З.Энхболд: ЖДҮ-чин гишүүддээ хариуцлага тооцож чаддаггүй арчаагүй парламент | News.MN

З.Энхболд: ЖДҮ-чин гишүүддээ хариуцлага тооцож чаддаггүй арчаагүй парламент

З.Энхболд: ЖДҮ-чин гишүүддээ хариуцлага тооцож чаддаггүй арчаагүй парламент

З.Энхболд: ЖДҮ-чин гишүүддээ хариуцлага тооцож чаддаггүй арчаагүй парламент

Монгол Улсын Ерөнхийлөгч Х.Баттулга өнөөдөр /2019.09.09/ Үндсэн хуульд оруулах нэмэлт өөрчлөлтийн төсөлд хүргүүлсэн өөрийн санал, төслийг хэлэлцүүлгийн шатнаас бүрэн татан авч байгаагаа Монгол Улсын Их Хурлын дарга Г.Занданшатарт албан бичгээр мэдэгдлээ.

Албан бичигтээ “…Үндсэн хуулийн зарчмын дагуу засаглалын хэлбэрээ сонгох боломжийг ард түмэнд өгч, нэг мөр асууж шийдвэрлүүлэх ёстой…” талаар дурдаж, Ард нийтийн санал асуулга явуулах Улсын Их Хурлын тогтоолын төсөл боловсруулснаа хүргүүлсэн юм.

МОНГОЛ УЛСЫН ЕРӨНХИЙЛӨГЧ Х.БАТТУЛГЫН МОНГОЛ УЛСЫН ИХ ХУРЛЫН ДАРГА Г.ЗАНДАНШАТАРТ ХҮРГҮҮЛСЭН АЛБАН БИЧИГ: 

Монгол Улсын Их Хурал улс орны тусгаар тогтнол, бүрэн эрхт байдлын баталгаа, оршин тогтнохуйн эх үндэс болсон Үндсэн хуульд нэмэлт, өөрчлөлт оруулах асуудлыг хууль зүйн зөрчил, маргаантайгаар эхлүүлж, өнөө маргаашийн асуудалд хэт автсан, улс төрчдийн дахин сонгогдох явцуу ашиг сонирхлыг гүйцээн хангасан байдлаар хэлэлцэж, улс оронд бодитой оршиж буй хүндрэл бэрхшээлийг шийдвэрлэх бус, гучин жилийн хугацаанд тодорсон алдаа завхралыг үргэлжлүүлэх, ач холбогдол муутай хувилбарыг ард түмэнд тулгахаар шийдвэрлэлээ.

Миний бие Улсын Их Хурлын гишүүдийн өргөн барьсан төсөлд улс оронд үүссэн хүндрэл бэрхшээлийг шийдвэрлэх тодорхой ач холбогдол бүхий зохицуулалт тусгагдсан гэж үзэж, орхигдсон асуудлуудын хүрээнд өөрийн санал төслийг хүргүүлэн, хямрал, бэрхшээлийг нэг мөр хамтран шийдвэрлэхийн төлөө ажилласан боловч үр дүнд хүрсэнгүй.

Гүйцэтгэх эрх мэдлийн тогтвортой байдлыг хангах, Ерөнхий сайдад танхимаа бүрдүүлэх эрхийг олгох, Улсын Их Хурлын гишүүдэд сайдын ажил давхар эрхлэхийг хориглох, сонгуулийн тогтолцоог тодорхой тогтвортой болгох, тойргийн асуудалд автдаг далан зургаан гишүүний тоог нэмэгдүүлж ард түмний жинхэнэ элч төлөөлөгч байх боломжийг бүрдүүлэх, гишүүдийг улс орны нийтлэг эрх ашиг, хөгжлийн төлөө ажилладаг болгох зэрэг ач холбогдол бүхий, улс орны цаашдын амьдрал, хөгжилд жинтэй хувь нэмэр болох өөрчлөлтүүд бүгд хасагдлаа.

Иймд миний бие Үндсэн хуульд оруулах нэмэлт өөрчлөлтийн төсөлд хүргүүлсэн өөрийн санал, төслийг хэлэлцүүлгийн шатнаас бүрэн татан авч байгаагаа үүгээр мэдэгдэж байна.

