ОХУ-ын алс дорнодын Владивосток хотноо “Дорнын эдийн засгийн форум” тав дахь жилдээ зохион байгуулагдаж байгаа билээ.

Энэхүү чуулга уулзалтын хоёр дахь өдөр буюу өнөөдөр /2019.09.05/ Монгол Улсын Ерөнхийлөгч Х.Баттулга Энэтхэг улсын Ерөнхий сайд Нарендра Модитой уулзжээ.

Ерөнхийлөгч Х.Баттулга энэ сард багтаж Энэтхэг улсад айлчлахаар болсон байна.

Уулзалтаар хоёр улсын соёл, боловсрол, иргэн хоорондын харилцааг хөгжүүлэхэд анхаарч, өргөжүүлэх талаар санал солилцсон байна. Мөн Монгол Улс газрын тос боловсруулах үйлдвэр барихад Энэтхэг улс зээл тусламж олгох асуудлыг нухацтай ярилцсан аж. Үүнээс гадна талууд агаарын бохирдлыг бууруулах талаар арга туршлагаа солилцжээ.

Эх сурвалж: INDIA TODAY