Хүлээлт үүсгэсэн "Даншиг наадам-Хүрээ цам 2019" ням гаригт болно | News.MN

Хүлээлт үүсгэсэн "Даншиг наадам-Хүрээ цам 2019" ням гаригт болно

Хүлээлт үүсгэсэн "Даншиг наадам-Хүрээ цам 2019" ням гаригт болно

Хүлээлт үүсгэсэн "Даншиг наадам-Хүрээ цам 2019" ням гаригт болно

“Даншиг наадам-Хүрээ цам 2019” шашин соёлын наадам есдүгээр сарын 8-нд Төв цэнгэлдэх хүрээлэнд болно. Уламжлал ёсоор тав дахь жилдээ зохиогдож буй тус наадмыг дотоод болон гадаадын жуулчид үнэ төлбөргүй үзэж, сонирхох боломжтой аж.

Даншиг өргөх ёслолыг жил бүр наймдугаар сарын эхний долоо хоногт зохион байгуулдаг ч энэ жил товлогдсон хугацаанаасаа хойшлогдсон нь НЗДТГ-аас хамтран оролцохоос татгалзсантай холбоотой. Иймд тус наадмыг  Гандантэгчинлэн хийдээс энэ жил бие даан зохион байгуулж буй юм. Тус хийдээс өнөөдөр /2019.09.02/ “Батцагаан” цогчэн дуганы нээлт, “Самвад III” олон улсын хурал, “Даншиг наадам-Хүрээ цам 2019” наадмын үйл ажиллагааны талаар мэдээлэл хийлээ.

“ДАНШИГ НААДАМ-ХҮРЭЭ ЦАМ 2019” ХОЙШЛОГДСОН НЬ НИЙСЛЭЛИЙН УДИРДЛАГУУДТАЙ ХОЛБООТОЙ

“Даншиг наадам-Хүрээ цам 2019” түүх, шашин, соёлын эл арга хэмжээг 2015 оноос НЗДТГ-тай хамтран жил бүр зохион байгуулж ирсэн. Сүүлийн жилүүдэд гадаад, дотоодын жуулчдын анхаарлыг татаж, хүлээлт үүсгэх болсон тус наадмын гол үзүүлбэр нь цам харайх юм. Энэ жил даншиг өргөх ёслолын үеэр монголчуудын соёлын өв болсон Жахар цам харайх ба Монгол түмний их шүтээн Очирваань бурхны тахилга болох юм байна. Үдээс хойш 256 бөхийн даншүгийн цол олгох барилдаан болох аж. Гандантэгчинлэн хийдээс “Даншиг наадам-Хүрээ цам 2019” наадмыг уламжлалт шашны зан үйл төдийгүй өв соёлоо дэлхий нийтэд таниулсан арга хэмжээ гэдгийг онцолсон юм.

“ДАНШИГ НААДАМ-ХҮРЭЭ ЦАМ 2019” НААДАМ НЬ АЯЛАЛ ЖУУЛЧЛАЛЫН САЛБАРЫН ХАМГИЙН ТОМ EVENT

МБШТ Гандантэгчэнлин хийдийн Хэвлэл мэдээлэл, олон нийттэй харилцах албаны дарга Ж.ОДГАРЬД:

– Монголын соёлыг дэлхийд таниулж буй нэгэн томоохон үйл явдал бол Даншиг өргөх ёслол. Энэ наадам нь аялал жуулчлалын салбарын дунд нэгэн томоохон event болж байгаа юм. Гандантэгчинлэн хийдээс НЗДТГ-т “Даншиг наадам-Хүрээ цам 2019” арга хэмжээг зохион байгуулах өдрийг товлох, зохион байгуулах тухай мэдээллийг энэ оны зургадугаар сараас эхлэн хүргүүлсэн. Гэвч НЗДТГ-аас “Даншиг наадам-Хүрээ цам 2019” шашин соёлын арга хэмжээг зохион байгуулж, хамтран оролцох тухай албан ёсны мэдэгдэл хариу өгөлгүй, наймдугаар сарын эхний долоо хоног хүрсэн. Иймд тус арга хэмжээнд нийслэлийн удирдлагууд  хамтран оролцохгүй болох нь тодорхой болсон тул бидний зүгээс даншиг өргөх ёслолыг уламжлал ёсоор үргэлжлүүлэн зохион байгуулахаар шийдэж ийнхүү есдүгээр сарын 8-ны өдөр товлолоо.

