Эх орончдын наадам

Ойрын хоёр долоо хоногийн турш Орост Олон улсын цэргийн наадам явагдана. Уг наадамд 17 улсын 2000 цэргийн албан хаагчид ур чадвараар өрсөлдөх юм. Ангол, Армен, Азербайжан, Белорусь, Венесуэла, Египет, Энэтхэг, Казахстан, Киргиз, Хятад, Кувейт, Монгол, Никарагуа, Пакистан, Серби, Тажикистаны цэргийн 57 баг тэмцээнд өрсөлдөх юм. Иран, Вьетнам, БНСУ, Мьянма, Туркмен, Бразилийн армийн төлөөлөгчид ажиглагчаар иржээ.

Тэмцээнд Оросын армийн бараг 280 нэгж зэвсэг техникийг ашиглах юм. Хятадын цэргийнхэн 160 орчим техникээ авчирсан байлаа. Нисэхийн төрлийн тэмцээнүүд гэхэд л 70 онгоц, нисдэг тэрэг хэрэглэнэ.

Цэргийн наадмын тэмцээн найдугаар сарын 1-нд нээгдсэн бөгөөд Москва орчим, Краснодар, Сибирь, Каспийн тэнгис, Муром, Рязань, Воронеж хотын ойролцоох цэргийн сургуулийн талбаруудад наймдугаар сарын 15 хүртэл үргэлжлэх юм. Цэргийнхэн 14 төрлөөр уралдана.