

NewsMN Гар утасны хувилбар Татах
NEWS.mn

Мэдээллийн эх сурвалж