Улсын Их Хурал Ардчилсан намын санал, шахалтаар Үндсэн хуульд оруулах нэмэлт, өөрчлөлтөө ард нийтийн санал асуулгаар шийдвэрлэх болсныг зөв гэж үзэж байна. Гэхдээ ач холбогдол муутай төсөл тулгах бус засгийн бүх эрх ард түмний мэдэлд байх Үндсэн хуулийн зарчмын дагуу засаглалын хэлбэрээ сонгох боломжийг ард түмэнд өгч, нэг мөр асууж шийдвэрлүүлэх ёстой. Тодруулбал Монгол Улс цаашид Ерөнхийлөгчийн засаглалтай байх уу, Парламентын засаглалтай байх уу гэдгийг ард түмнээсээ асууж шийдвэрлэх шаардлагатай байна.

Миний бие Ард нийтийн санал асуулгын тухай хуулийн дагуу энэ чиглэлээр ард нийтийн санал асуулга явуулах Улсын Их Хурлын тогтоолын төсөл боловсруулсан бөгөөд ард иргэдийнхээ өгсөн хариулт, шийдвэрийн хүрээнд шинэ Үндсэн хуулийн төсөл боловсруулж, нийтээр хэлэлцүүлэн батлахаас өөр аргагүй гэж үзэж байна. Ингэснээр гүйцэтгэх засаглалын тэргүүнийг улс төрчдийн барьцаа, хүлээснээс ангижруулж, улс орон тогтвортой хөгжин дээшлэх боломж бүрдэнэ.

Тиймээс Үндсэн хуулийн асуудлаар явуулах ард нийтийн санал асуулгын тухай Улсын Их Хурлын тогтоолын төслийг нэн даруй Улсын Их Хурлаар хэлэлцүүлэн шийдвэрлүүлэхийг хүсье” гэжээ.


Монгол Улсын Ерөнхийлөгчийн албан бичгийг Монгол Улсын Ерөнхийлөгчийн Тамгын газрын дарга З.Энхболд УИХ-ын дарга Г.Занданшатарт гардуулан өгсний  дараа сэтгүүлчдийн сонирхсон  асуултад дэлгэрэнгүй хариуллаа.

-Үндсэн хуулийн хоёрдугаар хэлэлцүүлгээр Ерөнхийлөгчийн өргөн барьсан төсөл, саналаас аль аль саналууд нь дэмжигдсэн юм бэ?

-Ерөнхийлөгчийн саналыг саналын түвшинд харгалзаж үзээд баталсан. Одоо дэмжигдсэн долоон санал бол цаашдаа Үндсэн хуулийн нэмэлт, өөрчлөлт болоод явна. Ерөнхийлөгч Үндсэн хуулийн нэмэлт, өөрчлөлтөд санал өгсөн болохоос биш  бие даасан төсөл өргөн бариагүй. Бие даасан төслийг хэлэлцэж болохгүй.  Ерөнхийлөгчийн оруулсан саналуудаас дэмжигдсэн заалтууд бол  зургаадугаар зүйлийн 2-т  оруулсан байгалийн баялагтай холбоотой “төрийн өмч гэж байсныг нийтийн өмч” гэж өөрчилсөн. Мөн намын дэгжигчдийн тоог “сонгуулийн эрх бүхий дэмжигчдийн 2.5 хувь” гэснийг “нэг хувь” болгож намын гишүүдийн тоог бууруулсан. Мөн намын хөрөнгө санхүү ил тод байна гэсэн санал нь дэмжигдсэн. Гуравдугаарт 25 дугаар зүйлийн 1.16 дээр “тусгаар тогтнолын асуудлаар санал асуулга явуулахыг хориглох” тухай заалт дэмжигдсэн. Дөрөвдүгээрт,  Шүүхийн тогтолцоонд тойргийн зарчим байна гэдэг дэмжигдсэн. Мөн шүүгчийн Сахилгын хороог байгуулах тухай заалт үг үсгээрээ орсон. Үндэсний аюулгүй байдлын үзэл баримтлалд тогтвортой хөгжлийн үзэл баримтлалыг заавал харгалзаж үзнэ гэсэн эдгээр санал дэмжигдсэн. Энэ бүх саналууд үлдээд явна. Харин УИХ-аар авч хэлэлцээгүй Ерөнхийлөгчийн бусад саналуудыг татаж авч байгаа.

-Ерөнхийлөгч саналаа татаж авснаар ямар нөхцөл байдал үүсэх вэ. Төсөл задарна гэж ойлгох уу?

