Ван Гаал: Аварга болохын тулд хурдтай, бүтээлч хөлбөмбөгч авах хэрэгтэй байна

Английн Премьер лигийн аварга болохын тулд “Манчестер Юнайтед”-д хурдтай, бүтээлч хөлбөмбөгч гарцаагүй хэрэгтэй байгаа тухай голланд мэргэжилтэн Луи Ван Гаал өгүүлжээ.

“Манай багт хурдтай, бүтээлч хөлбөмбөгч дутагдаж буй болохоор бид аварга болоход шаардагдах тэр оноонд хүрч чадахгүй байгаа юм. Хэрвээ миний дээр дурьдсан чанарыг бүрэн эзэмшсэн хөлбөмбөгчийг бид худалдан авч чадвал аварга болох боломж бидэнд бий.

Манай багийг бусад багуудтай харьцуулаад үз л дээ. “Барселона”-гаас Неймар, Месси хоёр тоглох боломжгүй байлаа гэхэд Педро сэлгээд оронд нь тоглочихож байна. “Байерн”-д Роббен, Рибери хоёр байхгүй байвал тэд Мюллерт найдчихна. “Челси”-д л гэхэд Азар, Виллиан,  Оскар гээд хурдтай, өндөр ур чадвартай хөлбөмбөгчид байна. Тийм ээ, Эшли Янг муугүй тоглож буйг би мэднэ. Хуан Мата ч гэж муугүй л байгаа. Гэхдээ тэдэнд Роббен, Азар шиг тэсрэлттэй хурд байхгүй. Энэ тал дээр л бид хүч нэмэх хэрэгтэй байгаа юм” гэж Ван Гаал хэлсэн байна.

Эх сурвалж: http://horom.mn