Хууль тогтоогчид ард түмний нүүрийг харах эрхгүй болов | News.MN

Хууль тогтоогчид ард түмний нүүрийг харах эрхгүй болов

Хууль тогтоогчид ард түмний нүүрийг харах эрхгүй болов

Хууль тогтоогчид ард түмний нүүрийг харах эрхгүй болов

“Ньюс” агентлаг өнгөрч буй долоо хоногт өрнөсөн онцлох үйл явдлыг тоймлож байна.


Эрх баригч хүчин 64 суудлаа ашиглан Монгол Улсын Үндсэн хуульд нэмэлт өөрчлөлт оруулахаар болж, холбогдох хуулийн төсөлтэй гурван сар ноцолдсон ч парламентыг сонгодог тогтолцоотой болгох саналуудаа унагаж, хийсэн ажлаа баллуурдлаа.

Тухайлбал, сонгуулийг холимог тогтолцоогоор явуулах саналаасаа буцсанаар УИХ улсын төсвийг 76 тойрог руу чангааж, юу ч биш болгодог алдаа нь засрахгүй, хэвээр үлдэж байна.

Ерөнхий сайд нь Засгийн газрын танхимаа бүрдүүлдэг буюу сайдаа томилох, чөлөөлөх, огцруулдаг байх эрх олгохыг хүссэнгүй, парламентад авч үлдэн УИХ-д барьцаалагдсан сайдтай байх нь зөв гэж үзлээ.

“Давхар дээлийг тайлах ёстой” гэж хэдэн жил асуудал дэвшүүлчихээд эцсийн мөчид санал хураахад Ерөнхий сайдаас гадна дөрвөн сайдыг УИХ-аас томилдог байхаар болж, нүд хуурав.

Зарчмын томоохон өөрчлөлтөөсөө буцсан хууль тогтоогчид одоо ямар нүүрээрээ тойргийнхоо иргэд сонгогчидтой уулзах юм бол оо.

УИХ Монгол Улсын Үндсэн хуульд нэмэлт өөрчлөлт оруулах тухай хуулийн төслийн хоёрдугаар хэлэлцүүлгийг хийж дуусгаад байна. Иймээс ард нийтийн дунд “Монгол Улсын Үндсэн хуульд нэмэлт өөрчлөлт оруулахыг дэмжиж байна уу, үгүй юу” гэдгээр санал асуулга хийхээр болж, тогтлоо. Товыг хараахан тогтоогоогүй байгаа ч Ерөнхийлөгчийн сонгуульд зарцуулсан хэмжээний зардал гарах тухай тодотгосон юм.

Хэрвээ ард түмэн Монгол Улсын Үндсэн хуульд нэмэлт өөрчлөлт оруулах нь зөв гэж үзвэл уг төсөл ирэх 2020 оны тавдугаар сараас эхлэн хэрэгжиж эхэлнэ, татгалзвал одоогийн хүчин төгөлдөр үйлчилж байгаа Үндсэн хууль хэрэгжинэ. Ингэхдээ УИХ найман жилийн турш Үндсэн хуульд нэмэлт өөрчлөлт оруулах боломжгүй болох юм.

ОХУ-ын Ерөнхийлөгч В.Путин Монголд айлчлав

Ерөнхийлөгч Х.Баттулгын урилгаар ОХУ-ын  Ерөнхийлөгч В.Путин есдүгээр сарын 2-3-нд Монгол Улсад албан ёсны айлчлал хийлээ.

Халх голын байлдаанд Монгол, Зөвлөлтийн цэргүүд ялалт байгуулсны 80  жилийн ойн хүрээнд хойд хөршийн тэргүүн айлчилсан юм.

Айлчлалаар хоёр орон харилцаагаа нэг шатаар ахиулж, Найрсаг харилцаа иж бүрэн стратегийн түншлэлд хүргэлээ. Хугацаагүйгээр байгуулсан харилцаагаа хоёр тал  арван баримт бичигт  гарын үсэг зурснаар баталгаажуулав.

Монголын тал ОХУ-аас 100 тэрбум рублийн зээл хүсэж, төмөр замын хүчин чадлыг нэмэгдүүлэхэд ашиглах “болзол” тавьсан.

