Монгол Улсаас БНХАУ-ын Засаг захиргааны онцгой бүс Хонгконгт суугаа Ерөнхий консулын газраас сэрэмжлүүлэг гаргажээ. Хонгконгийн тэмцэгчид албан ёсны зөвшөөрөлгүйгээр жагсаал, цуглаан зохион байгуулж байгаа нь нийтийн тээвэр болон нисэх буудлын хэвийн үйл ажиллагаанд сөргөөр нөлөөлж, нөхцөл байдлыг хүндрүүлж байна. Тиймээс Монгол Улсаас Хонконгт суугаа Монгол Улсын Ерөнхий Консулын газраас иргэддээ дараах анхааруулгыг хүргэж байна. 

• Олон хүн цугласан газар очихгүй байх
• Хар, цагаан өнгийн хувцас аль болох өмсөхгүй байх
• Хэвлэл мэдээллийн хэрэгслээс шинэ мэдээлэл тогтмол авах
• Нийтийн тээврийн хэрэгслийн хөдөлгөөн хэвийн байгаа эсэхийг цахим хуудаснуудаас нь нягтлах
• Нисэх буудал руу очихоосоо өмнө цахим хуудаснаас нь хуваариа нягтлах
• Агаарын тээврийн компанитайгаа урьдчилан холбогдож тодруулах
• HKG My Flight application-ийг гар утсандаа татаж авч нислэгийн мэдээлэлтэй танилцах.