-Төсөл задрахгүй. УИХ Үндсэн хуулийнхаа өөрчлөлтийг батлах бүрэн эрхтэй.  АН Үндсэн хуулийн нэмэлт, өөрчлөлтөд оролцохгүй гэдгээ дөнгөж сая хэлсэн. Ерөнхийлөгч оролцохгүй. Одоо цэвэр МАН-ын хэрэг болсон. Удахгүй УИХ-д суудалтай бусад нам болох МАХН ч юм уу байр сууриа илэрхийлэх байх. Энэ бол зөвхөн УИХ-ын 62 гишүүний боловсруулсан өөрчлөлт болоод үлдэх ёстой юм.

-Ард нийтийн санал асуулгаар хэрэв Ерөнхийлөгчийн засаглалтай болгохыг ард түмэн дэмжвэл яах вэ?

-Шинэ Үндсэн хуулийг дараагийн УИХ боловсруулж, нийт иргэдээрээ хэлэлцүүлж байж батална. Энэ өөрчлөлт олон жил яригдлаа. Ерөнхийлөгч наадмын маргааш буюу долдугаар сарын 16-нд санал, төслөө өргөн барихдаа УИХ-ын гишүүдийн өргөн барьсан төсөлд ололттой заалтууд байна. Гэхдээ орхигдсон заалтуудыг өргөн барьсан. Тухайлбал, хотыг засаг захиргаа нэгжийн хувьд адилхан авч үздэг асуудал хэсэгчлэн суусан. Засаг захиргааны бүх эрх хотод ирэхгүй гэхдээ нэлээд олон ололтой талууд бий. Засгийн газрын дөрвөн жил тогтвортой ажиллуулах боломжийг хангаж өгөхгүй байна гэж үзэж байгаа учраас Ерөнхийлөгч өөрөө гүйцэтгэх засаглалын тэргүүн байдаг энэ системийг нэвтрүүлэхгүй бол болохгүй нь гэж үзсэн.

Уг нь Ерөнхийлөгчийн өргөн барьсан үндсэн саналуудыг авах болов уу гэсэн найдлага  хоёрдугаар хэлэлцүүлэг дуусах хүртэл байсан. Ерөнхийлөгчийн өргөн барьсан саналын 80 хувь нь хасагдлаа. Гишүүдийн өргөн барьсан төслийн 20 хувь нь дэмжигдсэн байна. Ерөнхийлөгчийн зүгээс хуучин Үндсэн хуулиа засах гээд үзлээ, болсонгүй.  Тэгвэл шинэ Үндсэн хуулийн тухай ярихаас төөр аргагүй болж байна. Засгийн эрх мэдэлд ард түмний гарт байна гэж Үндсэн хуульд заасны дагуу нэг л удаа ард түмнээсээ асуучих. Ерөнхий сайдаа жил болгон огцордоггүй болгоё гэж байгаа бол ард түмнээсээ сонгуулъя. Ард түмнээсээ мандатаа авсан бол дундаасаа шүүх засаглалаа гаргадаг жишиг дэлхий дээр сайн ажиллаж байна. Санал асуулгаар 30 тэрбум төгрөг зарцуулаад 62 гишүүний нэмэлт, өөрчлөлтийг батална. Эсвэл Ерөнхийлөгчийн засаглалыг дэмжинэ, парламентын засаглалыг дэмжинэ гэдэг шийд гарна. Ерөнхийлөгчийн засаглалыг дэмжинэ гэвэл цоо шинэ Үндсэн хуулийн төслийг дараагийн УИХ батлаад, баталсан даруйдаа тараад дараагийн парламент ажлаа хийх боломж олгох юм.

-Ерөнхийлөгч яагаад одоогийн Үндсэн хуулиа өөрчлөх гээд байгаа юм бэ?