ДАНШИГ ӨРГӨХ ЁСЛОЛ ХОЙШЛОГДСОН НЬ НИЙСЛЭЛИЙН УДИРДЛАГУУД СОЛИГДСОНТОЙ ХОЛБООТОЙ

МБШТ Гандантэгчинлэн хийдийн эрдэм соёлын хүрээлэнгийн эрдэмтэн нарийн бичгийн дарга Н.АМГАЛАН:

Монгол Улсад аялж буй гадаадын жуулчид цам харайх ёслолыг үзэж сонирхох нь их. Энэ жил  “Даншиг наадам-Хүрээ цам 2019” арга хэмжээг наймдугаар сарын эхний долоо хоногт зохион байгуулахаар товлосонтой холбоотой жуулчдын дунд их хүлээлт үүссэн байсан ч нийслэлийн удирдлагууд солигдсоноос болж цам харайх даншиг өргөх ёслол болж чадаагүй. Үүнээс болж аялал жуулчлалын компаниуд манай хийд рүү хандах, ачаалал эрс нэмэгдсэн. Бидний зүгээс аялал жуулчлалын компаниудад учир байдлаа тайлбарлаж даншиг өргөх ёслол хойшлогдсон тухай мэдээлсэн. Цам харайх ёслолыг үзэх гэж японы маш олон жуулчид ирсэн. Тэдний хувьд зөвхөн  даншиг өргөх ёслолыг үзэх гэж монголд ирсэн, маш их хүлээлттэй байсан юм билээ. Одоо ч бас аялал жуулчлалын компаниуд манай төв рүү хандаж байгаа нь их хүлээлт үүссэн санагдлаа гэлээ.

"БАТЦАГААН” ЦОГЧЭН ДУГАН НЭЭЛТЭЭ ХИЙХ ӨДӨР ОЛОН УЛСЫН БУДДИСТУУД ЧУУЛНА

Монголын бурхан шашинтны төв Гандантэгчинлэн хийдээс “Даншиг наадам-Хүрээ цам 2019” шашин соёлын арга хэмжээг зохион байгуулахаас гадна есдүгээр сарын 6-нд бурхны шашны түүхэнд томоохон үйл явдал болохын нэг нь VIII Богд Жавзандамба хутагтын мэлмий гийсний 150 жилийн ой тохиож байна. Энэхүү тэмдэглэлт ойн өдрөөр “Батцагаан” цогчэн дуган үүдээ нээж, өрхөө татахаас гадна “Самвад” олон улсын хурал болж буйгаараа онцлогтой. Нийт 212012 м/кб талбай бүхий тус шинэ дуганд 1080 лам нэг дор хурах боломжтой ба уг олон улсын хуралд Энэтхэг, Япон, Шриланк, Бутан, Тайланд, Бангладеш, Сингапур зэрэг орны лам, Австри, Их Британ, АНУ, Швейцар, ОХУ-ын буддын судлалын нэр хүндтэй эрдэмтэн судлаачид оролцох аж.

ГЭРЭЛ ЗУРГИЙГ Г.БИЛГҮҮН

"Болор дуран"-аар шалгав.
Энэ мэдээнд өгөх таны сэтгэгдэл?
17
ТэнэглэлТэнэглэл
7
ЗөвЗөв
3
БурууБуруу
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-09-02 203.91.115.40

Нийслэл зөв юм хийсэн. Гандан мөнгөтэй газар байж, өөрсдөө л даншгаа хийгээч.

Avatar

зочин 2019-09-02 66.181.161.73

Төвд хаалттай болсон энэ л үед бид буддын шашны дэлхийн төв болчих хэрэгтэй. Зөвхөн даншиг ч биш , бүр далай ламыг Монголоос тодруулах хэрэгтэй .Дэлхий дээр будда шүтэгч 500 гаран сая хүн байна !! . Аливаа шашны номлол гэдэг маш хүчтэй … Алсын хараатай байцгаа ! …

Avatar

за шаагаад бай 2019-09-02 109.70.100.28

далай ламыг чинь түвэд, монгол, балба 3 шүтдэг юм. Бусад далай лам ч гэж мэдэхгүй

Avatar

Зочин 2019-09-02 64.119.20.214

Amarsaihan l***r

Avatar

Зочин 2019-09-02 2.136.17.240

😪😪

Avatar

жагаа 2019-09-02 202.21.108.195

1921 оны 7 сард Улаан Оросын цэрэг Нийслэл Хүрээг эзэлсэн өдрийг тэмдэглэж бхын оронд Даншигаа тэмдэглэж наадах нь түмэн зөв хөххөөө

Avatar

Зочин 2019-09-02 203.91.115.46

Нийслэлийн удирдлага шашны баярт яахаараа хамаатай болдог юм бэ. Бид яахаараа заавал харийн шашны баярыг хйих ёстой юм бэ.?

