“Бээжингийн утсан хүүхэлдэй” | News.MN

“Бээжингийн утсан хүүхэлдэй”

ХҮМҮҮС

“Бээжингийн утсан хүүхэлдэй”

“Бээжингийн утсан хүүхэлдэй”

Хонгконгийн ерөнхийлөн захирагч Кэрри Лам 2017 онд сонгогдсоныхоо дараа хотын “нэг улс, хоёр систем” статусыг хамгаалахаа амлаж байв. Гэвч тэрбээр энэ оны эхээр хэрэгтнийг Хятадад шилжүүлэх хуулийн төслийг өргөн барьснаар удаан хугацаанд үргэлжилж буй эсэргүүцлийг өдөөж, ард түмний дунд “Бээжингийн утсан хүүхэлдэй” хэмээн нэрлэгдэх болов. “NEWS” агентлаг “ХҮМҮҮС” буландаа Хонгконгийн ерөнхийлөн захирагч Кэрри Ламыг онцолж байна.

БЛИЦ

НЭР: Кэрри Лам Чэнг Юүтнгор

НАС: 62 (1957 оны тавдугаар сарын 13)

ТӨРСӨН: Хонгконгийн Ванчай дүүрэг

ГЭР БҮЛ: Нөхөр, хоёр хүүтэй

АЛБАН ТУШААЛ: Хонгконгийн ерөнхийлөн захирагч

ЦАХИЛГААН ШАТААР ДЭЭШ ӨГСӨХ МЭТ АМЖИЛТТАЙ КАРЬЕР

Кэрри Лам нөхөр, хүүгийн хамт

Кэрри Лам нь Хонгконгийн түм түчигнэсэн Ванчай дүүрэгт таван хүүхэдтэй эгэл жирийн гэр бүлд төржээ. Тэрбээр католик шашинд сүсэг бишрэлтэй. Кэмбрижийн их сургуульд нэг жилийн диплом олгох курст суралцаж төгссөнийхөө дараа 1980 онд төрийн албанд ажилд орсон байна. Кэрри Лам 2004 онд Лондон хот дахь Хонгконгийн эдийн засаг, худалдааны газарт даргаар томилогдон ажиллаж байжээ. Тэрбээр 2006 онд Хонгконгод эргэн ирж, тасралтгүй карьер ахисаар өнөөдрийн суудалд хүрсэн байна. Хонгконгийн хөгжлийн асуудал хариуцсан нарийн бичгээр ажиллахын тулд тэрбээр 2007 онд Их Британийн иргэншлээ орхисон байна. Харин түүний нөхөр, хоёр хүү Их Британийн паспортаа авч үлджээ. Өдгөө нөхөр нь нэг хүүгийнхээ хамт Их Британид, нөгөө хүү нь Хятадад амьдарч байгаа аж. Кэрри Лам 2017 оны долдугаар сарын 1-нд буюу Хонгконг Их Британийн колоничлолоос гарч, Бээжингийн харьяалалд шилжсэний 20 жилийн ойгоор Хятадын дарга Ши Жиньпинд тангараг өргөснөөр хотын ерөнхийлөн захирагч болсон юм. Түүнийг Хонгконгийн ерөнхийлөн захирагчаар сонгогдсоны дараа “New York Times” сонинд өдөр 3-4 цаг унтдаг “ажлын хэнээтэн” хэмээн бичиж байжээ. Үүнээс өмнө тэрбээр Хонгконгийн ерөнхийлөгч захирагч асан Люн Чун Иний орлогчоор ажиллаж байсан аж.

ЗӨРЧИЛТЭЙ НҮҮР ТУЛСАН НЬ

Кэрри Лам 2014 оны Хонгконгийн "шүхэрт хөдөлгөөн"-ий үеэр тэмцлийг толгойлогч оюутнуудтай тогтмол уулзаж, албаныхантай холбогдох гүүр болж байснаараа ард иргэдийн дунд нэр нүүр олжээ. Люн Чун Инийг огцорсны дараа Хятадын талыг баримтлагч сонгуулийн зөвлөлийн 1194 гишүүний 777-ийн саналаар Кэрри Лам Хонгконгийн ерөнхийлөн захирагч болжээ. Тэрбээр сонгогдсоныхоо дараа Хятадын “нэг улс, хоёр систем” бодлогын хүрээнд Хонгконгийн статусыг хадгалахын төлөө бас эх газартай хотыг холбох “гүүр” болж ажиллахаа амлаж байв. Гэвч иргэдийн дунд Кэрри Ламыг Хонгконгод хяналтаа нэмэгдүүлэх Бээжингийн зорилгод үйлчлэх вий гэсэн болгоомжлол байжээ. Иргэдийн хардлага Хонгконгоос сэжигтнийг эх газарт шилжүүлэн өгөх хуулийг санаачилснаар батлагдаж, хотын түүхэн дэх хамгийн удаан үргэлжилж буй ард түмний бослого тэмцлийг эхэлжээ.