-Одоогийн Үндсэн хууль Монгол Улсын өмнө тулгамдсан асуудлыг шийдээд явж байгаа бол болно. Гэтэл УИХ-ын гишүүдийн дийлэнх олонх нь буюу 62 гишүүн  Үндсэн хуульд нэмэлт, өөрчлөлт оруулах төсөл өргөн барьж, энэ Үндсэн хууль болохгүй байна, гүйцэтгэх засаглалаа бэхжүүлье, парламентынхаа засаглалыг хадгалъя  гэлээ. Тэгэхээр нь Ерөнхийлөгч тэгье гэлээ. Харин УИХ түүнээсээ ухарлаа. ЖДҮХС-аас зээл авсан 40 гишүүддээ хариуцлага тооцож чаддаггүй ийм арчаагүй парламенттай байснаас улс орны өмнө тулгамдсан асуудлаа шийдэж чаддаг, гэхдээ засаглалын ямар хэлбэр байх нь сонин биш Үндсэн хуультай байх нь чухал. Парламентын засаглал хамгийн мундаг нь гээд хэн хэлсэн юм. 30 жилийн турш бид янз бүрээр оролдлоо. Хамгийн сүүл ийн оролдлого Үндсэн хуульдаа 35 хүртэлх хувьд нь өөрчлөлт хийгээд явъя гэлээ. Гэтэл ажиллахгүй нь. Тэгэхээр засгийн бүх эрх мэдэл ард түмний гарт байдаг юм бол ард түмнээсээ асууя гэсэн. Ард түмэн аль нэгийг нь сонгоно. Ард түмний сонголтын дагуу Үндсэн хуулиа өөрчлөх үүрэг нь парламентын үүрэг.

-Ард нийтийн санал асуулгаар Ерөнхийлөгчийн асуултыг хамтад нь оруулъя гэхэд ҮХНӨ-ийн журмын тухай хуулийг зөрчинө гэдгийг Төрийн байгуулалтын байнгын хорооны хуралдаанаар гишүүд хэлсэн?

-Үндсэн хуульд өөрчлөлт оруулах журмын тухай хууль бол ердийн нэг хууль. Дэгийн тухай хуульд болохоос биш Үндсэн хууль өөрөө биш. Одоо бид хэлбэр, агуулгаа ялгах хэрэгтэй. Болохгүй гэдэг хязгаарлалт хаана ч байхгүй. Боломжгүй гэж хэлж байгаа хүмүүс Ард нийтийн санал асуулгын тухай хуулийг үндэслээд байгаа юм. Би үндсэн Дэгийн тухай хуулийг хэлээд байна. УИХ-аар хэлэлцэж байгаа бүх хуульд Ерөнхийлөгчийн саналыг тусгах үүрэгтэй.

-Ерөнхийлөгч Ард нийтийн санал асуулгаар Ерөнхийлөгчийн засаглалтай байх уу эсвэл парламентын засаглалтай байх эсэхийг асуух гээд байгаа нь Ерөнхийлөгчийн засаглалд санаархаж байгаагаа шууд илэрхийлж байна гэж харж болох уу?

– Үндсэн хуулийн өөрчлөлт батлагдаад дараагийн Ерөнхийлөгч, УИХ-ын үеэс хэрэгжих заалтуудын талаар Ерөнхийлөгч ярьж байна. Шинэ Үндсэн хуулийн дагуу шинээр Ерөнхийлөгчийн сонгууль явагдана.Тэр сонгуульд Х.Баттулга гэдэг хүн оролцоод гарна гэдэг баталгаа хаана ч байхгүй. Бүх хүнд адилхан боломж бий. Тэгэхээр Үндсэн хуулийн нэмэлт, өөрчлөлт дараагийн УИХ, Ерөнхийлөгчөөс эхэлж хэрэгжинэ. Ямар хүмүүс гарч ирэхийг Монголын ард түмэн мэднэ.

 

 
"Болор дуран"-аар шалгав.
Энэ мэдээнд өгөх таны сэтгэгдэл?
26
ТэнэглэлТэнэглэл
10
ЗөвЗөв
6
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

54 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-09-09 66.181.161.79

Монголчууд жаахан дарамт айдастай байвал хөгжил хурдан ирнэ дээ. Бүгдээрээ шүүмжилэгчид сайхан бэлэн юм ярьдаг хүмүүс болдоод байна. Ер нь бол 1 хүний удирдлаганд байгаа улс орон хөгжиж байна.

Avatar

Зочин 2019-09-09 103.229.122.83

Тэгээд оронд нь Эрдэнэ вангын хувийн намыг сонгох уу?

