Мэргэжлийн боксын рингэнд ялагдаж үзээгүй, босоо яваа  King Tug Н.Төгсцогт WBC-гийн чансаанд нэгдүгээрт бичигдэж буй. Түүний дараагийн тулаан аравдугаар сард болохоор товлогджээ.

Мэргэжлийн боксын IBO холбооны дэлхийн аварга, сонирхогчдын боксын олимп, дэлхийн мөнгөн медальт Н.Төгсцогт WBC-гийн журам ёсоор дэлхийн аварга Гэри Рассельтай тулалдах болзлоо хангасан ч Гэри Рассель манай тамирчинтай тулалдахаас татгалзаж, тавдугаар сард өөр боксчинтой аварга цолоо хамгаалах тулаан хийж ялалт байгуулсан. Харин WBC холбооноос Гэри Рэссельд Н.Төгсцогттой наймдугаар сард багтаж тулалдахыг сануулсан ч манай тамирчинтай тохиролцоо хийгээгүй боловч WBA-гийн аварга Лео Санта Крузтай тулаан хийх сонирхолтой байгаа. Ямартай  ч манай тамирчин Н.Төгсцогт сар гаруйн дараа рингэнд гарах нь.

Б.ЦЭЦЭГ