Хэрэгтнийг эх газарт шилжүүлэн өгөх хууль нь Хонгконгийн “Бага Үндсэн хууль”-аар олгогдсон шүүхийн хараат бус байх автономит эрхэнд халдсан хэрэг болжээ. Хуулийг хэлэлцэж эхэлсэн даруй иргэдийн жагсаал тэмцэл эхэлж, тэднийг цагдаагийн хүчээр зогсоох гэснээс эсэргүүцлийг улам дэврээсэн байна. Өдгөө Хонгконгийн эсэргүүцлийн жагсаал хүчирхийллийн шинжтэй болж, цагдаа нар жагсагчдын хооронд тогтмол мөргөлдөөн гарч, олон улсын нисэх буудал, үйлчилгээний газруудын ажиллагаа тасалдахад хүрсэн юм.

Удаан үргэлжилсэн жагсаалын эцэст Кэрри Лам хэрэгтнийг шилжүүлэх хуулийн төслөө Лхагва гариг (2019.09.04)-ийн үдэд албан ёсоор эргүүлэн татахаа мэдэгджээ. Тэрбээр гурван сар үргэлжилсэн тэмцлийн эцэст буулт хийснээр жагсаалыг намжаахыг хичээж байгаа ч жагсагчид өөр дөрвөн шаардлага тавьжээ. Тухайлбал, жагсагчдын эсрэг хүч хэрэглэсэн цагдаа нарын хэргийг шалгах хороо байгуулах, баривчлагдсан хүмүүст өршөөл үзүүлэн суллах, эсэргүүцлийн жагсаалыг бослого тэмцэл гэж харагдуулахаа зогсоох, хотын улс төрийн системд шинэчлэл хийх зэргийг жагсагчид шаарджээ.

Кэрри Лам Хятадын Наннинь хотноо жил бүр зохиогддог бүс нутгийн хамтын ажиллагааны бага хуралд оролцохоор явахын өмнөх өдрөө хуулиа эргүүлэн татах шийдвэр гаргасан нь анхаарал татаж байна. Тэрбээр эсэргүүцлийн жагсаал эхэлсэн зургадугаар сарын 9-нөөс хойш Хонгконгоос гадагш айлчлал хийгээгүй юм. Хонгконг, Макаогийн асуудлыг хариуцсан газар Хятадын засгийн газар, Төрийн зөвлөлийн дор ажилладаг.

ХОЁР ТАЛД ҮЙЛЧЛЭХ ХҮНДХЭН ДААЛГАВАР

Үүний зэрэгцээ Кэрри Лам есдүгээр сарын 2-нд “Reuters” агентлагт өгсөн ярилцлагадаа жагсагчдын шаардаж байгаачлан мөн “Би өөрөө хүссэн ч огцорч чадахгүй” хэмээн ярьсан байна. Мөн тэрбээр эсэргүүцлийг намжаахын тулд жагсагчдын шаардлагыг харгалзан үзэх ямар ч санал тавьсан Бээжингийн эрх баригчид хүлээж аваагүй хэмээжээ. Гэтэл Бээжингийн удирдлагууд Хонгконгийн нөхцөл байдлыг ирэх аравдугаар сарын 1-нд болох Үндэсний өдрийн баяраас өмнө намжаахыг Кэрри Ламд үүрэг болгожээ.

Өнгөрсөн гурван сарын хугацаанд Кэрри Лам заримдаа бачимдсан мэт байсан ч заримдаа төмөр хатагтайн дүр үзүүлж байсан нь түүний сэтгэлзүй хэр байсныг харуулж байна. “Reuters” агентлагт ярихдаа тэрбээр “Одоо цагт би гудамжаар явах боломжгүй болсон. Би дэлгүүр хэсч, тэр ч бүү хэл үсчин орж чадахгүй байна. Хаана, юу хийж яваа маань олон нийтийн сүлжээгээр тархах болсон. Хэрэв би гадагш гарвал хар хувцас, хар амны хаалтаар жигдэрсэн жагсагч залуус бүчин авах болно” хэмээжээ.

Тэрбээр Үндсэн хуулийн дагуу хоёр талд үйлчлэх ёстой байснаа учирласан байна. Кэрри Ламын тайлбарласнаар хэрэв Бээжингээс цэргээ Хонгконг руу илгээвэл  нэр хүнд нь унах эрсдэлтэй тул яаран хөдлөхгүй байгаа аж.

"Болор дуран"-аар шалгав.
Энэ мэдээнд өгөх таны сэтгэгдэл?
6
ТэнэглэлТэнэглэл
4
ХарамсалтайХарамсалтай
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-09-05 124.105.107.235

Хятад гээд эрээний тариачидаар төсөөлөөд төөрөлдөөд байна. Уугуул хэл нь бээжингээс өөр. Боловсрол соёл нь англи загвартай олон жил болсон 18.0 орчим юань дундаж цалинтай иим л хүмүүс.

Avatar

Зочин 2019-09-05 119.56.96.229

Mongold baigaa orsiin utsan huuheldei bas bainaa baina.