Avatar

Зочин 2019-09-09 112.72.11.120

Зэвүүн тоглолт хийж байна. Энэ тоглолт Баттулга, Зи хоёрын жаанаас хальчихлаа. Москвагийн найруулдаг жүжигтэй тун тѳстэй юм. Одоо тэд энэ улс оронд Крымынхтэй тѳстэй тогтворгүй байдал үүсгэхээр улайрч байна. Бидний хийж чадах зүйл бол бүх ард түмний асуулгыг эсэргүүцэх. Эсвэл дийлэнх нь парлиаментын засаглалыг дэмжих шаардлагатай болоод байна. Үхэрнүүдээ, хэзээ ч бодит утгаар нь ойлгож хүлээж авч чаддаггүй тусгаар тогтнолоо Москвагаас хамгаалцгаая.

Avatar

Зочин 2019-09-09 112.72.11.103

Бодоод үз л дээ. Украйнд яг үүнтэй тѳстэй нѳхцѳл ѳрнѳсѳн. Ердийн л байдлаар сонгуулиа хийгээд үр дүн гарсан. Яахав дээ. Хаа газрын сонгууль хойно ногүй явагдах гэж юу байхав. Манайд гэхэд л Ман саналын хайрцгаа авч зугтаах, тог таслах, Ан сонгогчдыг гудамны хулигаануудаар дарамтлуулах гээд юу эсийг бид үзлээ дээ. Гэтэл энэ байдал нь гол нь Москъвд таалагдаагүй. Ѳѳр үр дүн хүссэн тэд шууд л эсэргүүцлийг зохион байгуулж улсыг дотроос нь хагалсан. Ард нийтийн гэх хэсгийг доргион дэмжсэн. Тэдний үнд

Avatar

Зочин 2019-09-09 112.72.11.113

сэн арга бол нийгмийн мэдлэг тѳлѳвшѳлгүй хэсэг болох мунхаг маасыг дэгтрэн тѳрийн эсрэг тухирах байдаг. Хаана л эх оронч, ард түмэнсэг хѳдѳлгѳѳн явна тэдний ард Оросуудын гар явж байх нь түгээмэл. Улсыг дотроос нь хагалах комунист арга. Яг л энэ зарчмаараа Украйнд үймээн гаргаж ард түмнийг засгийн эсрэг тухирсан. Тэд үүгээрээ хамгийн гол хүчин тѳгѳлдѳр эрх мэдэл болох засгийг сѳрдѳг. Ингэснээр Украйнд 2 засаг тогтоож чадав. Яг л 21 онд манайд хийсэн аргаараа гэсэн үг. Одоо манайд үүсээд байгаа н

Avatar

Зочин 2019-09-09 112.72.11.102

ѳхцѳл байдал бол яг Москвагийн явуулдаг аргачлалын дагуу ѳрнѳж байна. Засгийн хүчийг сѳрж, зарим нэг ашиг муутай нѳхцлүүдийг зориуд дэвэргэн мунхаг олныг ард түмэн хэмээн тэмцэлд уриалж улсыг хуваах гэж оролдож байна. Түүнд нь бууны нохой болж гар хѳлд нь зарагдаж яваа нь Баттулга Зи хоёр. Ерѳнхийлѳгч улсаа хагаралдуулах биш тэдний нэгдмэл ашиг сонирхлыг илэрхийгч хамгаалагч л байх үүрэгтэй. Ингэж чадахгүй байна гэдэг нь түүний бусдад худалдагдсаны баталгаа мѳн.

Avatar

ёёс 2019-09-09 64.119.17.198

zuv shdee Hedii boltol hulgaich a*******n hudalch gemt heregten 76 novshiig tejeeh yum bee. Ерѳнхийлѳгчийн засаглал Монголд тохирно

Avatar

Зика 2019-09-09 73.92.12.67

…… Хэрэв Еронхийлогчоос гаргасан тесел санал санаачлагыг хулээн авч аялдан дагалдаж байвал Еронхийлогч та нарыг 2020 он хуртэл яахчгуй орхино. Харин Еронхилогч болон миний зугээс гаргасан санаачлагыг эсэргууцсэн тохиолдол болгонд чинь ЖДY болон бусад паактуудыг чинь дурьдан ард тумнийг та нарын эсрэг турхирж байх болно

Avatar

Намрын 17 новшрол 2019-09-09 73.92.12.67

….. Юстас -Алексу : План А завершен. Приступаем к плану Б …… Алекс – Юстасу : Валяй …..

