ХХБанк нийгмийн хариуцлагынхаа хүрээнд хүүхдэд чиглэсэн “Хязгааргүй мөрөөдөл” төслийг санаачлан хэрэгжүүлж эхлээд байгаа бөгөөд уг төслийн хүрээнд хүүхдийн боловсрол, эрүүл мэнд болон хүүхдийг гэмт хэргээс урьдчилан сэргийлэх чиглэлүүдэд бодит хувь нэмрээ оруулахаар ажиллаж байна.

Энэхүү төслийнхөө хүрээнд боловсролын чиглэлээр үйл ажиллагаа тогтвортой явуулдаг, хүүхдийн боловсрол, мэдлэгт бодитой хувь нэмэр оруулж буй албан байгууллага, хувь хүмүүсийг нийгмийн хариуцлагын болон банкны үндсэн үйл ажиллагааныхаа хүрээнд дэмжин ажиллаж байна.

Үүний нэг жишээ нь Олонлог академи сургуульд ХХБанкны зүгээс хөнгөлөлттэй нөхцөлөөр Шинэ хичээлийн байр барих санхүүжилт олгосон явдал байсан бөгөөд 9-р сарын 1-ний өдөр Олонлог академи сургуулиас хичээлийн шинэ жилийн нээлттэй давхцуулан шинэ сургуулийн байрныхаа нээлтийг, хүүхэд багачуудын цангинасан инээд хөөр дор хийлээ.

Мөн банкны зүгээс сэтгэл догдлуулсан, хичээлийн шинэ жилийн баярыг тохиолдуулан улс орныхоо ирээдүй болсон хүүхэд багачуудаа өөрийн хүсэл мөрөөдөлдөө хүрч, эрдэм мэдлэг, авьяас чадвараараа Дэлхийд гайхагдсан манлайлагч иргэн болоход нь хувь нэмрээ оруулах зорилгоор Олонлог академи сургуульд шинээр элсэн суралцаж буй 1-р ангийн 255-н хүүхдэд 20’000 төгрөгийн үлдэгдэл бүхий “Маамуу хүүхдийн хадгаламж”-ийг бэлэг болгон барилаа.

ХХБанк нь “Хязгааргүй мөрөөдөл” төслийнхөө хүрээнд өрхийн орлого багатай боловч сурах хүсэл эрмэлзэл өндөр, авьяас чадвараараа тэргүүлж буй дунд болон ахлах ангийн сурагчдад сургалтын тэтгэлэг олгох хөтөлбөрийг хэрэгжүүлэхээр ажиллаж байна.

Мөрөөдөл бүхний эхлэлийг хамтдаа бүтээе

Худалдаа, хөгжлийн банк