Avatar

onom 2019-09-05 103.57.93.19

Манайхан хятадуудыг үнэндээ мэддэггүй юмаа. Очиж наймаа арилжаа хийсэн төдийгөөр дүгнээд байдаг. Үнэндээ төр засгийн түвшинд ажиллаад бодлого хэрэгжүүлээд эхэлбэл хятад ямар хэцүү болохыг ойлгоно. Тэр түвшинд ажилсан маш цөөхөн хүн бий. Туршлага асар хэрэгтэй. Залуучууд ирээд туршлага суугаал явдаг. хэрэг алга.

Avatar

Зочин 2019-09-05 202.179.25.8

Хонгконг Хятадын газар нутаг.Гүйцээ!

Avatar

зочин 2019-09-05 202.21.127.166

хонг конгийн бүх захирагч нар утсан хүүхэлдэй болох хувь тавилантай юм шдээ

Avatar

зочин 2019-09-05 203.91.115.37

Монгол Улс одоо Хятадаас зээл авдаг авсан зээлээр барих барилга байгууламж дэд бүтэц зэрэг бүтээн байгуулалтыг Хятадын компани гүйцэтгэдэг харин Монгол Улс маань Хятадад асар их өртэй хоцордог болж байна энэ асуудлынг бүх нийтээрээ хэлэлцэж дахин Хятадаас зээл авч тэр зээлээр нь бүтээн байгуулалтыг Хятадууд гүйцэтгэдэх асуудлыг Их Хурал Засгийн газар хэлэлцвэл тэр Их хурлыг тараадаг Засгийн газрыг огцруулдаг больяо газар нутаг эдийн засгийн хувьд аль нэг улсаас хараат байдлыг болиулахын төлөө

Avatar

Зочин 2019-09-05 202.179.25.8

Монгол компаниуд хулгайлаад байдаг болхоор Япон ч бас өөрийн хөрөнгөөр бүтээн байгуулж байгаа ттом төслүүдээ Монголл компаниудаар хийлгэхээ больчихсоныг яахав?

Avatar

Bold o 2019-09-05 223.38.23.78

Estoi jinhene utsan huuheldei.uyanii buunii nohoi bn daa

Avatar

Зочин 2019-09-05 202.179.25.8

Монголын өрөнхийлөгчид Баянөлгийн засаг дарга захирагдахгүй байвал та баярлана биз дээ?

Avatar

Зочин 2019-09-05 180.149.112.27

Уучлаарай. Баян-Өлгий биеээ даасан статусгүй. Зүгээр л манай нэг аймаг. Шал өөр юм.

Avatar

asdsad 2019-09-05 66.181.170.73

emegtei huni zovlooon ghj

Avatar

Зочин 2019-09-05 202.126.88.193

Хятадтай хэрхэн тэмцэж болох тухай сайхан сургалт болж бн.Хонгконгчууд сайн удирдагчтай юм бн.3 сар хятад нь барьц алдсангүй.хонгконгчууд уурлаж галзуурсангүй.

Avatar

Зочин 2019-09-05 202.179.25.8

Хонгконг гэж улс ч байхгүй үндэстэн ч байхгүйг мэднэ биз дээ? Хонгконгчууд гэчихжээ бас.

Avatar

Зочин 2019-09-05 202.72.245.124

Хүний эрх чөлөө гэж хоосон орилоо шүү дээ. Гэмт хэрэгтнийг шилжүүлэх хууль зүгээр байгаа хүмүүст ямар ч хамаагүй. Гонконгод маш олон эдийн засгийн гэмт хэрэгтнүүд бүгдэг. Гонконгийн бацаанууд юуны төлөө жагсаж байгаагаа ч мэдэхгүй. Цаанаасаа жинхэнэ гэмт хэрэгтнүүдийн санхүүжүүлэлт. Та нар 2017 онд гонконг хос тайванд амарч байгаад нэг нь нөгөөгөө хөнөөсөн тухай уншаарай. Бүх юм үүнээс эхэлсэн юм. Хятадтай ч хамаагүй байсан.

Avatar

Зочин 2019-09-05 122.201.31.114

Мафийн уур болсон газар юм байна л даа

Avatar

Хотын уугуул ЧД иргэн Бат 2019-09-05 202.179.24.115

Бүх хүн ямар нэг байдлаар утсан хүүхэлдэй. Нөхөр нь авгайгийнхаа утсан хүүхэлдэй, авгайн нөхрийнхээ утсан хүүхэлдэй, "цэрэг" нь даргынхаа утсан хүүхэлдэй… ..мэдээ бичсэн Б.Анхтуяа чи өөрөө ч сайн бодвол хэн нэгний утсан хүүхэлдэй учраас даалгавар авч энэ мэдээг бичсэн байгаа .цааш нь ярих уу яахав… Хорвоо дэлхий дээр бүх юм бие биенээсээ харилцан хамааралтай байдаг…..

Avatar

Чагнаа 2019-09-05 124.158.109.140

Манайд ч олон том том хотын утсан хүүхэлдэй бий дээ.

NewsMN Гар утасны хувилбар Татах
NEWS.mn

Мэдээллийн эх сурвалж