Avatar

Зочин 2019-09-09 64.119.19.5

Tanai eok chin hulgaich bish uu tomor zamaaas mongo shaasan yum bishuu chi ooroo archaagui
Amisgaa be

Avatar

Burhan urshuu 2019-09-09 202.126.89.38

Jenco 100 erhemees awhuilaad tv socialaar tarhi ugaaltiig mash huchtei hiisen terend ni awtsan buhel buten mongol yalna gesen eruuleer setgeh shuun tungaah chadvargui buhel buten har mass davalgaa bii bolchihood bhad ard niitiin sanal asuulgaar uls orniihoo huvi zayag shiidne ged bodohoor dotor haranhuilj bn Mongoliin zaya ikh gedeg dee burhan urshuu.

Avatar

Зочин 2019-09-09 66.181.161.27

Ард олныг бүү хошгируул яг наад үгээ өөртөө хэлж үзсэн үү.

Avatar

Иргэн 2019-09-09 103.212.119.129

АН-ын том дарга нар Чингэс, Самурай бондын тэр олон тэрбум долларыг идэж уусан. Тэдэндээ хариуцлага тооцсон юм уу? Тэр хулгайч дарга нараараа төлүүлсэн юм уу? МАН ба АН 2-т адилхан л луйварчид үүрлэсэн. Хэхээ хэрээнийхээ харыг гайхах болж дээ. 20 онд МАН ба АН-ыг огт сонгож болохгүй гэдэг л тодорхой.

Avatar

Зочин 2019-09-09 202.9.43.163

Зөв өө зөв.

Avatar

Зочин 2019-09-09 99.241.37.76

zuv zuv, ene heden hulgainuud undsen huuliig uruchilno gej yu badiag um. tiim erh ch baihgui, tiim shaardalga ch alga. uursdinhoo b**s buur arhi tamhinii yavdlaa cegcelj chadval deediin zayaa.

Avatar

Jenko 2019-09-09 202.126.88.203

UNEN, XARIUTSLAGA TOOTS

Avatar

Enhee 2019-09-09 64.119.18.95

Ene ih hural yamarch es zyigyi muu buhniig heregjuulegcjh naraar duursen chadamjgyi mahs buruu setgegdeliig olon tumend byi bolgoson tarah ne zyitei

Avatar

Зочин 2019-09-09 202.126.88.153

Zi -giin vg mash zurchiltei, yamar ch logikgvi bna. Dald sanaa ni Parlamentiin zasaglaliig halahad chiglesen bna. Ene tuiliin buruu.
Tegeed bas GDV-chdiig svrdvvlj baigaad Erunhiilugchiin zasaglaliig tulgah yum bna. Tedniig daranguilj baigaad hed honogiin daraa sanalaa sergeen tavih yum bna.
Putin iim huvilbariig zaaj uguud yavjee.

Avatar

Зочин 2019-09-09 202.9.45.59

ard tumniig teneg gj bodood bgam bhda tegj bj suudlaasaa buuh gj bgan

Avatar

Зочин 2019-09-09 103.212.117.9

засаглалын хэлбэрээ ард түмнээсээ асуугаад шийдчих. 20 онд бүрдсэн 76 шинэ үндсэн хуулиа баталж өгөөд зайлцгааг монголчууд угаасаа 76 мангасаас айсан 76 гудраачтай байснаас нэг хатуу гар байг ерөнхийлөгчийн засаглаллыг сонгох нь ойлгомжтой.

Avatar

Зочин 2019-09-09 171.96.116.220

Odoo yu bolood yvchvaa, ene har mass s teed zasaglaliin helberiig asuuh yumuu, ard tumnii sanal gej yu baidii, bolovsrol medleggi har mass s asuusan bolood teed teriigeer ni uurchluud yvdag bolj bn uu, bur dampuuruulah yum bn ldaa erunhiilugchiin zasaglal ene tsag ued Mongol ulsad zohimjgu baina

Avatar

Хулгайч нарыг тараах хэрэгтэй 2019-09-09 202.21.113.238

Энэ чадамжгүй УИХ-ыг тараах хэрэгтэй. Энэ их хуралд хятадын тагнуул, авлигалчид, 10%-ийн шантаажчид, ЖДҮ-чид, хүүхэн хүчиндэгч, төсвийн хулгайч нар, тендерийн луйварчид, концесчид, ямарч сургууль төгсөөгүй боловсролгүй новшнууд, тэнэг бөхчүүд, дуучид, сэтгүүлчид гээд баахан хогийн шаар, новшнуудын цуглуулга болсон Их хурлыг тараах нь зөв.