Гадаад харилцааны сайд Д.Цогтбаатар айлчлалыг дүгнэж хэвлэлийнхэнд байр сууриа илэрхийлэх үеэрээ ОХУ-аас хүссэн 100 тэрбум рублийн зээлийг бүхэлд нь төмөр зам шинэчлэхэд зарцуулна гэдгийг тодотгосон. Мөн “Эдийн засгийн ач холбогдолтой олон хэлэлцээр байгууллаа. Тухайлбал хоёр орны худалдааны асуудлыг ярихдаа голдуу бараа, материал ярьдаг. Гэтэл орчин үед үйлчилгээний худалдаа гэдэг төрөл  маш том орон зайг эзэлж байна. Шинэ боломж, ажлын байр, орлогын эх үүсвэрийг бий болгодог онцлогтой салбар. Энэ хүрээнд хоёр улсын шуудан  холбооны төрийн нэгдсэн үйлдвэр хоорондын “Стратегийн хамтын ажиллагааны хэлэлцээр”-т гарын үсэг зурлаа. Энэ нь транзит худалдааг хөгжүүлэхэд хамгийн чухал нөлөө үзүүлэх суурь нь юм” гэж хэлсэн юм.

Зайсанд хөрсний гулгалт үүсэж, хотын даргыг дуудав

Зайсангийн Peace Village, General town хотхоны оршин суугчид өнгөрсөн баасан гаригт  хотын даргыг дуудаж, түргэн авахуулав.

Хөрсний гулгалт үүссэн гэх Зайсанд хотын даргыг ирж ажиллахад оршин суугчид “Хөрсний нуралт үүссэн, газар олгох ёсгүй газар олгогдсон, бохир усаа усан сан үүсгэж шууд ил задгай асгадаг, үргэлжлэн орсон борооны улмаас авто зам эвдэрч сүйдэн захаасаа эмтэрсэн, хүүхдүүд тоглох, ахмадууд салхилах ногоон байгууламж байхгүй, анхнаас ногоон байгууламж барина гэж төлөвлөгдсөн газарт байшин барихаар ухаж сэндийлсэн. Аюулгүй байдлыг хангуулахаар холбогдох албан тушаалтнуудад ханддаг ч гомдол саналыг “хав дарчихдаг”, холбогдох арга хэмжээ авч ажилладаггүй” гэж гомдол мэдүүлэв.

Үүсээд байгаа нөхцөл байдлын хувьд  Зайсангийн Peace Village, General town хотхоны орчмын гадна талбайн газрыг 2018 оны тавдугаар сарын 18-ны өдөр нийтийн эзэмшлийн талбайн зориулалтаар ашиглах эрхийг цуцалсан байна.

Гэвч 2019 оны тавдугаар сарын 03-ны өдөр  Байгаль орчин, аялал жуулчлалын яамны өмнөх цуцалсан эрхийг хүчингүйд тооцон газар ашиглах гэрчилгээг нь УИХ-ын гишүүн асан Л.Гүндалайгийн хамаарал бүхий этгээд болох иргэн О.Одсүрэнд “Буудаллах, отоглох” зориулалтаар 2.041 га талбайг таван жилийн хугацаатайгаар дахин олгожээ.  Мэргэжлийн хяналтын ерөнхий газраас иргэдийн гомдолтой холбогдуулан  2019 оны долдугаар сарын 26-ны өдөр үзлэг, шалгалт явуулж, барилга барихаар ухсан хоёр нүхэнд бохир дүүрч, өмхий үнэр ханхалж байсныг бөглөх шаардлагыг газар эзэмших компанийн удирдлагуудад хүргүүлсэн боловч тухайн аж ахуйн нэгжүүд одоог хүртэл дээрх шаардлагыг биелүүлэхгүй байгаа аж.

Хотхоны оршин суугчид “Хотхонуудын ойролцоох зам талбай болон явган хүний замаар явах ямар ч боломжгүй болсон. Хүүхэд багачууд тоглох талбай, амьдрах орчны эрсдэлд ороод байна. Ухсан хоёр нүхэнд бохир дүүрч айлууд цонх, салхивчаа ч нээх боломжгүй нөхцөлд амьдарч байна. Тиймээс Хотын дарга та эдгээр асуудлыг шийдвэрлэж өгөөч” хэмээн учирлав.

Улаанбаатар хотын Захирагч С.Амарсайхан “Энд амаргүй, хүн амьдрахад хүндрэлтэй нөхцөл үүссэн байна. Аль аль талдаа асуудлыг эзэнгүйдүүлдэг, төрийн байгууллагуудын хоорондын ажлын уялдаа холбоо муу байгаагаас байдал хүндэрсэн. Энэ асуудлыг шийдвэрлэхийн тулд нийслэлийн Засаг даргын орлогч, Хот байгуулалтын асуудал хариуцсан төслүүдийн удирдагч О.Мөнгөншагай болон Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрөөр ахлуулсан ажлын хэсэг байгуулж, асуудлыг судлуулж, зохих арга хэмжээнүүдийг авч ажиллахаар болов.

