Усама бин Ладен

Фото: Global look press

Британийн цагдаагийнхан хувийн онгоцны ослоор Блэкбушийн нисэх буудалд амиа алдсан хүмүүсийг Усама бин Ладены хамаатнууд гэж мэдээлэв.

Цагдаагийн мэдээгээр, албан ёсны задлан шинжилгээний дүн гараагүй ч амь үрэгдэгсдийн хэн болох нь тодорхой  гэнэ. Тэд нар нь Бин Ладены хойд эх, түүний дүү эмэгтэй ба түүний нөхөр гэнэ. Грвуулаа Саудын Арабын иргэд бөгөөд Британид амарч байжээ. Тэдний нэрийг араб хэвлээр Ража Хашим (Rajaa Hashim), Сана бен Ладен (Sana bin Laden), Зухаир Хашим (Zuhair Hashim) гэж нэрлэсэн байна.

Бин Ладены гэр бүлийн гишүүдийн хамт  Иорданы нисгэгч Мазен Салем аль-Дажа (Mazen Salem al-Dajah) амь үрэгдэв.

Сүйрсэн онгоц нь Ладены гэр бүлийнхний  Salem Aviation компанид бүртгэлтэй бөгөөд алдартай террористын ах Салем бин Ладены нэрээр нэрлэгдсэн байв. Embraer Phenom 300 онгоц Блэкбушийн нисэх буудалд долдугаар сарын 31-нд газардах үеэр осолджээ. Онгоц буудлын хашааг цөмлөн машины зогсоолд орж ирэн дэлбэрсэн байв. Онгоцонд явсан бүгд амиа алджээ. Энэ тухай Daily Mail сонин мэдээлсэн ч албан ёсны баталгаа байхгүй байлаа.

2001 оны есдүгээр сарын 11-ний аллагыг зохион байгуулсан, “Аль-Каида” бүлгийн  лидер агсан Усама бин Ладеныг 2011 онд Пакистанд хөнөөн  устгасан юм. Тэрээр баян, өнөр гэр бүлийн гишүүн байв. Түүний эцэг тэрбумтан Мохаммед бин Ладен  нь барилгын Binladen Group  компанийг үүсгэн байгуулсан бөгөөд 50 гаруй хүүхэдтэй байжээ. Тэрбумтан 1967 онд онгоцны ослоор үрэгдсэн  юм.

Усама бин Ладены гэрбүлийнхэн, 1994 онд Саудын Араб террористыг иргэнээсээ хассаны дараа түүнээс татгалзан холбоогоо тасалсан юм.

Бэлтгэсэн Ш.МЯГМАР