Японы мэргэжлийн сүмогийн намрын тэмцээн буюу Аки башё ням гариг /2019.09.08/-т эхэлсэн. Саяхан албан ёсоор Япон улсын иргэн болоод буй Хакүхо М.Даваажаргал намрын тэмцээний эхний өдрийн барилдааныг унаагаар эхлүүлсэн юм. Тэрбээр их аварга цол хүртсэнээсээ хойш анх удаа ийнхүү тэмцээний эхний өдөр өвдөг шороодож байна.

Хакухо өнөөдөр /2019.09.09/ Аки башёг өнжихөөр болсон тухай түүний дэвжээний багш Мияагино ояаката мэдэгджээ. Эхний өдрийн барилдааны үеэр тэрбээр баруун гарынхаа чигчий хурууг хугалсан учир башёг дуусгах боломжгүй болсон байна.

Эх сурвалж: KYODO NEWS