Гүүрэн гарцыг муруй барьсан гэх дуулиан дэгдэв

Нийслэлийн Авто замын хөгжлийн газрын удирдлагууд болон зөвлөх компанийн төлөөлөл, хяналтын инженерүүд Замын цагдаагийн гүүрэн гарцын ажилтай өнгөрсөн пүрэв гаригт танилцах үеэрээ нийгмийн сүлжээгээр цацагдсан “Гүүрэн гарц муруй баригдсан” дуулианд тайлбар хийлээ.

Нийслэлийн Авто замын хөгжлийн газрын дарга Ж.Тогтохбаяр “Олон улсад гүүр замын олон зураг гаргасан Хятадын төмөр замын тавдугаар товчоо компани гүүрэн гарцын зургийг хийсэн. Үүнийг манай холбогдох бүх газар хянасан. Зам тээврийн хөгжлийн яамны харьяа Барилга хөгжлийн төвийн экспертүүдийн баталсан зургаар хийгдэж байна. Энэ гүүрийг яагаад муруй, саруй хийж байна гэдэг яриа гарсан гэхээр хэсэг газраараа өргөн нь 28 м, зарим газраараа 18 м, заримаараа 25 м баригдаж байгаа. Өөрөөр хэлбэл A, B, C рамп гэсэн туслах гурван гүүр баригдаж байгаа. Анх удаа Монголд ийм гүүр барьж байна. Бусад баригдсан гүүрүүд бүгд шулуун гүүр. Яг ийм туслах гурван гүүр босч байгаа том бүтээн байгуулалт анх удаагийнх юм. Ийм гүүрэн гарцан дээр хэлбэлзэл, эргэлтийн радиус, тэгш налуу үүснэ. Гүүрийн ажил төлөвлөсөн зургийн дагуу явж байна. Үүнийг ташаа байдлаар ойлгож байгаа нь харамсалтай. Замын ажлыг холбогдох олон байгууллага хянаж явдаг. Яг батлагдсан зураг төслийн дагуу гүүрэн гарцын ажил хийгдэж байна. Ямар нэгэн алдаа байхгүй” гэв.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
11
ТэнэглэлТэнэглэл
2
ЗөвЗөв
2
ХахаХаха
1
ХарамсалтайХарамсалтай
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Бааст 2019-09-08 103.111.68.3

Энэ хүзүгүйхулгайчийн сайт дандаа ард түмний эсрэг юм бичнэ ээ

Avatar

Зочин 2019-09-08 66.181.177.142

Оркууд өөрсдөө энэ МАНгар намаа сонгож ажил хийж байсан Ардчилсан намыг хөөж явуулсан биз дээ. Нам дамнасан хэдэн олигархуудад хууртаж хэдэн халтар цаасаар биеэ үнэлсэн үхэрмонголчууд сөнөвөл таарна

Avatar

Ард 2019-09-08 43.242.243.19

АН-ыхны бичсэн бичвэр андашгүй шүү!
Маш бүдүүлэг хэллэгтэй, мангар тэнэг утгатай дандаа занаж зүхсэн хачин сонин хүмүүс байдаг юм.
Ийм л юмнууд Элбэгдоржийг дагаж дөлдайж ардчилал гэж солиорч улсыг маань сүйрүүлсэн хойно хөөгдөхгүй яадаг юм.

Avatar

Зочин 2019-09-08 202.21.122.166

МОНГОЛчууд бид өвөг дээдсийн захисан нэг үг байдгийг мартаагүй байгаа гэж бодож байна. Тэр нь САЙДыг санаанд нь тултал суудалд нь БҮҮ суулга гэсэн үг байдаг гэдгийг. А харин өөрсдийгөө улстөрч болчихсон гээд зүүдлээд байгаа гарууд чинь бол тийм үг байдаг билүү гээд инээгээд сууж байгаа шүү.

Avatar

Зочин 2019-09-08 202.21.122.166

Угаасаа наад хэдэн новшнууд чинь юу гэж зүгээр эрх ямбаасаа салахыг хүсэх вэ дээ. тэгээд ч манай улстөрчид гэж жинхэнэ улстөрийн мэдлэггүй гарууд байгаа ш дээ. Бөх,дуучин сэтгүүлч, багш гэх мэт. ийм юм чинь яаж улс орныг удирдах юм бэ нам дагасан хэдэн учираа мэдэхгүй дээр яахаа мэдэхгүй хэдэн хүмүүс. Наад зах нь гэхэд сэтгүүлч яаж улс орны эрүүл мэндийг авч явах юм бэ ядаж эмчийн А үсэггүй хүн шдээ. гэх мэт бөөн юм байна бичээд байвал сонсох,бодох, харахаас дургүй хүрч байна

Avatar

Ц.Гочитский 2019-09-08 202.9.42.131

Үндсэн хуулийн нэмэлт өөрчлөлтийн талаархи санал асуулгаар ард нийт зөвшөөрөхгүй гэж шийдвэрлэвэл Ц.Нямдорж ёстой бэрс гарна. Учир нь түүний долоон өөчлөлт хэвээрээ үлдэх байх Даам байтугай бэрс байж байхад Н.энхбаяр хаан суух нь гонжийн жоо болох бололтой дог.

