Испани болон Сербийн шигшээ багууд 1/4-д шалгарлаа | News.MN

Испани болон Сербийн шигшээ багууд 1/4-д шалгарлаа

Испани болон Сербийн шигшээ багууд 1/4-д шалгарлаа

Испани болон Сербийн шигшээ багууд 1/4-д шалгарлаа

Сагсан бөмбөгийн ДАШТ-ий 1/4-д өрсөлдөх багууд эхнээсээ тодорч байна. Өчигдөр (9 сарын 8) Сербийн шигшээ баг Испаний шигшээ багтай тоглон 81-69 харьцаатай хожигдож, энэ удаагийн ДАШТ-ий эхний ялагдлаа хүлээлээ. Маш сайн бүрэлдэхүүнтэй, маш сайн тоглолт үзүүлж байсан Сербийн шигшээ багийг Испаний шигшээ баг буулган авсан ч хоёр баг хоёулаа 1/4 шигшээ шатанд шалгараад байна.

Хоёр баг хоёулаа 2-р шатанд Итали, Пуэрто-Рикогийн багуудтай багтаж өрсөлдөгч нараа буулган аваад, хэсгээ тэргүүлэхийн төлөө хоорондоо тоглож, Испаний залуусын ялалтаар өндөрлөсөн юм. Итали, Пуэрто-Рикогийн шигшээ баг тэмцээнээ өндөрлүүлээд байгаа бол Испани, Сербийн шигшээ багууд хасагдах шатанд шалгарч байна.

Мөн адил тэмцээний 2-р шатны I хэсэгт багтсан Польш болон Аргентины шигшээ багуудын тоглолт Аргентины шигшээ багийн ялалтаар өндөрлөсөн ч хоёр баг хоёулаа 1/4 шигшээ шатанд шалгарлаа. 2-р шатанд Польш 79-74 харьцаагаар Оросыг, Аргентин 87-67 харьцаатай Венесуэлийг тус тус хожоод байсан бол хэсгээ тэргүүлэхийн төлөө тоглосон юм.

Өнөөдөр тэмцээний 2-р шатны K болон L хэсгийн сүүлийн тойргийн тоглолт болно. Чехийн эсрэг Грек тоглох бол АНУ-ын шигшээ баг Бразилтай тоглоно. Хэрвээ Грекийн шигшээ баг хасагдах шатанд шалгарахыг хүсвэл Чехийн багийг 15 онооноос дээш онооны зөрүүтэй хожих шаардлагатай. Тэгж чадахгүй бол Грекийн залуусын ДАШТ-ий аялал өндөрлөнө. Харин L хэсэгт Франц, Австралийн шигшээ багууд дараагийн шатанд шалгарах нь бараг тодорхой болсон юм.

Б.БЯМБАБАЯР

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ганаа 2019-09-09 122.201.25.58

Тэмцээний тойм тайлбарыг маш ойлгомжгүй бичдэг хүн бна.

Avatar

kiki 2019-09-09 103.9.90.130

tiim bna

NewsMN Гар утасны хувилбар Татах
NEWS.mn

Мэдээллийн эх сурвалж