Avatar

Зочин 2019-09-09 66.181.160.59

Монгол орноо ухаантай 76 хүнээр удирдуулах гээд хайран амьдралын минь 30 жилийг үрчихлээ. Одоо боллоо. Үр хүүхдүүддээ сайн Ерөнхийлөгчөөр удирдуулсан нь дээр байх. Ерөнхийлөгч гэхээр л Гитлер Мао-г төсөөлөөд байх хэрэггүй.

Avatar

Zochin 2019-09-09 202.126.89.139

Энэ бэлтрэг гэнэт гэгээрээд л юу вэ оороо ямар хогийн хар хулгайч байсан билээ монгол улсаар тоглож хаячаад

Avatar

ЗИ 2019-09-09 64.119.18.220

таван толгойг элбэгдоржийн шуналаас аваад үлдсэн бэлтрэг дээ. Сайн эр ийм бдаг юмдаа!!!

Avatar

Зочин 2019-09-09 122.201.24.219

ERDENETIN 49% 400 SAY DOLLOROR ZARJ BAIHDA YU HIJ YVSAN YM ARCHAGUI g***

Avatar

Зочин 2019-09-09 211.36.144.24

Erguu l*****a Erdenetiin Orost baisan 49%-iig Orosuudaas Mongoldoo hudaldaj avchirsan ymldaa ! Tuunees Erdenetiin 49%-iig Mongolchuud zaraagui ymaa !? Yugaach medehgui OMhii MAH-guu pizdakaa !

Avatar

Зочинп 2019-09-09 202.126.88.130

Ерөнхийлөгчийн саналыг дэмжиж байна.Алийн болгон Энхтүвшин яГЭнхболд нар шиг урваач шарваач өвгөдөөр төрөө удирдуулах юм бэ.Одоо ард түмэнээрээ хагалуулсан дээр шүү

Avatar

Зочин 2019-09-09 83.97.157.201

Tegeed ene hulgaich, luivarchin buhchvvdeer udirduulah uu? Er ni bol Man, An 2 yg dahin songoogvi bh wm San. Ene Hulhisvh, Svhbat, Sumiyabazar, Battulga….. Bas deerees ni Nyamdorj bvgdiig zailuulah san

Avatar

Зочин 2019-09-09 202.126.89.26

Нямдорж энхтөвшин улаан лүндаа насаара их хуралд суулааа эд яагаад улс орныг хөгжүүлсэнгүйв одоо хэтэрлээээ 20 онд энэ хулгайчуудаас салах хэрэгтэй залуучууд нь ч адилхан улс орноо хөгжүүлии хулгай хиихгүй шудраг ажилии гэсэн сэтгэл эдэнд хэнд нь бнааа сонгогчид бодох цаг болсон шүү арайл хэтэрлээ

Avatar

Зочин 2019-09-09 211.36.144.24

Nimka ah bol huseed baisan ardchilal gedeg chin ene gesen shuu !?

Avatar

zochin 2019-09-09 150.129.143.21

Ehleed ih hurald bgaa 76 -g taraaj tseverlegee hiih heregtei.Ene humuust chini itgeh itgel ard tumend bhgui bolson bnaa.

Avatar

Зочин 2019-09-09 49.0.212.48

Зөв

Avatar

Zochin 2019-09-09 64.119.25.158

Eronhiilogchiin zasaglal bol zov. Eronhiilogchiig UIH hyanaj bolno shuu dee. ANU-d hyanaad bolood l baina, 76 bol jinhene tuiveej baina shuu.

Avatar

Зочин 2019-09-09 103.57.94.88

Орк ард түмэн алаад өгнө дөө. Ер нь юү ч ойлгохгүй, мэдэхгүй, харанхүй

Avatar

Зочин 2019-09-09 202.21.109.93

Зөвөө зөв. Ард түмнээсээ засаглалын хэлбэрээ асуучих хэрэгтэй. Аль эрт ингэх байсан юм.

Avatar

Зочин 2019-09-09 83.97.157.201

10000 tugrugnii vnetei ard tvmen sh dee

Avatar

Зочин 2019-09-09 202.126.88.57

Ард түмэн бол зөвийг сонгоно.