Avatar

Зочин 2019-09-08 103.229.121.188

Наранхүү номтой хэнч билээ тэднээр үндсэн хууль батлуулна гэж бодхоор

Avatar

Зочин 2019-09-08 24.16.188.187

Бас хирээ мэдэхгүй агаараар дүүжигнэж явдаг унаатай болно гээд байгаа хэ хэ хэ баахан амьтны толгой дээр унаж сүйрэл болно доо

Avatar

Энэ 65 ёстой хулхи юмаа 2019-09-08 103.229.123.48

Үндсэн хуулийн өөрчлөлтөөр eрөнхий сайд сайдуудаа томилох эрхтэй болох их хурлын сонгуулийг мажоритари систэмээр явуулдаг болох шүүхийн хараат бус байдлыг хангах гэсэн хамгийн амин чухал өөрчлөлтүүдийг хийх ёстой л доо. Эсбөгөөс энэ их хурал тарах хэрэгтэй

Avatar

Зочин 2019-09-08 64.119.18.133

Монголын улс төрд төрийн байгууллага хууль хүчний байгууллагад үл бүтэх хогийн гарууд оркууд сандайлаад суучихсан монголд ард түмэнд гай гамшиг болоод л байгаа одоо цагт хэзээ эрүүлжиж цэвэрших юм бол хурдан л байгаасай даа

Avatar

Зочин 2019-09-08 66.181.184.225

Монголчууд үнэн хүлцэнгүй малан хүмүүс юмаа энэ нөхдүүд дээрээс нь нус цэрээ хаяж бааж шээж байхад гөлийчихөөд юу ч дуугарахгүй энэ хэд нь хэдэн оркуудаа утгаар нь доромжилох юм өргөн барьсан хуулиа танихгүй болтол нь өөрчлөөд хэлэлцээд / хулхидаад / дүр эсгээд батлах тал руугаа орж байхад таг чиг манараал мангаагаал сууцгааж байх юм зайлахаас п да

Avatar

Зочин 2019-09-08 49.0.212.48

Ха ха ха, баяр хүргэе

Avatar

Зочин 2019-09-08 202.126.88.42

Үндсэн хуулиа

Avatar

Зочин 2019-09-08 202.126.88.42

Өөрчлөх шаардлагагүй гол заалтуудаа өөрчлөөгүй бна

Avatar

Зочин 2019-09-08 202.126.88.200

Ерөнхий сайд танхимаа бүрдүүлдэг болмоор байна.

Avatar

Zz 2019-09-08 5.180.77.248

Ter demii buhniig Ard tumnii sanalaar

Avatar

Зочин 2019-09-08 203.91.115.45

Холимог тогтолцоо байж болохгүй Ард түмэн босно шүү

Avatar

Зочин 2019-09-08 64.119.18.133

Эд нар чинь оркууд юм чинь ичих нүүр гэж байхгүй аливааг ялгах чадваргүй би яасан юм бэ намайг манай намыг сонгоорой гээд л зүтгэнэ

Avatar

Иргэн 2019-09-08 202.126.89.3

Ард түмэн байранд нь тавиад өгнөө Бүү бухимдаарай

Avatar

иргэн 2019-09-08 202.179.24.175

угаасаа энэ УИХ ЯМАРЧ ЧАДАМЖГҮЙ ШҮҮ ДЭЭ

Avatar

Зочин 2019-09-08 64.119.26.36

Холимог гэж нэрлээд байгаа Намын нэрийн ард жагсаалтаар нэр дэвших нь хуудуутай нөхөд нүүрээ нууж УИХ-ын гишүүн болох гэсэн далдын санаа.Харин ЕС засгийн газрын Сайд нараа томилох, давхар дахтай байх гэсэн нь одоогийн УИХ-ын гишүүд ашиг сонирхолын том нүгэлтэйгээ харууллаа.Түүгээр ч зогсохгүй огцорсон Сайд ,бүлгийн дарга нар хор хонзонтойгоо илэрхийлж товчлуур дарлаа.УИХ ,ЗГ-ын гишүүнийг томилоход оролцох гэж улайран зүтгээд байгаа өөрийн бүлэглэл,дагуул, хиа нараа Сайд болгох санаа юм.

NewsMN Гар утасны хувилбар Татах
NEWS.mn

Мэдээллийн эх сурвалж