Avatar

Зочин 2019-09-02 202.9.43.5

Өөрсдөө хийвэл хийж байг хамгийн орлоготой баян газар гандан тэнд лам нар болсон

Avatar

Зочин 2019-09-02 202.126.89.181

Нийслэлээс хумсалдаг мөнгөө даалгуулж жуулчдаар нэр сүр хийн их юм иддэг цохидог үүд хаалгыг нь Нийслэлийн удирдлагууд тас цавчсан нь үнэхээр зөв.

Avatar

зочин 2019-09-02 202.9.42.83

Монголчууд бид үнс нурам болтлоо сүйрсэн байсан үндэснийхээ шашин соёлоо сэргээгээд ердөөл 20 гаранхан жил л болж байна л даа …Гэхдээ гарцаагүй зөв чигтээ явж байна .

Avatar

Зочин 2019-09-02 89.31.57.5

сөнөж байна гээч малаа. ардчилаас болоод сөнөж байна гэдэг ч ардчилалтай улсууд бүр хөгжиж байна. харин 30 жил энэ шашныг шүтсэн төвд монгол 2 мөхлөө юууг хэлээд байна наад шашинд чинь асуудал байгаа биз?

Avatar

Зочин 2019-09-02 199.249.230.108

Ийм юм хятадаас худалдан авч гадны эдийн засгийг битгий дэмжээсээ билээ. Хятад эмийг дүрс шүтээд Монгол эрийн хийморь сэргэдэг л юм байх даа. Хятад эмийн салтаа энэ лам нарт ёстой азгайтай эд байх нь дээ.

Avatar

Зочин 2019-09-02 92.62.139.103

Шар хувалзнуудад төрөөс нэг сайн даруулга хэрэгтэй болжэээ. Энэ яанзаар мөд төрийн толгой дээр гараад бууж өгөхгүй, олон түмнийг мухар сүсэг, бурангүй ёсоор захирхан шүү. Сэрцгээ!

Avatar

зочин 2019-09-02 202.9.42.83

Өгөр коммунист ,амаа тат … Та нарын бурангуй үе өнгөрсөн ….

Avatar

яасан лайтай юм бэ 2019-09-02 149.202.170.60

Монголын төрийн асуудалтай энэ харийн шашин ирээд наалдчих юм аа. Тийм их гэгээн, гэрээрсэн чадал чансаатай юм бол тэр төвдөө эхлээд хөгжүүлчихээсээ билээ????

Avatar

Хов 2019-09-02 150.129.141.125

Даншиг наадмаа хийхээ бур болье
Урд нь хийхгуй болж байсан . Нийгмийн хогжилд ахиц гаргах биш. Лам нараар замын ажил хийлгэн!!!!!🌚🌚🌚🌚

Avatar

Зочин 2019-09-02 66.181.161.110

Далай ламд даншиг өргөх үү? Больцгоож үзээ. Найчин чойжингоор нээлтээ хийлгээд арай даврууллаа. Өгөр төвдүүд Монголд маань сайн юм бүтээсэн огт үгүй. Жил болгон сая сая доллар Дарамсалаа руу цутгаж байна. Бүх аймгаас олон хувилгаан тодруулж 1 хувилгааныг 700 сая төгрөгөөр өргөмжилж, Дарамсалад хувилгаад тус бүр нэг өргөө бариулж байна!!! Монголын хөрөнгөөр тоглодог төвдүүдээс асуухад энэ чинь ариун явдал уу

Avatar

ДАЛАЙ ЛАМ 2019-09-02 64.119.20.40

ШААНА БИЗ… УУЛ ОВОО ТАХИХ, ГАЗАР УС ХӨНДӨХ, НАЙР НААДАМ ХИЙХ, ЦАГААЛАХ ШИНЭЛЭХ ШАРЫН ШАШИНТАЙ ПАД ХАМААГҮЙ ЮМ БАЙХАА… БИТГИЙ ХАРИЙН СОЁЛ СУРТАЛ УХУУЛГАНДАА УЛАМЖЛАЛТ ЗАН ЗАНШИЛ ӨВ СОЁЛЫГ ХУТГАЛДУУЛ ЧОЙЖАМЦ ЛАМТААН… ҮНЭХЭЭР Л БУРХАНЛАГ ШИНЖЛЭХ УХААНЧ ФИЛИСОФЛОГ ШАШИН ЮМ БОЛ АРДЫГ СОЁН ГЭГЭЭРҮҮЛЭХ ҮЙЛСЭД МӨНГӨ ХӨРӨНГӨ ЭД МАТЕРИАЛ ЗАРЦУУЛ… 4 ТАВАН ЗУУН ЖИЛ Л ХООСОН МУНХРУУЛЛАА…

Avatar

Зочин 2019-09-02 202.9.42.24

Монгол соёлыг дэлхийд таниулах зорилготой гэнэ. Шашин, цам монгол соёл биш. 1080 лам хурах дуган барьсан явдал сайн зүйл үү? Ядаж 108 хүний ажлын байр байсан бол өөр хэрэг. Төвд олон ламтай, гэвч хятадууд л хөгжүүлж эхэлж байна. Энэтхэгийн Ладак хөгжлөөр дорой, лам бол маш олон. Халимаг, Буриад 2 хөгжлөөр тэр хойно, лам яагаад тусалсангүй вэ?

Avatar

хаха бүр болиосоо гэж бодож байна 2019-09-02 163.172.66.247

Шар хувалзнууд хүлээж байгаа байх ядуу ардуудад хүлээгээд байх юм алга гарч өвс ногоо тариа будаагаа хураавал зохистой. Ажилгүй лам нар зуны 3 улиралд найр наадам хийчих юм хоолоо олж идэх арга шүү дээ. Хятадын угшилттай шашин шүтээд Монголчууд дээшлэхгүй ээ.

Avatar

Иргэн 2019-09-02 103.111.68.3

Энэ гандангийнхан Мэгжид Жанрайсэг бурхныг байрлуулсан байраа засаж тохижуулмаар юмаа, гэрэл гэгээ муутай, бохир, хүйтэн, ямар ч тохь тухгүй. Уг нь сүм дуган гэдэг чинь сэтгэлийн тайвшралыг олдог, сэтгэл санаагаа ариусгадаг газар байлтай, манайд эсрэгээр ямар ч тохь тухгүй, тоос шороондоо дарагдсан байдаг шүү. Гандангийнхан сүсэгтэн олны мөнгийг зөв зүйлд зарцуулах хэрэгтэй шүү.

Avatar

Судлаач 2019-09-02 202.131.251.109

Нэг удаа Япон найзыгаа дагуулаад очсон чинь гадаад хүн төлбөр төлөх ёстой гээд хураамж авч билээ (үүдэнд нь харуул байдаг юм билээ). Харин өнөөх япон сүүлд нь "Монголд очсон хүний үзэх ёстой газар гээд байсан, ядаж будаж, янзлаад засвар хийдэггүй юмаа гэхэд тоосыг нь арчиж чаддагүй юм байх даа, хүмүүсийн хандлага, сэтгэлгээ их дорд байна" гэж билээ. Сонсоход муухай ч үнэн юмдаа.

Avatar

Зочин 2019-09-02 103.229.176.130

хүлээлт үүссэн энэ тэр үлгэр ярихаа болимоор юм … татвар төлөгчдийн мөнгийг үрэн таран хийж байгаагаа цайруулах гээд байгаа юм уу хайшаа юмб … энэнийхээ оронд автобусны зогсоолууд дээр ямар чиглэлийн автобусууд явдаг, хаана хаана зогсдогийг нь
бичээд өгдөг болоосой

Avatar

Зочин 2019-09-02 139.5.216.152

Uuruu avtobusanii buudal deer ochij uzeegui baih esvel bichig useg medehgui hun baih. Ub hotod busand suuj uzeegui hun bhaa

Avatar

Иргэн 2019-09-02 202.21.117.194

шашин төр хоёр чинь тусдаа биз дээ. Нийслэлийн удирдлагууд ямар хамаатай юм. Өөр өөрийнхаа ажлыг хийх хэрэгтэй байх даа. Амжилт

Avatar

зочин 2019-09-02 66.181.178.153

түвдүүд үнэхээр ядуурчихсан хүмүүс юм билээ гандан хийд болон бусад хийдүүд ядуу хүмүзст яашаад өглөг өгддөггүй юм бэ

Avatar

Зочин 2019-09-02 2.136.17.240

,👹👹👹

NewsMN Гар утасны хувилбар Татах
NEWS.mn

Мэдээллийн эх сурвалж