Avatar

Иргэн 2019-09-09 139.5.216.48

Ард түмэн маань хэдхэн бор цаасанд хууртагдан дандаа буруу сонголт хийсээр ирсэн

Avatar

Зочин 2019-09-09 188.63.166.135

Zuv. Yun iin toloo Haltmaagiin Horolmaa bilee Mongoliig samraad ogoorei.

Avatar

Зочин 2019-09-09 203.91.115.37

Парламентийн засаглал хэрэгтэй

Avatar

Зочин 2019-09-09 103.57.92.108

Гитлерийг ард түмэн сонгосон. Гитлер сонгуулиар гарсан. Ард түмэн зөв сонголт хийдэггүй.

Avatar

Зочин 2019-09-09 103.57.92.108

Ард түмэн зөв сонголт хийж чаддаггүй.

Avatar

МОНГОЛ БОДЪЁО 2019-09-09 175.38.170.112

ТӨМӨР ЗАМЫН ХУЛГАЙЧИЙГ ШАЛГААЧ ЭЭ, МОНГОЛЫН ТӨР НЭГМУУ ЖОНКУУРСАН ХУЛГАЙЧИД БАЗУУЛЧИХСАН ҮНЭН АРЧААГҮЙ ЮМ АА, ШИНЭ ЗАЛУУСЫГ СОНГОЦГООЁ АХ ДҮҮ НАР АА, 2-ООС ДЭЭШ СОНГОГДСОН НЭГ Ч ХҮНИЙГ СОНГОХГҮЙ БАЙВАЛ МОНГОЛЫН ТӨР АВРАГДАЖ МАГАДГҮЙ

Avatar

Ард түмнээсээ асуугаад шийдэх нь зөв 2019-09-09 139.5.217.134

Засаглалын хэлбэрээ Ард түмнээсээ асуугаад шийдэх нь зөв. Эцсийн эцэст Ард түмэн засаглалын хэлбэрээ сонгох эрхтэй

Avatar

ЗОЧИН 2019-09-09 202.21.126.30

Зи чи Ерөнхийлөгч болох санаатай юм уу

Avatar

Зочин 2019-09-09 119.40.103.3

зөв өө

Avatar

иргэн 2019-09-09 192.82.66.152

Үндсэн хуулиа зөрчсөн Баттулга огцрох ёстой.Шинэ ҮХ батлах эрх энэ хүэнд байх ёсгүй.УИХ-н гишүүд Баттулгыг огцруулах өргөх бичиг барих хэрэгтэй.Байнга Төрийг хэрүүлийн бай болгодог Баттулга төрд байх эрх байхгүй.Тууштай тэмцье Баттулгыг огцортол.Олон зүйл дээр хуулийг дэвсэж байгаа шүү.Одоо дуугарах цаг болсон шүү УИХ-н гишүүдээ.Алийн болгон тараана шүү гэж дарамтуулах юм бэ

Avatar

цалингаар жагсагч.ккк 2019-09-09 64.119.24.185

тэгээд тэмцээч цалингаа голоод жагсаддагүй биздээ.ккк

Avatar

зочин 2019-09-09 124.158.73.28

"Монгол Улс цаашид Ерөнхийлөгчийн засаглалтай байх уу, Парламентын засаглалтай байх уу гэдгийг ард түмнээсээ асууж шийдвэрлэх шаардлагатай байна." тэгээд одоо санал асуулгаа ингэж явуул гэж байгаа юм уу, мэдрэл нь зүгээр байгаа

Avatar

onom 2019-09-09 139.5.218.210

olon talaas ni sain bod. sain bod.

Avatar

Зочин 2019-09-09 202.126.88.43

Ганцаараа Путин шигээ хаан суух санаатай юу? Чадвартай байсан бол ч бас яахав, Өөрөө самраачин хумсалдаг гар штээ

Avatar

зочин 2019-09-09 202.179.8.210

Ерөнхийлөгчийн засаглал манай улсад яасан ч тохирохгүй. Ялангуяа энэ хүн ерөнхийлөгч байгаа үед.

Avatar

Зочин 2019-09-09 202.179.26.209

Үмбүүт чинь үмбүүтээд эхэллээ.Нөгөө монгол ялах яасан бэ?Айн.

NewsMN Гар утасны хувилбар Татах
NEWS.mn

Мэдээллийн эх сурвалж