Барилгын чулуу, чулуун бүтээгдэхүүний импортын зах зээлийн судалгаа | News.MN

Барилгын чулуу, чулуун бүтээгдэхүүний импортын зах зээлийн судалгаа

Барилгын чулуу, чулуун бүтээгдэхүүний импортын зах зээлийн судалгаа

Барилгын чулуу, чулуун бүтээгдэхүүний импортын зах зээлийн судалгаа

Барилга.МН сэтгүүл энэ сар барилгын чулуу болон чулуун бүтээгдэхүүний 2016-2018 оны байдлаарх импортын зах зээлийн судалгаа хийснээ танилцуулж байна. 
Барилгын нийт чулуун эдлэлийн импортын хэмжээ 2016 онд 40,199 тонн, 2017 онд 25,519 тонн байсан бол 2018 онд 42,289 тонн болж өсчээ. Энэ нь барилга болон гадна тохижилт, тавилгын зах зээлийн худалдан авалт ихэссэн нь нөлөөлжээ.

Зураг 1. Чулуун эдлэлийн импорт, 2016-2018 он, тонн

Зураг 2. Чулуун эдлэлийн импорт, төрлөөр, 2016-2018 он, тонн

Импортын хэмжээг мөнгөн дүнгээр авч үзвэл дараах байдалтай байна. 2016 онд 23.3 тэрбум төгрөг, 2017 онд 17.3 тэрбум төгрөг, 2018 онд 27.1 тэрбум төгрөгийн худалдан авалт хийжээ.

Зураг 3. Чулуун эдлэлийн импорт, мөнгөн дүнгээр, 2016-2018 он, сая төгрөг

Барилга болон үйлдвэрлэлийн чулуун материалыг төрлөөр нь хувааж үзвэл дараах байдалтай байна. Хиймэл чулуун хавтангийн импортын хэмжээ 2016 онд 20.7 тэрбум, 2017 онд 15.3 тэрбум, 2018 онд 21.1 тэрбум төгрөг байна. Мөн боржин, гантиг, бусад хиймэл чулуун бүтээгдэхүүний импорт өсөх хандлагатай байна.

Зураг 4. Чулууны нэр төрлөөрх импорт, 2016-2018 он, сая төгрөг

Чулуун эдлэлийн 99 хувийг БНХАУ-аас авч байгаа бөгөөд БНСАУ, ОХУ зэрэг орноос бага хэмжээгээр худалдан авч байна. Иймд 2018 оны мэдээллийг бүтээгдэхүүний 3 ангиллаар харуулж байна.

Зураг 5. Чулуун бүтээгдэхүүний импортын хэмжээ, улсаар, тонн

Худалдан авсан хэмжээг мөнгөн дүнгээр авч үзвэл 2018 онд БНХАУ-аас 36.2 тэрбум төгрөгийн хөшөө дурсгал, барилгын чулуу, 3.9 тэрбум төгрөгийн чулуун хавтан болон хиймэл чулууг худалдан авсан байна. Бусад чулуун эдлэлийн хувьд овор хэмжээ бага, үнийн дүн багатай худалдан авалт хийсэн байна.

Зураг 6. Чулуун бүтээгдэхүүний импортын хэмжээ, мөнгөн дүнгээр, улсаар, сая төгрөг

Чулуун бүтээгдэхүүний импортын худалдан авалт нь улирлын нөлөөлөлтэй, өсөх хандлагатай байна. Овор хэмжээ их, ачилт тээвэрлэлт хүндрэлтэй учраас барилгын идэвхтэй явагдаж буй дулаан улиралд оруулж ирдэг байна.

Зураг 7. Чулуун бүтээгдэхүүний импортын хэмжээ, сараар, мөнгөн дүнгээр

Энэхүү судалгаа нь чулуун бүтээгдэхүүний импортын нийлүүлэлт талын судалгаа болно. Цаашид тус судалгааг өргөжүүлж дотоодын үйлдвэрлэл, эрэлтийг нарийвчлан судлах боломжтой. Улсын хэмжээнд гэр хорооллыг орон сууцжуулах, хямд үнэтэй орон сууцны хэрэгцээ байсаар байна. Тиймээс барилга, дэд бүтэц, үйлдвэрлэл, тавилгын зах зээлд чухал нөлөөтэй чулуун эдлэлийг дотооддоо бүрэн үйлдвэрлэх бүрэн боломжтой юм. Дотоодын үйлдвэрлэгч нарийн хүчин чадал, технологийг сайжруулах, бүтээгдэхүүний нэр төрлийг нэмэгдүүлбэл боломж байсаар байна.

Эх сурвалж: Barilga.mn

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж